Tryag File Manager

/home/cluster1/data/bu01/1121861/html/mixtec/zzTranscripciones_2016-06-19_archivo-muerto-todos-buenos/Botanica/Yolox_Botan_CTB501-FNL520_Vitaceae-kwi1yo1o4-ka4ta4_2015-05-24-f_ed-2016-06-19.trs

<?xml version="1.0" encoding="ISO-8859-1"?>
<!DOCTYPE Trans SYSTEM "trans-14.dtd">
<Trans scribe="Rey" audio_filename="Yolox_Botan_CTB501-FNL520_Vitaceae-kwi1yo1o4-ka4ta4_2015-05-24-f" version="3" version_date="151018">
<Speakers>
<Speaker id="spk1" name="Constantino Teodoro Bautista" check="no" dialect="native" accent="" scope="local"/>
<Speaker id="spk2" name="Fernando Niño Leonardo" check="no" dialect="native" accent="" scope="local"/>
</Speakers>
<Episode>
<Section type="report" startTime="0" endTime="517.695">
<Turn startTime="0" endTime="153.512" speaker="spk1">
<Sync time="0"/>
Yo'4o4 nda3tu'4un(4)=e4 *cuentu** xa'1a4 ya1 ko4ndo3 yo'3o4 ka4ta4 ka4chi2=o4 kan4
<Sync time="6.352"/>
sa3ba3=na2 ndi4 kwi1yo'1o4 yo'3o4 ka4ta4 ka4chi2=na1 ji'4in(4)=a2 tan3 ndi4 yo'3o4 ka4ta4 ba43,
<Sync time="10.795"/>
yo'3o4 ka4ta4 ya1 xi4yo13 ndu1u4 kwa'4a1 nda'3a4 chi4chi13=a2 ndi4 *tiempu** sa4bi4 ka1a3 ka4na3=ni4(2)=a2 sa3kan4 o4ra2 xa143 ko3o3 i3tu2=e4 ko3o3
<Sync time="19.676"/>
ka4na(3)=e2 kan4 mi4i4 ba42 i4yo2 i3tu2 an4 ko3o3 xa14ku'1u1 nda1 nda4a2 xi4yo13 ba3 yo'3o4 ka4ta4 ya1 xi4yo13 ndu1u4 kwa'4a1 nda'3a4 kan4
<Sync time="26.865"/>
tan3 ya1 xi4yo13 ndu1u4 kwa'4a1 nda'3a4 kan4 ndi4 na4 ka3xi(4)=o4=e2 ndi4 ba4a24 ka3ta4 ku4u4 yu'3u(4)=e4 ka3xi(4)=o4=e2 tan3 ndi4 ba143 xi'4i1 bi(4)=o4 ndi4 ba'1a3 xa4xi24 sa3a2=ya1,
<Sync time="34.918"/>
a1chi1 ya1 bi1xi1 ba3 ba42 tan3 ba4a24=lu3 ka3ta4=e3, i4yo2 tu3ku3 yo'3o4 ka4ta4 ndi4
<Sync time="40.92"/>
nda'3a4 i3tun4 ku3ni2=o4=e2 ndi4 yo'3o4 ka4ta4 kan4 ya1, ya1 ndu'3u4 nda143, nda143 ndi1ki1 ti4 ka4a4 xi'4nu13=a2 nu14u3=run4 tan3 ndi4 ko14o(3)=a2 ba'1a3=e2 kan4 chi3ku'3ni2=o4 i3tun4 ji'4in(4)=a2 ndi4
<Sync time="48.288"/>
ni3 ba143 xi4xi1 bi4=a2 kan4 *tiempu** xa'4nda2=e4 nda1xin1 ndi4 nu14u3 i3tun4 chi3ñu3=ni4(2)=a2 kan4 ko3o(3)=a2 ya1 kan4 ba42 xa4a4 i3ta2 kwa'4a1 ndi1ki1 ndi1ki1 nu14u3 i4in4 nda'3a4=e2 ni1nu1 kwe4nda2 kan4
<Sync time="55.346"/>
ja1ta4=e2 kan4, sa1ta4 ndu3ku2 nda'3a4 i3tun4 kan4 xi4yo13 i3ta2 tan3 i3kan4 xi4yo13 ndu1u4 nde'3e4 nde'3e4 i4in4 nda'3a4=e3, ndu1u4 nda4a4 ba42 xi4yo13 nda'3a4=e2 nda1 ni1nu3 mi4i4 ba42 xa4a4 i3ta2 ya1 kwi1yo'1o4 kwa'4a1
<Sync time="64.142"/>
ya1 kwi1yo'1o4 yo'3o4 ka4ta4 ya1 ndu'3u4 kan4 ni3 ko14o(3)=a2 ba'1a3 bi4=a3, xa4xi24 tu3 sa3a2 ba3 ndu1u4=a2 ndi4 sa3a2 ba3 ba'1a3 ka3xi4=a3,
<Sync time="71.205"/>
i4yo2 tu3 i3nga2 yo'3o4 ka4ta4 ndi4 yo'3o4 ka4ta4 ka4chi2=na1 kan4 ndi4 ba'1a3=e2 chi3ku'3ni2=o4 tu3tun4 ba3 an4 ko3o3 chi3ku'3ni2=o4 ku3rra42 ba3 tan3 ndi4 na4tu2 ni1-kwi1i4 ja1ta4=e2 ndi4
<Sync time="79.896"/>
kwe4e2 ti4 i4xi4ta(3)=e4=e2 tan3 ja1 kwi4i14 ba3 ma3chi3 ja1ta4=e2 kan4 tan3 ndo4o13 nda143 mi3i4 yo'3o4 kwi4i24 ti1xin3=a2 kan4 tan3 na4 ya1 kan4 ni1-..., ni1-kwi1i4 so1o4 ya4xin4 ja1ta4=e2 kan4 tan3 ti'3nu(3)=e4=e2 tan3
<Sync time="88.064"/>
chu3ku'3ni2=o4 ña'1a3 ji'4in(4)=a2 ndi4 ka4ta4 i4xa(3)=e2 ndi4 ta1nda1 i3ki4 nda'3a(4)=e4 kwa'1an1 ki'1bi3=a2 ka4ta4 ya1 kan4 ka4chi2=na1 ji'4in(4)=a2 ku4u(4)=a2 yo'3o4 ka4ta4
<Sync time="96.401"/>
tan3 i3nga2 tu3ku3 yo'3o4 ka4ta4 kan4 tu3 ndi4
<Sync time="101.637"/>
ba3 ji4ni2 ba(3)=on4=a2 kan4 chi3ñu3=ni4(2)=a2 ko3o(3)=a2 ja1ta4 yu1u4 xa'1a1 su14u3 i3nda14 nu14u3 ba42 ndi4 ya1 yo'3o4 ka4ta4 kan4 ndi4 ja1ta4 yu1u4 ba3 chi3ñu3=ni4(2)=a2 ko3o3 tu3ku(3)=a2 ndi4
<Sync time="109.405"/>
kwa1nda3a(3)=e2 kwa1nda3a(3)=e2 sa1a3 kwa1nda3a(3)=e2 sa3kan4 tan3 ndo4ko3o4=a2 ya1 ko4ndo3 ndu3ku(2)=a2 mi4i4, mi4i4 kwa'1an1 xu4xa(3)=e2 tan3 kwa'1an1 na3ma4=e2 sa3kan4, ja1 i3nga2 nu14u3 yo'3o4 ka4ta4 ba42 kan4,
<Sync time="118.413"/>
tan3 yo'3o4 ka4ta4 tu3ku3 i3nga2 tu3ku(3)=a2 ndi4 ja1 si4in4 i4in(4)=a2 yo'3o4 ka4ta4, nda4a(2)=e2 ku4u(4)=a2 ka'4an2=na1 ji'4in4 an4 ya1 kan4 ku4u4 ya1,
<Sync time="129.859"/>
xa4a4 i3ta2 ya3a3 nda'3a4 ku3ni2=o4=e2 xa14ku'1u1 ndi4 nda1 ni4i24=a2 tan3
<Sync time="135.841"/>
ba143 xa'4nu3 ndo3o(3)=a2 tan42 ya1 xa4..., ya1 xa'4a13 ndu1u4 kwa'4a1 ka1a3 ndi4 ya1 xa'4a13 ndu1u4 ya3a3 kan4 ndi4 ni4i24 ba(3)=e2 kan4 ka4na(3)=e2 mi4i4 ba42 ku3ni2=o4=e2 tan3
<Sync time="142.71"/>
xa'4nu3 su4kun1 tu3 ba42 na4 o4ra2 xa4a4 i3ta2 nda'3a4=e2 ndi4 i3ta2 ya3a3 xa'4a13=e2 ta1nda1 ndu1u4 yo'3o4 ka4ta4 ya3a3 xa'4a1(3)=e3, ya1 ni4i24 yo'3o4 ya3a3 kan4
<Sync time="150.797"/>
ya1 yo'3o4 ya3a3 ku4u4 mi3i4 ba(3)=e2 yu1ku1 ka14ta4 ndu1u4 ya3a3 kan4.
</Turn>
<Turn speaker="spk2" startTime="153.512" endTime="154.565">
<Sync time="153.512"/>
Ya1 ya3a3 ku4u4 mi3i4 ba(3)=e2 kan4.
</Turn>
<Turn speaker="spk1" startTime="154.565" endTime="197.597">
<Sync time="154.565"/>
Tan3 yo'3o4 yu1ka4..., ya1 yo'3o4 ka4ta4 ya1 xa'4a13 *uva** kwa'4a1 kan4 ndi4 ya1 kwa'4a1 ku4u4 mi3i4=a2 o4ra2 ka4na(3)=e2 tan3 nde'3e4 sa3kan4 kwi1yo'1o4=a2 kan4
<Sync time="163.194"/>
kwa'1an(1)=e1 tan3 ku3xa(3)=e2 tan3 i3kan4 nda4-ta'1bi4 nda'3a4=e2 ndi4 ya1 xa'4nu3 su4kun1, kwa'1an1 su4kun1 ba42 kan4 nda'3a4 i3tun4 mi4i4 ba42 ku3ni2=o4=e3,
<Sync time="168.710"/>
an4 nda'3a4 kwi1yo'1o4 ya3tin3 ba42 ni1-ko1ko3=a2 nu14u3 ndu3ku2 ni1-ko1ko3=a2 tan3
<Sync time="174.061"/>
i3kan4 ko4ko13 ba(3)=e2 ya1, ya1 kwi1yo'1o4 yo'3o4 ka4ta4 ya1 xa'1a1 ka1chi4 ka1chi4 i4in4 ja1ta4 kan4
<Sync time="179.639"/>
ndi4 ba'14a(4)=e2 kan4 ku3-nu'3ni(2)=a2 ku3rra42 ni3 ba'14a4 bi4=a2 kan4 ndi4 ya1 nda3sun2 so'3o3 ba42 kan4
<Sync time="184.372"/>
tan3 yo'3o4 ka4ta4 ya1 xi13i2 ka4chi2=yu1 ya1 kwi4i24, kwi4i24 sa1ta4=e2 ke4e4 ma3chi3 kan4 tan3 ka4ta4 nda'3a(4)=e4 ji'4in(4)=a2 ndi4 ya1 kan4 ndi4 ku3-nu'3ni2 ka1 ta'3an2 ku3rra42 nda4a2 ka1 ni4ni2=o4 nda4a2 ka1
<Sync time="192.451"/>
ni1-ku3-xi4in24 i3tun4 tan3 ko14o(3)=a2 tan3 ya1 nu4mi24 sa3kan4 ti4 tan3 chi3ku'3ni2=o4=e2 ndi4 ti4in13 ka1 lu3chi'4i(2)=a2 kan4
</Turn>
<Turn speaker="spk2" startTime="197.597" endTime="212.387">
<Sync time="197.597"/>
A1chi1 ndi4 ya1 kan4 ku4u4 yo'3o4 ka4ta4 ya1 yo'3o4 nda4ke3e4 nda'3a4 i3tun4 ran4, nda'3a4 i3tun4 nda4ke3e4=a2 kan4 ya1 kan4 ba42 ndi4
<Sync time="204.829"/>
ba'1a3 chi4ku'3ni2=o4 i3tun4 tan3 yo'3o4 ka4ta4 tu3ku3 ya1 nda4tu'4un(4)=un4 xa'1a4 ña1a4 ndi4 ya1 i4yo2 ko1ndo1 ba42 kan4 ya1 nda3sun2 ba42 kan4 su14u(3)=a2 kwi4i4 a3sa3=lu3 chi3ñu3 bi4 ba42 kan4.
</Turn>
<Turn speaker="spk1 spk2" startTime="212.387" endTime="215.723">
<Sync time="212.387"/>
<Who nb="1"/>
I4yo2 ba13bi2, ba13bi2 i4yo2 nda'3a4=e2 kan4 ndi4 ta'4nu1 ba(3)=e2 kan4,
<Who nb="2"/>
I3kan4 ta'4nu(1)=a1.
</Turn>
<Turn speaker="spk2" startTime="215.723" endTime="289.573">
<Sync time="215.723"/>
Tan3 yo'3o4 ba'1a3 chu3ku'3ni2=o4 tu3ku3 ku3rra42 na4 sa3kan4 tan3 ña1 i4yo2 ba42 sa3kan4 ndi4 sa1a3 a3sa(3)=e4 ndi4
<Sync time="220.876"/>
ndo'4o4 tu3 xa'1a4 mi3i4 ba(3)=e2 kan4 ko14o3 ja13ni1ku3 ba'1a3 bi4=a2 i4yo(2)=a2 mi4i4 i4yo2 bi4=a2 i4yo(2)=a2 mi4i4 ko14o(3)=a2 ndi4 yo'3o4 ya3a3 ka4chi2=o4 ya1 yo'3o4 ku4xin2 ya1 kan4 ku4u4 yo'3o4 ba'1a3
<Sync time="228.2"/>
ya1 kan4 ndi3xa3 ku4u4 yo'3o4 ba'1a3 ndi4 ka3ba(4)=e4=e2 kan4 tan3 chu3ku'3ni2=o4=e2 kan4 tan42 ta1 chu3ku'3ni2 yo'3o4 ndi3xa3 ji'4in(4)=a2 ndi4 nde3e4=ni4(2)=a2 na4 ja1 i4chi(1)=a1,
<Sync time="234.274"/>
ya1 te'4e4 ba42 ya1 mi3i4=a2 na4 ka3chi2=o4 nda14ku2 ndi4 na4 ja1 ni1-i1chi(1)=a1 tan3 ja143 ku4-te'4e4 ba(3)=e3, ya1 kan4 ku4u4 yo'3o4 ya1 kan4 tan3 i4yo2 tu3ku3 i3nga2 yo'3o4,
<Sync time="242.858"/>
yo'3o4 ka4ta4 ka4chi2=o4 ya1, ya1 kan4 tu3ku3 ndi4 ya1 xa4kwi1in3 *uva** nda'3a4 ka4chi2 ta1 ta4u3ni2 yo'4o4 ndi4, ya1kan3,
<Sync time="249.822"/>
ya1 ndo3ko2 ndo3o3 ba42 kan4 a1su3 ni3 *tiempu** sa4bi4 ka1a3 ka4na3 tu(3)=a2 kan4 ba3 tan3 ya1 kan4 ba42 ña1
<Sync time="255.104"/>
i3nda14=e2 ndi4 ya1 kan4 ndi4 na4 ni1-xa'1nu1 tu(3)=e4=e2 kan4 ndi4 ba'1a3=ni42 ta'4nu1 ba(3)=e2 kan4 ndi4 ba143 ka3chi2=o4, sa3kan4 na3ni4 ti4 ba(3)=e2 tan3 ndi4 ba143 ka4ta4 bi4 tu3ku3 nda'3a(4)=e4 i4xa(3)=e2 ndi4, ya1kan3, sa1a3 tan42 lu3u3
<Sync time="263.91"/>
i4ndu'3u4 ki1bi4=a2 sa3kan4 ba3 tan3 mi3i4=a2 ya1 yo'3o4 ka4ta4 ndi3xa3 ka4chi2=o4 kan4 ndi4 ya1 kan4 ndi4 kwi1yo'1o4 nda4ke3e4 na4ni24 ba42 kan4
<Sync time="270.324"/>
sa1a3 su4kun1 nu14u3 i3tun4 tan3 ba1xi3 nu3u(3)=a2 kan4 ñu'3u4 ba(3)=e2 kan4, xi14ta(3)=on4 tan3 a1su3 ja1
<Sync time="274.346"/>
tan3 na4 ni14-kwi1i4=a2 ndi4 ba'1a3 tan3 na4 ni1-kwi1i4=a2 ndi4 lu14u3=ni42 ka4ta4 nda'3a(4)=e4 ndi4 nda1 i3ki4 ka4ta4 ti1xin3 i4xa(3)=e2 kan4 a1chi1 ndi4, ya1kan3, yo'3o4 ka4ta4 ndi3xa3 ku4u4 ba(3)=e2 kan4
<Sync time="282.35"/>
tan3 kwi1yo'1o4 ka4ta4 ka4chi2 tu3ku(3)=e4 ka1a3 ndi4 ya1 ka1a3 ndi4 ja1 tu3ku3 nu14u3 ba42 ndi4 ya1 nda3sun2 ti4 ba3 ba42 ki'4bi3 kan4, ya1 kan4 ba42 xi4ni2 yo4o4 tan3
</Turn>
<Turn speaker="spk2 spk1" startTime="289.573" endTime="295.978">
<Sync time="289.573"/>
<Who nb="1"/>
nda4a(2)=e2 ba42 ji4ni2 ka1 tu3 yo'4o1 tan3 ndi4 a1su3 ka'1an1 ba(3)=e4 ndi4, ya1kan3, chi3ñu3 nde4e(4)=o4 ba42 tin3, ba1xi(3)=o4 nda3kwa'1a(3)=e4=e3.
<Who nb="2"/>
Kwi1yo'1o4 ka4ta4,
</Turn>
<Turn speaker="spk1" startTime="295.978" endTime="375.979">
<Sync time="295.978"/>
ya1 kwa1nu3u3 nda14ku2 nda'3a4 i3tun4 ya1 na4ni24 ba'1a3 ku'3ni2=o4 i3tun4 kan4 ndi4 o4ra2 xa4a1 nu14u(3)=a2 ñu'3u4 tan3
<Sync time="302.706"/>
i3kan4 na4na3 tio'1o3=a2 tan3 ja1 i3kan4 ti4in13=a2 tan3 i4xa3 *mantener**=ya2 ko4ndo3
<Sync time="307.85"/>
ya1 kwa'1a4 ti4in13 nda'3a4 i3tun4 kan4 ndi4 ñu'3u4 i4in4 tio'1o3=a2 tan3 ñu'3u4 kan4 na4 ja1 ni1-ti1in3 tio'1o3=a2 nu14u3 ñu'3u4 tan3
<Sync time="314.499"/>
na4 ya1 xi14ta(3)=e4 ba42 ndi4 nda1 mi4i4 ni1-ka3na(3)=e2 ja1ta4 kwi1yo'1o4 ndo3o3 ya1, ya1 kwa'1an1 ni1nu3 tan3
<Sync time="320.134"/>
i3kan4 ta'4nda(1)=e1 kan4 tan3 ba1xi3=a2 ndi4 yo'3o4 na4ni24 ba42 ndi4 ko14o3 nda'3a4=e2 ya14kun2=e4 ko14o3 ndi4 i3in3 ka4ni24 sa3kan4 ka4a4 tan3 ya1 kan4 ndi3xa3 yo'3o4 ka4ta4 ndi4 na4 ni1-ti3in(3)=o4=e2 ndi4 ka4ta4 ndi4
<Sync time="329.619"/>
ta1nda1 i3ki4 ta'4bi14 ka4ta4 ya1 i4xa3 yo'3o4 ka4ta4 kan4, tan3 yo'3o4 ka4ta4 nda4tu'4un(4)=e4 xa'1a4 ko4ko13 mbo3ta3 nu14u3 i3tun4 ya1 xi1ni4=ni42
<Sync time="336.648"/>
i1chi1 na4 *tiempu** ta'4nda1 nda1xin1 ba42 ndi4 ni3 na4 ni1-xi1xi1 tan3 sa3kan4 i4in(4)=a2 ba143 xi4xi(1)=a1 ndi4 sa3kan4 i4in(4)=a2 nde4e4 ba(3)=e3,
<Sync time="342.333"/>
a1chi1 ya1 ta1kwi42 ba42 kan4 ndi4 ba143 xi4xi(1)=a1, tan3 sa3kan4 ni3 kwi1yo'1o4 yo'3o4 ka4ta4 ka4chi2=o4 kan4 ndi4
<Sync time="348.359"/>
i4yo2 ta'3an2 ta1kwi42 ba(3)=e2 kan4 tan3 ndi4 na4 sa14-kwa3chi(3)=o4=e2 kan4 tan3 a1chi1 i4chi1 ba(3)=e2 kwe'4e1 kan4 tan3 yo'3o4 ka4ta4 ya1 ndo3o3 i4yo2 ba13bi2 ka4chi2=o4 kan4 ndi4
<Sync time="354.074"/>
ni3 ba143 i4chi(1)=a1 ya1 sa3kan4 kwa'1a4=ni42 ta1kwi42 ndi4so(3)=a3, ya1 ndi4so3=ni42 ta1kwi42 ba42 kan4 ndi4 ko4nde3e4=a2 nde4e(4)=a2 ja1ta4 yu1u4 nde4e(4)=a2 nda'3a4 i3tun4 nde4e(4)=a2 a1chi1 ndi4 ya1 ta1kwi42 ku4u4 yo'3o4 ka4ta4 kan4
<Sync time="363.525"/>
ya1 kan4 ba42 ji4ni2=o4 xa'1a4 yo'3o4 ka4ta4 ka4chi2=na1,
<Sync time="366.794"/>
i4yo2 ka1 tu3 i3nga2 kwi1yo'1o4 ndi4 ja1 i3nga2 kwi1yo'1o4 ba42 kan4 tan3 ya1 ku4ni2 ta1 ta4u3ni2 ka1a3 ya1 ndo1o3 ka'1yu1 ka1a3 ndi4 yo'3o4 ka4ta4 ka4chi2=ra1.
</Turn>
<Turn speaker="spk2" startTime="375.979" endTime="404.005">
<Sync time="375.979"/>
Ba'1a3 ndi4 tan42 ka4chi2=o4 ndi4 ya1 kan4 ba42 ya1 ji4ni2=o4 tan3 ya1 kan4 ba42 ka'4an2 ba(3)=e4 a1chi1 ndi4 yo'3o4 ka4ta4 kan4 ndi4 ya1 i4yo2 ku4u4 ja3 ba(3)=e2 kan4,
<Sync time="384.419"/>
tan3 ku'1un1 *tiempu** tin3 tan3 na1kwa4chi3 ndi4 ndi14sa3a4=na2 nda3-ki'3in3 ji1ni4 ki1bi4 bi4=a2 kan4 a1chi1 ndi4 yo'3o4 ti4 ba42 tan3 ba'1a3 sa3kan4 ba3 tan3 sa14kan4 ndi4
<Sync time="393.094"/>
ba'1a3 yo4o4 ndi4 nda4tu'4un4 na1 ta4u3ni2 sa1a3 na3ni4=a2 tan3 ta13xi3 kwa'4a(4)=e4 ki1bi4=a2 tan3
<Sync time="397.617"/>
tan3 na1kwa4chi3 kwa'1an1 xa4ko1o3 tin3 ndi4 *buta** kwa'1an1 ku4-ba'1a3=ra2 tan3 ja1 ke4e4=ra2 kwa'1an1 ba3=ra3, i3kan4 nda4ndo4so24=ra2 xa'1a4 ba3 ya1 ko4ndo3 ya1 i4yo2 xa14ku'1u1.
</Turn>
<Turn speaker="spk1" startTime="404.005" endTime="415.836">
<Sync time="404.005"/>
Mi4i4 i4yo2=ni4(2)=a2 kan4 ku3ni2=o4=e2 ndi4 ni3 su14u3 nda1 nda4a2 ka1 ti4 i4yo(2)=a2 ndi4 yu1u4 xa'1a1
<Sync time="408.823"/>
nda'3a4 i3tun4 tu1ñu'4u2 xa'1a1 tun4 i4yo2 yu3ku4 ka4chi2=o4 yu1u4 xa'1a1 mi4i4 i4yo2 ti1chi4 ja4si4ki24=o4 ji'4in4=ri4 kan4 ndi4
</Turn>
<Turn speaker="spk1 spk2" startTime="415.836" endTime="423.514">
<Sync time="415.836"/>
<Who nb="1"/>
i3kan4 i4yo2=ni42 ya1 kwi1yo'1o4 yo'3o4 ka4ta4 kan4, tan3 chi3ñu3=ni42 ti1chi4 ko3nde3e3=ri4 ja1ta4=e2 ni1nu3 ba3 na4tu2 na1 xi4ka3 ku'1u1 ku4u(4)=e4 tan3 ku3ni2=o4 ndi4
<Who nb="2"/>
I3kan4 i4yo2 yo'3o4=a2 ran4.
</Turn>
<Turn speaker="spk1 spk2" startTime="423.514" endTime="431.602">
<Sync time="423.514"/>
<Who nb="1"/>
A1su3 kwi1yo'1o4 kan4 ti3in(3)=o4 xi14ta(3)=e4 tan3 yo'4o4 i4in4 i3in4 ko4yo13 kwa'1an1 ni1nu1 kan4 ba3 a1chi1 ndi4 ya1 ko4ko13 kwa'1a4 ba42 nda'3a4 i3tun4 mi4i4 i4yo(2)=a2,
<Who nb="2"/>
Ya1 ko4ko13 ko'4o1 ba42 ka4chi2=o4 ran4.
</Turn>
<Turn speaker="spk1" startTime="431.602" endTime="439.038">
<Sync time="431.602"/>
nda'3a4 tun4 tu1ñu'4u2 xa'1a1 ba3 nda'3a4 tun4 ti1xa4tun4 ba3 tun4 ti1xi4nda4 ba3
</Turn>
<Turn speaker="spk1 spk2" startTime="439.038" endTime="447.004">
<Sync time="439.038"/>
<Who nb="1"/>
i3kan4 chi3ñu3=ni42 kwi1yo'1o4 yo'3o4 ka4ta4 kan4 ko3o(3)=a3, su14u3 nda1 nda4a2 ka1 ti4 nda'3a4 i3tun4 xi4yo13=a2 ndi4 i4yo2 i3tun4 tun4 xi4yo13=a2 nda'3a4
<Who nb="2"/>
Nda'3a4 tu1ñu'4u2 ya3a3.
</Turn>
<Turn speaker="spk1" startTime="447.004" endTime="486.324">
<Sync time="447.004"/>
a1be3 nda'3a4 tun4 tu1ñu'4u2 ya3a3 i3kan4 chi3ñu3=ni4(2)=a2 ya1 kwi1yo'1o4 yo'3o4 ka4ta4 kan4 ko3o(3)=a2,
<Sync time="450.89"/>
nda'3a4 tun4 ti1xa4tun4 kan4 chi3ñu3=ni42 ya1 yo'3o4 ka4ta4 tu3ku3 ya1 nda3sun2 i4yo2 ko1ndo1 kan4 ndi4 nda'3a4 tun4 ti1xa4tun4 kan4 chi3ñu3=ni4(2)=a2 kan4 nda3a(3)=e2 ndi1ka3=run4 kwe4e2 tan3 kwe4e2 sa3kan4 kwa1nda3a(3)=e2 ndi1ka3=run4, nda'3a4 tun4 *mango** nda'3a4
<Sync time="459.249"/>
tun4 ti1xi4nda4 kan4 kwa1nda3a(3)=e2 ndi1ka3=run4 tan3 ka4ndi3ko1o3=a2 ni1nu3 ndi4 ko14o(3)=a2 ba'1a3 bi4=a2 kan4 ndi4
<Sync time="463.668"/>
yo'3o4 ka4ta4 ya1 i4yo2 ba13bi2 kan4 ndi4 ta4xi(3)=a2 [ya1] tan42 i4in4 tio3o2 i4in4 tan3 o4ra2 chi4chi13 ndu1u4 nda'3a4=e2 ya1 ko4ndo3 ya1 ti1kin4=a2 ka4chi2=o4 kan4 ndi4
<Sync time="472.615"/>
ya1 bi1xi1 ba43, ya1 ba'1a3 ka3xi(4)=o4 ba3 ku4u4
<Comment desc="Invirtió el orden de los elementos quizá por descuido. Debió decir: ya1 ba'1a3 ka3xi4 ba(3)=e4 ku4u4."/>
 ti1xin3=a2 ya1 yo'3o4 ka4ta4 kan4 tan3 ndi4
<Sync time="475.979"/>
ba143 xa4xi2(4)=o4=e2 a1chi1 yu'4bi2=o4 nda4a2 sa3kan4 ndi4 ta3ba4=e2 kwe'1e1 ji'4in(4)=o4 ya1 sa3kan4 a1chi1 ji14ni2=o4 ndi4 ya1 ka4ta4 ku4u4 yo'3o4=a3,
<Sync time="481.883"/>
tan3 ndi4 sa3a2 ndi4 xa4xi24=ri4=a2, xa4xi24=ri4 ya1 ndu1u4 ti1xin3=a2 o4ra2 chi4chi1(3)=a3.
</Turn>
<Turn speaker="spk2" startTime="486.324" endTime="509.498">
<Sync time="486.324"/>
Ya1 ba'1a3=ni42 ja4xi24=ri4 ba42 kan4 ndi4 ya1 bi1xi1 ba43, ya1 bi1xi1 ba42 kan4,
<Sync time="490.783"/>
ya1 kan4 ndi4 ka4na(3)=e2 kan4 si1ki4 tun4 ta1kwi4i24 ba3 ka4na(3)=e2 kan4 nda'3a4 xa14tun4 ba3 nda1 nda4a2 ka1 ni1-kwi3i3 ti4 ba3 ka4na(3)=e2 kan4 ndi4 a1su3 mi4i4 bi1xin3 ka4na(3)=e3,
<Sync time="498.079"/>
ko14o(3)=a2 ka4na3 nda4a2 ka1 mi4i4 i4chi1 ñu'3u4 ndi4 a1su3 mi4i4 bi1xin3 ba3 ka4na(3)=e2 ki'4bi3 kan4 ndi4, ndi4 xa'4a13=e2 ndu1u4 kwa'4a1
<Sync time="504.742"/>
na4 ja1 ki4xa3a4 chi4chi13=a2 ndi4 la3tun4=ni42 ndu1u4 kwa'4a1 xa'4a1(3)=e3, ndi4 ya1 kan4 ku4u4 yo'3o4 ka4ta4 ka4chi2=o4,
</Turn>
<Turn speaker="spk2 spk1" startTime="509.498" endTime="517.695">
<Sync time="509.498"/>
<Who nb="1"/>
i4yo2 ki1bi4=a2 kan3 ndi4 ya1 kan4 ku4u(4)=a2 ji4ni2 ba(3)=e4 ran4.
<Who nb="2"/>
Ndi3xa3 ku4u4 ba(3)=e3.
</Turn>
</Section>
</Episode>
</Trans>