Tryag File Manager

/home/cluster1/data/bu01/1121861/html/mixtec/zzTranscripciones_2016-06-19_archivo-muerto-todos-buenos/Zoologia/Yolox_Zoolo_CTB501_Arachnida-Ti1ndo4o24-sa1bi4-Tarantula_2014-01-11-h_ed-2016-06-19.trs

<?xml version="1.0" encoding="ISO-8859-1"?>
<!DOCTYPE Trans SYSTEM "trans-14.dtd">
<Trans scribe="Rey" audio_filename="Yolox_Zoolo_CTB501_Arachnida-Ti1ndo4o24-sa1bi4-Tarantula_2014-01-11-h" version="7" version_date="150310">
<Speakers>
<Speaker id="spk1" name="Rey Castillo García" check="no" dialect="native" accent="" scope="local"/>
<Speaker id="spk2" name="Constantno Teodoro Bautisa" check="no" dialect="native" accent="" scope="local"/>
</Speakers>
<Episode>
<Section type="report" startTime="0" endTime="378.668">
<Turn startTime="0" endTime="218.347" speaker="spk1">
<Sync time="0"/>
Bi3tin3 ndi4 a3sa(3)=on4=a2 ba'1a3 nda3tu'4un4 lu3chi'4i2=un4 xa'1a4 ti4 ka'4an2=na1 ji'4in4 ko4ndo3 ti1ndo4o24 sa1bi4 chi2,
<Sync time="9.411"/>
sa1a3 i4in4=ri4 nda4a2 i4yo2=ri4 nda4a(2)=e2 ji4ni2=ri4 nda4a(2)=e2, ndi3sa4ku4u(4)=a2 kan4
<Sync time="13.2"/>
an4 i'4na4=ri4 an4 ba143 i'4na4=ri4 ndi3sa4ku4u(4)=a2 kan4 nda3tu'4un(4)=un4 xa'1a4, ya1kan3, ya1 ti4 ti1ndo4o24 sa1bi4 chi2
<Sync time="18.79"/>
Ba'1a3 ba3, ya1 ku4u(4)=a2 nda4tu'4un4=na2 xa'1a4 ti4 ti1ndo4o24 sa1bi4 kan4 ndi4
<Sync time="25.773"/>
ti4, ti4 ba'14a4 ku4u4=ri4 an4 ko14o3 yo3o3 ku4u(4)=a2 ku4u4=ri4 ndi4 ba3 ti4 xa1tu1 ku4u4 ta'3an2 ba3=ri4 a1chi1 ndi4
<Sync time="33.893"/>
an4 ni1-xa1ñu(1)=e4=ri4 xa'1a4 bi4chi(4)=o4 tan3 ya1 ko4ndo3 i3ñu4=ri4 kan4 i3ñu4 ya1 tu4mi4 ja1ta4=ri4 kan4 ndi4
<Sync time="42.389"/>
an4 ni1-xa1ñu(1)=e4=e2 kan4 ndi4 sa4-ta'1yu(1)=a1 xa'1a(4)=e4 an4 ko14o3 nda'3a4 yo4o4 ba42 nda4a2 ba42 tan3
<Sync time="47.818"/>
sa4-ta'1yu(1)=a1 ndi4 tu4mi4 xa1tu1=ni42 ba42 ko4ndo3 tu4mi4 ja1ta4 ti4, ti4 ti1ndo4o24 sa1bi4 kan4 tan3
<Sync time="54.668"/>
nda4tu'4un4=na2 xa'1a4 ba3=ri4 tan3 ni3 ji14ni2=o4 na4 ndi3xa3 ba42 ka'4an2=na1 ku4u4=ri4 ti1ndo4o24 sa1bi4 ndi4
<Sync time="60.635"/>
an4 ya3bi2 ñu'3u4 i4yo2=ri4 an4 ya3bi2 i3tun4 i4yo2=ri4 an4 ya3bi2 yu1u4 ba42 nda4a2 ba42 i4yo2=ri4 tan3
<Sync time="65.823"/>
ka4ni3 sa1bi4 ndi4 mi4i4 ñu'4u4 ti4 kan4 ka4ni3 sa1bi4 o4ra2 *tiempu** sa4bi4 tan3 ku4un4=ra4 tan3
<Sync time="73.49"/>
ka4ni3=ra4 a1chi1 ndi4 ki3ti4 kan4 ku4u4 ti4 ñu'4u4 chi2,
<Sync time="78.409"/>
ti1ndo4o24 sa1bi4 kan4 ku4u4 ti4 ñu'4u4 ya1 kan4 ndi4 ka4ni3 ta4 kan4 ka4chi2=na1 nda4tu'4un4=na2 xa'1a4 ki3ti4 kan4 ndi4
<Sync time="84.378"/>
su14u3 ti4 ba'1a3 ku4u4=ri4 ndi4 ti4 ba'14a4 ku4u4=ri4 ya1 kan4 ndi4 ndi4kun2 ñu'3u2 sa1bi4=ri4
<Sync time="87.599"/>
tan3 ni3 ko14o(3)=a2 ba'1a3 bi4=ri4 na4 ka3chi2=o4 ta1tan4 ku4u4=ri4 an4 ko14o3
<Sync time="92.827"/>
ba'1a3 ka3xi(4)=o4=ri4 an4 ko14o3 ba'1a3 ka3xi4 tu3 ndu3xi4=ri4 an4 ko14o3 nda4a(2)=e2 ndi4 ti4 xa1tu1 ku4u4=ri4 su14u3 ti4 ba'1a3 ku4u4=ri4 ti4 ba'14a4 i3ni2 ku4u4=ri4,
<Sync time="99.867"/>
tan3 ndi4, tan42 ka4chi2=yu1 nda4tu'4un(4)=2 ndi4 su14u(3)=a2 e1ta4=e2 ndi4 xa1tu1=ri4 sa3kan4 tan3 ba14sa4 yu'4bi2=ri4 ndi4
<Sync time="109.444"/>
mi4i4 ke4e4=ri4 kwa'1an1=ri4 i3chi4 ba42 tan3 mi4i4 ya4nda3 ba42 tan3 ju13ta'3an2 ña'3a4 ti4 ti1se'4e2 ndi3i2 ti4 ndo3o3 kan4 ndi4
<Sync time="115.717"/>
i4ta'3nu3=ri4 si1ki4=a2 tan3 xi4ka3 nda'3a4=e2 i4ta'3nu3=ri4 si1ki4=a2 tan3 xi4ka3 nda'3a4=e2 i4xa3 *defender** xu4mi4=a2 nu14u3=ri4 tan3
<Sync time="122.881"/>
sa3kan4 ni3 ku4u4 tan3 mi4i4 ba143 ku4-ka3ma(2)=e2 tan3 ju4ndu'14u4=ri4 si1ki4=a2 tan3 tu4u4=ri4 i3ñu4 ka'3a4=e2 xa'4ni24=ri4=a2,
<Sync time="128.299"/>
ba143 ko4chun3 bi4=a2 ti1ndo4o24 ji'4in4=ri4 a1chi1 ko14o3 nda4a(2)=e2 ba42 ko4chun(3)=a2 nda3chi4 bi4=a2 kan4 ndi4
<Sync time="133.546"/>
ñu'3u4 ba3 xa4ñu(1)=a1 ki'4bi3 kan4 kwa'1an(1)=e1, tan3 ndi4 i4yo2 ti1ndo4o24 sa1bi4 ti4 ndo3o3 ti4 nda4a4 kan4 tan3
<Sync time="139.649"/>
i4yo2 ti4 kwa4chi3 tan3 ti4 kwa4chi3 kan4 ndi4 kwa'4a1 su'1ma4 ti4 kan4 ya1 ko4ndo3 mbo3la3 ka'3a4=ri4 kan4 mi4i4 i4in4 tu4mi4 kan4, ya1 kan4 ndi4
<Sync time="148.163"/>
ko14o(3)=a2 ba'1a3 bi4=ri4 an4 ko14o3, nda4a2 i3in(3)=a2 ba'1a3 bi4=ri4 ndi4 ti4 xa1tu1 ba3 ku4u4=ri4 ya1 kan4 ndi4
<Sync time="155.730"/>
na4 ni1-ya'1a3=ri4 ja1ta4 xa'1a(4)=e4 an4 ja1ta4 nda'3a(4)=e4 nda4a2 ba42 tan3 ko1yo3 tu4mi4=ri4 ndi4 ta'4yu1 i4xa(3)=e2 chi1,
<Sync time="163.922"/>
ta'4yu1 i4xa(3)=e2 a1chi1 ndi4 ya1 xa1tu1 ku4u4 tu4mi4=ri4 kan4 ka4chi2=na1 nda4tu'4un4=na2 xa'1a4 ti4 ti1ndo4o24 sa1bi4
<Sync time="171.485"/>
tan3 ni3 ko14o3 ka(1)=e1 ka3chi2=o4 nda4a2 chiu3un3 i4xa3 bi4=ri4 an4 ko14o3,
<Sync time="177.611"/>
nda4a(2)=e2 ba42 ku4u4 bi4=ri4 ndi4 nda4a2 ka1 ya3bi2 i3tun4 ba3 ya3bi2 yu1u4 ba3 ya3bi2 ñu'3u4 ba3
<Sync time="183.823"/>
ya1 ju4ta'3an2 ka1=yu1=ri4 ndi4 ya3bi2 ñu'3u4 ba3 mi4i4 i4yo2 ya3bi2 kan4 ku3ta'3an2=e4=ri4 nde4e4=ri4 yu'3u4 ya3bi2 na4 ji13ni2=o4=ri4 tan3 ja1 xi4nu3=ri4 kwa1nde3e3=ri4 ya3bi2,
<Sync time="190.524"/>
mi4i4 ti4 ku4u4 be'3e3=ri4 kan4 ba3 tan3 ndi4 ke4e4, ti4 ke4e4 kwa'1an1 ku4u4 ja3 ba3=ri4 nda4a2 ka1 i3chi4 nda4a2 ka1 ku3ni2=o4=ri4 xa'1a4 ndu3ku2 nda4a2 ka1,
<Sync time="197.333"/>
kwa'1an1=ri4 ndi4 ti4 ke4e4 kwa'1an1 ku4u4=ri4 ba3 ya1, ya1 ka3xi4=ri4 ndu4ku4=ri4 ya1 kan4 ndi4 xi4ka3=ri4 sa3kan4 tan3 ndi4
<Sync time="202.990"/>
ko14o(3)=a2 ba'1a3 bi4=ri4 ni3 ko14o3 i3in3 ta1tan4 bi4=ri4 an4 ko14o3 i3in3 ta1tan4 ba'1a3 bi4=ri4 ndi4
<Sync time="209.259"/>
ti4 xa1tu1 ku4u4=ri4 ran4 ya1 kan4 ka'4an2=na1 ji'4in4=ri4 ku4u4=ri4 ti1ndo4o24 sa1bi4,
<Sync time="212.984"/>
ya1 kan4 ndi4 ya1 kan4 ba42 ji4ni2=yu1 xa'1a4 ti4 ti1ndo4o24 sa1bi4 kan4.
</Turn>
<Turn speaker="spk1" startTime="218.347" endTime="221.767">
<Sync time="218.347"/>
¿An4 ti4in4=ri4 xi1ndu'1ba1 tan42 i3nga2 ti1ndo4o24 cho4?
</Turn>
<Turn speaker="spk2" startTime="221.767" endTime="306.681">
<Sync time="221.767"/>
Ba14sa4 ti4in4=ri4 xi1ndu'1ba1 ndi4 mi4i4 ti4 ba42 i4yo2=ri4 kan4 na4tu2 ya3bi2 an4 ya3bi2 tiu'1u4 ba42 an4 ko3o3
<Sync time="229.052"/>
an4 mi4i4 nda4a2 ka1 ni1-ka3an2 ki3ti4 ba42 tan3, tan3 i3kan4 i4yo2=ri4 ndi4 xi1ndu'1ba1 ndi4 sa1a3 tan42 ku4u4 yu'3u4 ye'14e4=ri4 kwe4nda2 ti1xin3=a2 ma14a3 ndi4
<Sync time="237.125"/>
xi1ndu'1ba1 ka4a4 ndi'3i3 ti1xin3=a2 kan4 tan3 i3kan4 ke4ta3=ri4 ke'3e2 mi4i4 ba42 ju4ndu'14u4=ri4 yu'3u4 ye'14e4=ri4 kan4 ndi4
<Sync time="242.508"/>
xi1ndu'1ba1 ku4u4 ndi'3i3 ba(3)=e2 ko4ndo3 ya1 ndi3i4 yu'3u4 ya3bi2=ri4 kan4 tan3 ji14ni2=o4 sa1a3 ka4a4 mi4i4 ba42 i4yo2=ri4 ti1xin3=a2 ma14a3 na4tu2
<Sync time="248.176"/>
su14u3 xi1ndu'1ba1 [ba42] ndi4 tu4u2=yu1 ndi4 ba3 sa3kan4 ndi'3i3 ka4a4 nda1 ma14a3 mi4i4 i4yo2=ri4 a1chi1 ndi4 yu'3u4 ye'14e4=ri4 mi4i4 ke4ta3=ri4 ju4ndu'14u4=ri4 kan4 tan3 ko3to(3)=e4 ndi4
<Sync time="254.735"/>
xi1ndu'1ba1 ndi3i4 ku4u4 ndi'3i(3)=a2 ndi1ka3 ya3bi2 yu'3u4 ye'14e4=ri4 kan4, na4 ji13ni2=o4=ri4 tan3 ndi1kun1 xi4nu3=ri4 kwa'1an1=ri4 ti1xin3 ya3bi2=ri4 ma14a3 ba3 tan3 ndi4 mi4i4, ba'1a3 ndi4 mi4i4 i4yo2=ri4 ba42 kan4,
<Sync time="262.282"/>
tan3 na4 kwa'1an1=ri4 i3chi4 ba42 ya1 kwi3i3 ka'3ni(4)=o4=ri4 an4 ko14o3 kwi3i3 kwa1ñu(1)=e4=ri4 kwi3i3
<Sync time="268.582"/>
ka3xi4 tu3 ki3ti4 ti4, ti4 kwe'1e1 kan4=ri4 ndi4, ndi4 mi4i4 ke4e4 ndi4ka1=ri4 kwa'1an1=ri4 ba42 kan4
<Sync time="277.081"/>
ya1 kan4 ndi4 ko14o3 xi1ndu'1ba1 ti4in4=ri4 tan42 i3nga2 ka1 ti1ndo4o24 ti4in4=ri4 xi1ndu'1ba1 ndo3o3 bi4 ndi4, tan3 ni3 *trampa** ba143 chi4nde3e3 bi4 ti4 kwe'4e1 kan4 ndi4
<Sync time="285.851"/>
ya1 ti4in4=ri4=a2 xa4xi24=ri4 ndi4 o4ra2 ke4e4=ri4 kwa'1an1=ri4 kan4 ba42, an4 ti1ka32 ba42 an4 yo3o3 ba42 ki'4bi3 ku4ni2 ni1-ku3-ya3tin3 tan3 ya1 kan4 ti'4nu3=ri4 ya1 kan4 xa4xi24=ri4,
<Sync time="294.533"/>
ya1 kan4 ba42 ji4ni2=yu1 i4xa3 ti4 ti1ndo4o24 sa1bi4 ka4chi2=na1 kan4, ndi4 ti4 nda4a4 ku4u4=ri4 tan3
<Sync time="302.657"/>
ya'4a1 kwe4nda2 e1te4 ka'3a4=ri4 ya1 ko4ndo3 su'1ma4=ri4 kan4.
</Turn>
<Turn speaker="spk2 spk1" startTime="306.681" endTime="311.840">
<Sync time="306.681"/>
<Who nb="1"/>
Ya1 kan4 ndi4 ti4 tu14un3 ... A1be3 ti4 ndo3o3 ku4u4 ti1ndo4o24 sa1bi4 kan4 ti1ndo4o24 sa1bi4 ka4chi2=na1 ji'4in4 ti4 ndo3o3 kan4.
<Who nb="2"/>
Ti4 ndo3o3 ku4u4=ri4.
</Turn>
<Turn speaker="spk1 spk2" startTime="311.840" endTime="316.301">
<Sync time="311.840"/>
<Who nb="1"/>
Ti4 kan4 ku4u4 ti4 ndo3o3 ndo3o3 ka1.
<Who nb="2"/>
Ko14o3 ka1 na1 kwi3i3 ka3chi2=na1 ndi4 i4yo2 ka1 ti4 ndo3o3 ka1 ka3chi2=na1 ndi4
</Turn>
<Turn speaker="spk2" startTime="316.301" endTime="321.472">
<Sync time="316.301"/>
tan42 ku4u4 na1 yu4bi24 ji4ni2=na1=ri4 ndi4 ti1ndo4o24 sa1bi4 kan4 ndi4 ti4 nda4a4 ku4u4 ti4 kan4.
</Turn>
<Turn speaker="spk1" startTime="321.472" endTime="323.716">
<Sync time="321.472"/>
Ti4 ndo3o3 ka1 ji'4in4 ti1ndo4o24.
</Turn>
<Turn speaker="spk2" startTime="323.716" endTime="330.617">
<Sync time="323.716"/>
A1be3 ti4 ndo3o3, ti4 kan4 ku4u4 ti4 ndo3o3 ka1 ji'4in4 nda1 nda4a2 ka1 ti1ndo4o24, ya1 kan4 ba42 ji4ni2=yu1 xa'1a4 ti4 ti1ndo4o24 sa1bi4 kan4.
</Turn>
<Turn speaker="spk1" startTime="330.617" endTime="332.557">
<Sync time="330.617"/>
Ba'1a3 ba3, ¿an4 ba143 i'4na4=ri4?
</Turn>
<Turn speaker="spk2" startTime="332.557" endTime="344.338">
<Sync time="332.557"/>
Ko14o(3)=a2 i'4na4 bi4 ti4 kwe'4e1 kan4, ba143 i'4na4 bi4 ti4 kan4 ndi4 ke4e4 mi3i4 ba(3)=e2 kwe'4e1 kan4.
<Sync time="337.632"/>
An4 nda4a2 kwa4ñu3 i'4na4=ri4 nu14u3 i3nga2 na1 i3nga2 xia4an4 ba3 tan3 yo4o4 ta'4bi4 ka1a3 ndi4 ba143 i'4na4 bi4 ti4 kwe'4e1 kan4.
</Turn>
<Turn speaker="spk1 spk2" startTime="344.338" endTime="351.061">
<Sync time="344.338"/>
<Who nb="1"/>
Ba'1a3 ba3.
<Who nb="2"/>
ti4 xa1tu1 ku4u4=ri4 ka4chi2=na1, o4ra2 i4yo2 a3ma3 ndi4 nda1 be'3e3 tan3 ke4e4=ri4 sa3ba3 xia4an4 ndi4 ke4e4=ri4 be'3e(3)=o4 sa3kan4 tan3
</Turn>
<Turn speaker="spk2" startTime="351.061" endTime="363.107">
<Sync time="351.061"/>
ka'3ni(4)=o4=ri4 tan3 ka3ta2 ba(3)=e4=ri4 a1chi1 ndi4 ko14o(3)=a2 ba'1a3 bi4=ri4, a1chi1 ndi4 na4 kwa1ñu1 na1 ba4li4 tu4mi4=ri4 kwa1ñu1 mi3i4 ba(3)=e4=e2 tan3
<Sync time="357.837"/>
an4 ya1 ka3ta4 ku4u4 xa'1a(4)=e4 an4 sa4-ka3na3=ri4 ndu1xa1 sa4-ta'1yu1 ba3=ri4=a2 a1chi1 ndi4 ti4 xa1tu1 ku4u4=ri4.
</Turn>
<Turn speaker="spk1" startTime="363.107" endTime="366.909">
<Sync time="363.107"/>
Ba'1a3 ba3, ¿sa1a3 na3ni(4)=un4?
</Turn>
<Turn speaker="spk2" startTime="366.909" endTime="369.505">
<Sync time="366.909"/>
Constantino Teodoro Bautista na3ni4=2.
</Turn>
<Turn speaker="spk1" startTime="369.505" endTime="371.368">
<Sync time="369.505"/>
¿Sa1a3 kwi1ya(1)=on4?
</Turn>
<Turn speaker="spk2" startTime="371.368" endTime="373.467">
<Sync time="371.368"/>
*Cincuenta y siete** kwi1ya1=yu1.
</Turn>
<Turn speaker="spk1" startTime="373.467" endTime="375.387">
<Sync time="373.467"/>
¿Sa1a3 na3ni4 ñu3u2=un4?
</Turn>
<Turn speaker="spk2" startTime="375.387" endTime="377.177">
<Sync time="375.387"/>
Yoloxóchitl na3ni4 ñu3u2=yu1.
</Turn>
<Turn speaker="spk1" startTime="377.177" endTime="378.668">
<Sync time="377.177"/>
Ba'1a3 ba3.
</Turn>
</Section>
</Episode>
</Trans>