Tryag File Manager

/home/cluster1/data/bu01/1121861/html/mixtec/zzTranscripciones_2015-08-26_archivo-muerto_todos-buenos/Maximiliano-Francisco/Yolox_Cuent_MFG512_El-conejo-y-el-cocodrilo_2008-11-20-f_ed-2015-08-26.trs

<?xml version="1.0" encoding="ISO-8859-1"?>
<!DOCTYPE Trans SYSTEM "trans-14.dtd">
<Trans scribe="REY" audio_filename="Yolox_Cuent_MFG512_El-conejo-y-el-cocodrilo_2008-11-20-f" version="11" version_date="150411">
<Speakers>
<Speaker id="spk1" name="Maximiliano Francisco González" check="no" type="male" dialect="native" accent="mixtec" scope="local"/>
</Speakers>
<Episode>
<Section type="report" startTime="0" endTime="951.589">
<Turn startTime="0" endTime="951.589" speaker="spk1" mode="spontaneous" fidelity="high">
<Sync time="0"/>
I3nga2, i3nga2 ya1 si1i4, ya1 si1i4, si1i4 i4yo2 tu3 ba42 ka1a3 ba3
<Sync time="6.375"/>
yo'4o4 nda3tu'4un(4)=2 *cuentu** xa'1a4, ya1kan3, mbu4rru2 xi4ka3 *viaje**
<Sync time="12.391"/>
mbu4rru2 xi4ka3 *viaje** ndi4, ya1kan3,
<Sync time="16.635"/>
xi4ka3 nu3u3=ri4 ji'4in4 is1to'3o2=ri4 ke4e4=ra2 kwa'1an1=ra1 *viaje** ya1kan3,
<Sync time="22.335"/>
kwa'1an1=ra1 nda4-ta'3bi4=ra2 ndi4so3 ja1na1=ra1 tan3 kwa'1an1=ra1
<Sync time="25.892"/>
ya1kan3, nda'4bi2 ku4u4=ra2 tan3 ta4ku1=ra1
<Sync time="29.639"/>
tan3 ni1-ki3xa2a2=ra1 tan3 ja143 sa13ña4=ra2=ri4
<Sync time="33.94"/>
kwa'1an1=ri4, kwa'1an1=ri4 i14ni3
<Sync time="38.801"/>
na4 ku'1un1 na'3a2=ri4 nda3-ki3nde3e4 ja1ta4=ri4 tan3, tan3 yo'4o4 tan3 kan4 ni1-kwi1i4 ja1ta4=ri4
<Sync time="42.932"/>
xa'1an1=ri4 si13so3=ri4 ji'4in4=ra2 ndi4 su14u3 i3in3 i3chi4 ndi4 ta1 ja'1an1 *viaje** bi4 ku4u4=ra2 ji'4in4=ri4
<Sync time="46.945"/>
tu1xu'4u2 sa4ka2 ja1ta4=ri4 ni1-ku3-kwe'4e1=ri4 i4so3ko2=ri4 xi4ka3=ri4
<Sync time="52.123"/>
ni1-sa1ña4 mbu4rru2 ka13ni3=ri4 kwa'1an1 mi3i4=ri4 nda4-ndu3ku4=ri4=a2 ka3xi4=ri4 i14ni3 ka'4nu3
<Sync time="57.798"/>
kwa'1an1=ri4 xi4ka3=ri4 ja4xa'4an2=ri4 tan3 ni1-xa1a1=ri4 ndi4
<Sync time="62.434"/>
i3kan4 ka4ndu'3u4, ka4ndu'3u4 ko14chi4
<Sync time="66.037"/>
i3kan4, ka4chi2=ri4 so'3o3 ndi4, ya3ni2 ¿Nda4a2 xi4ka3=ni42=un4?
<Sync time="72.122"/>
ja1 i4yo2 ki1bi4 ka4ndu'3u4 yu'1u1 yo'4o4 tan3 ko14o3=na2 ki4ta3=na2 a3sa3=na(2)=e2 ma1ni4 ji'4in(4)=2
<Sync time="76.773"/>
ku'1un1 nda1ka3=na2 yu'1u1, ya1kan3, be'3e(3)=2 ndi4, ya1kan3, i4so3ko2 sa4ka2=yu1 ka4ndu'3u4=2
<Sync time="80.837"/>
an4 xi14nu13 ndio4si2 i3ni2=un4 a3sa(3)=on4=e2 ma1ni4 ji'4in(4)=2
<Sync time="87.816"/>
ku'1un1 nda1ka(3)=on4 yu'1u1, ya1kan3, be'3e(3)=2 ndi4, ya1kan3,
<Sync time="92.053"/>
ku14-nde3e4 ka1 i3ni2=yu1 so3ko2 ta1kwi42 ka4ndu'3u4=2
<Sync time="95.126"/>
ndi4 be1e3=ni42 yo'4o1 ya3ni2 ku14-nde3e4=2 kwi3so(3)=2 yo'4o1 ndi4 ni1-ku3-kwe'4e1 na3kwi42=yu1 xa'1an1=yu1 *viaje** ndi4
<Sync time="101.368"/>
*viaje** xi4ka3 yu'1u1 xa3ku4 ti4 ki1bi4 ba1xi3=2 nda3-ki3nde3e4=2 tan3, tan3 ja1 ndi3ko4 tu3ku3 ba(3)=2 ku'1un1=yu1 ji'4in4, ji'4in4 is1to'3o2=yu1
<Sync time="107.433"/>
ndi4 sa3kan4 ndi'3i3 xi4ka3 ba(3)=2 ji'4in4=ra2 tan3 ndi4so(3)=2 ña'1a3 i4xi4ko3=ra2,
<Sync time="111.306"/>
tan3 ta1 ba1xi3 tan3 ndu3-ba'1a3=lu3 ja1ta4 ba3 ku4u(4)=2 ndi4 ja1ta4=2 ku'4u2=ni42 xa'13mi3=ni42 ña'1a3 ja1ta4=2
<Sync time="116.75"/>
ba14sa3 ya3ni2 ndi4 a3sa(3)=on4=a2 ma1ni4 ji'4in(4)=2 nda'4bi2=yu1 ndi4 ku14-nde3e4 ka1 i3ni2=yu1 ka4ndu'3u4=2 ka'3ni4
<Sync time="124.283"/>
ka4chi2=ri4 so'3o3, na4tu2 na4 sa3kan4 ndi4 kan4 ran4, tan3 sa1a3 a3sa(3)=on4 nda3a(3)=on4
<Sync time="131.347"/>
ñu'3u4 ka3ndu'4u(4)=un4 tan3 sa3kan4 ndi4, sa3kan4 ndi4 ku3u3 kwi4ti1 sa3kan4 ndi4 nda3a(3)=2 ka3ndu'4u(4)=2
<Sync time="136.438"/>
na4tu2 sa3kan4 ndi4, ya1kan3, ko3to(3)=on4 mi4i4 ba'1a3, mi4i4 ba'1a3 lu3chi'4i2 ja1ta4=2 ña1a4, ña1a4 ka3ndu'4u(4)=un4 ndi4, ya1kan3, ya1 ku'4u2=ni42 ku4u4 ja1ta4=2
<Sync time="144.266"/>
i3kan4 nda13-ka3ndu'4u4, nda13-ka3ndu'4u(4)=a2 mbu4rru2 ñu'3u4 tan3 ni1-nda3a3 ba3 ko14chi4
<Sync time="150.009"/>
i3kan4 nda13ka3ndu'4u4=ri4 mi4i4 ba'1a3=lu3 ja1ta4=e2 i3kan4 nda13ka3ndu'4u4 ndi1xin3=ri4 tan3
<Sync time="154.316"/>
i4-ta3ni3=ri4 ta4ta'4bi4 ndi4so(3)=a2 mbu4rru2
<Sync time="159.079"/>
kwa'1an1=ri4 sa3kan4 ni1-xa1a1=ri4 nda1 i1ta3, ni1-xa1a1=ri4 yu3..., yu'3u4 mi1ni32 kan4
<Sync time="164.264"/>
ya3ni2 yo'4o4, yo'4o4 a3sa(3)=on4=a2 ba'1a3 nu3u(3)=un4 ndi4 ya1, ba'1a3 ndi4 ja1 ni1-ki3xa2a(2)=on4 ndi4 ja1, ja1 yu'3u4 ta1kwi42 ta'3an2 ku4u4 ta'3an(2)=e2 yo'4o4 ndi4 yo'4o4 nu3u(3)=un4
<Sync time="170.097"/>
ya3ni2 ku'1un1 ka1=lu(3)=un4 ji'4in(4)=2 ndi4 a4 lu3u3 tu1xu'4u2 ja1ta4=2, ya1kan3, nda3ba(3)=2 yo'4o4 ndi4 ñu'3u4 i4chi1 ba43,
<Sync time="175.987"/>
ta1 nda1 mi4i4 ku4nu1 lu3chi'4i2=ra4 kan4 i3kan4 a3sa(3)=on4=a2 ba'1a3 ji'4in(4)=2 ku'1un1 nda1ka(3)=on4 yu'1u1
<Sync time="181.161"/>
i3kan4 ni1-ka3ni3 tu3ku3=ri4 kwe4e2 sa3kan4 kwa'1an1=ri4, nda1 ja1 ko1ndo1=ri4 ta1kwi42
<Sync time="186.573"/>
ja1 ba'1a3 nu3u(3)=un4 yo'4o4 tin3 ya3ni2 ya1kan3, be1e3 na3kwi42 ba143 ko4-nde3e4 ka(1)=e1
<Sync time="190.454"/>
ba14sa3 ya3ni2 ndi4 ya4xin4 na3kwi42=ra4, ya1kan3, tu1xu'4u2=ni42=yu1 na4 nda3ba(3)=2 nda1 lu3chi'4i2 ka1=lu3 mi4i4 ja1 ku4nu1 na4 ja1 sa'4bi13 ta'3an2=lu3, ya1kan3,
<Sync time="198.188"/>
ti1xin(3)=un4 ji'4in4 ta1kwi42 tan3 nda143 i3ki4 ja1ta(4)=on4 tu4u4 sa3kan4 ndi4, sa3kan4 ndi4 si3ka4na(3)=on4 yu'1u1, sa3kan4 ndi4 nu3u(3)=2 ñu'3u4
<Sync time="203.756"/>
tan3 kwe4e2 sa3kan4 kwa'1an1 mbu4rru2 ndi4 nda1 ja1 ka4ndi3ko1o3 ba3 ta1kwi42, ya1kan3, ja1ta4 mbu4rru2, ya1kan3, i4ndu'3u4 ko14chi4
<Sync time="210.983"/>
ja143 ka4chi2 ba3 ko14chi4 ndi4, ya1kan3, ya3ni2=o4
<Sync time="215.108"/>
ka4chi2=na1 i4yo2 *cuentu** ndi4 ya1 ma1ni4 a3sa(3)=e4 ji'4in4 na1 yu4bi24 ndi4 nda143 mi3i4=na2 tan3 ka3xi4=na2 yo4o4 ya1 ku4u(4)=a2 ma1ni4 ya1 ni'4i(4)=o4 ja4ndi3ko(4)=e4=na2 tan3
<Sync time="221.514"/>
ya1 ma1ni4 i13xa(3)=on4 ji'4in(4)=2 ndi4 yu'1u1 ndi4 ta1 i4so3ko2 sa4ka2 ba3 ku4u4 yu'1u1 tan3, tan3 ni1-i3xa(3)=on4, ni1-i3xa3=na2, i13xa(3)=on4 ya1 ma1ni4 ni1-..., ba1xi3 nda3ka(3)=on4 yu'1u1 ndi4
<Sync time="228.618"/>
ya1kan3, mi3i4=2 ku4u4 ta1, ya1kan3, ka3xi4 ba(3)=2 yo'4o1 ndi4, ya1kan3, [ta1] i4so3ko2 sa4ka2 ku4u(4)=2
<Sync time="234.382"/>
kwa1chi3=ni42=un4 ji'4in(4)=2 ya3ni2 na4 sa3kan4 ni4-ka'1an(1)=on4 ji'4in(4)=2 ndi4 ki14xi3 bi4=2 nu4u4
<Sync time="237.896"/>
su14u3 ta1 ku4-na'1a1 ku4u4 yu'1u1 ndi4 ta1 xi4ka3 sa4ka2 *viaje** ba3 ku4u4 yu'1u1 tan3 sa1ña4 na'3a2=yu1 i13xa3 is1to'3o2=yu1
<Sync time="242.829"/>
i13xa3 ki'4bi(3)=un4 yu'1u1 ba1xi3=2 bi3tin3 ndi4 ta1 ka'4an2=on4 ka3xi(4)=un4 ku4u4 yu'1u1
<Sync time="245.529"/>
an4 ya1 ña1a4 a3sa(3)=e4=e2 ma1ni4 ji'4in4 na1 yu4bi24 na1 i4xa(3)=e2 ma1ni4 ji'4in(4)=o4
<Sync time="249.654"/>
tan3 ndi4 ja1 ji4ni2=un4 *cuentu** ya3ni2 ndi4 sa3kan4 i4yo2 *cuentu**
<Sync time="252.66"/>
nda13ba3 ba3=ri4 ta1kwi42 tan3 sa14-ka3chi'3i3 nda'3a4 ba3, ni1-ti'3nu3 ba3=ri4 xa'1a4 mbu4rru2
<Sync time="258.801"/>
i3kan4, ka4chi(2)=a2 mbu4rru2 so'3o3 ji'4in4=ri4 ndi4
<Sync time="265.13"/>
ya3ni2=o4, ku1tu1 ka14xi4 a1chi(1)=un4 yu'1u1 ndi4
<Sync time="269.325"/>
i4yo2 kwa'1a4=na2 na1 ta'4an4 yo4o4 ya1kan3, i4yo2 ki3xi3 tan3 sa3kan4 ndi4 ka'1an1=yu1 ji'4in4=na3,
<Sync time="275.081"/>
tan3 na4 ni1-ka3chi2 na1 kan4 ndi4 ka3xi(4)=un4 yu'1u1 tan3 sa3kan4 ndi4 ka3xi4 ba(3)=on4 yu'1u1
<Sync time="279.532"/>
ndi4, ya1kan3, i4yo2 na1 i4yo2 ki3xa2a2
<Sync time="283.454"/>
i4yo2 ki3xa2a2 ya1kan3, ya1kan3, ndu3xi4 che4e13 i4yo2 ki3xa2a2, ya1kan3, ta1, ta1 ya3ni2=o4 ta1,
<Sync time="290.988"/>
ta1 Lo3ren4su2, i4yo2, i4yo2 ki3xa2a2 ta1, ta1, ya1kan3, ya3ni2=o4 ti1xu'4u4 che4e13
<Sync time="296.212"/>
na1 kan4 ku4u4 na1 ka'1an1=na1 na4tu2 na4 ka3xi(4)=un4 yu'1u1 sa3kan4 ndi4 ka3xi(4)=un4 yu'1u1
<Sync time="299.413"/>
ba'1a3 na4 sa3kan4, ki3xa2a2=na1 bi3tin3 ba3,
<Sync time="303.012"/>
nda4a2 xi4ka3 bi4 ti1xu'4u4 che4e13 ki13xa2a2=ri4, ya3ni2=o4 ya1kan3, an4 ka3xi4 ta1 ya3ni2=o4 ta1 ko14chi4 yu'1u1 ndi4
<Sync time="309.214"/>
ta1 ka1a3 ni1-ti3in3=ra2 yu'1u1 ndi4chi2[=yu1] yo'4o4 ba143 xa'4a13=ra2 ku'1un1=yu1 ndi4 ta1 ka3xi4=ra2 ku4u(4)=2
<Sync time="313.465"/>
nda4a(2)=e2 ji4ni2=o4 ka3chi2=o4 ran4 ya3ni2 ya1kan3, ni3 kwe3e2 ba42 ni3 a1chi1 ba42 ndi4 yo4o4 ku3u2 ku4u4 ba3 yo4o4
<Sync time="318.12"/>
sa3kan4 ndo'4o4 mi3i4 ba3=ndu2 nu14u3 is1to'3o2=ndu1 ndi4 i3in3 na3a4 i3ni2=ndu1 tan3 ja1 xa4ku'1un3 ba3 ta'4an4=ndu2 tan3 xi4xi3=na2 nda3yu4 ba3
<Sync time="322.921"/>
tan3, tan3 sa3kan4 tu3 yo'4o1 ba3 ndi4 ba3 ja1 ka'4an(4)=e2 ndi4 ta1, ta1 ka3xi4=ra2 ku4u(4)=un4 ya1 kan4 ndi4 ni1-nda3ba(3)=on4 nda'3a4=ra2,
<Sync time="330.041"/>
ba'1a3 sa4ka2 ku4ni2 ko14chi4 ndi4 nda1, nda1 kwa'1a4, kwa'1a4 ka1 nda4-ti3in3=ri4 xa'1a4 mbu4rru2, ya1 ka3xi4=ri4 ku4u4 ba(3)=e2,
<Sync time="336.382"/>
ja143 ni1-ki3xa2a2 ndu3xi4 che4e13 xi'4i4=ri4 ta1kwi42
<Sync time="342.039"/>
ya3ni2=o4 ta1 ndu3xi4 che4e13 an4, an4 ka3xi4 ta1 ya3ni2=o4 ta1 ko14chi4 yu'1u1 ndi4
<Sync time="346.263"/>
ya1kan3, ta1 yo'4o4 ni1-xa3ku'1un3=2 nda'3a4 tan3 ta1 ku4ni2 ka3xi4=ra2 ku4u(4)=2
<Sync time="351.234"/>
an3 kwa'1a3 i3ni2=un4 ka3xi4=ra2 yo'4o1 ya3ni2 sa3kan4 ndo'4o4 ndu'1u1 ba3 i4yo2=ndu1 nu14u3 is1to'3o2=ndu1 ndi4
<Sync time="356.507"/>
xi4ka3=ndu2 sa3kan4 tan3 ja1 ba'1a3 tan3 i4xi4ta3=na2 su1kun4=ndu2 tan3 ja1 xi4yo13 nda3yu4 tan3 xi4xi3=na2 ji'4in4 se'1e3 ba3=na3,
<Sync time="361.957"/>
yo4o4 ku3u2 ku4u4 ba3 yo4o4 ba1xi(3)=o4 yu14bi4, nda1 ba'1a3, ba'1a3 ka1 ku4ni2 ko14chi4 ndi4 nda4-ti3in3, nda4-ti3in3 ka1=ri4, ya1kan3, xa'1a4 mbu4rru2
<Sync time="371.121"/>
ku3-nda3tu3 na'3a2=on4 ya3ni2 ndi4 ya1, ta1 ya3ni2=o4 Lo3ren4su2 ndi4 tia'14an2 ki3xa2a2 ta1 kan4
<Sync time="375.989"/>
ja143 ni1-ki3xa2a2 ba3 Lo3ren4su2, ni1-ki3xa2a2 ba3 ya1 ku3ni4jo2 ña1a4 ni1-...,
<Sync time="381.032"/>
tu13u3 ti4=a2 nda'3a4=e2 nu14u3 ta1kwi42 tan3 nu14u3 nda'3a4 ti4=a2 kwe'4e1 kan4 xi'4i(4)=a2 ta1kwi42, ja143 xi'4i(4)=a2 ta1kwi42
<Sync time="386.442"/>
ya3ni2=o4 an4 ni1-ki3xa2a(2)=on4. An14, ka13ndi3ta3 ti4 kan4 ndi4 nda1 kan4 kwa'1an1=ri4 yu'14bi2 sa4ka2=ri4
<Sync time="394.213"/>
nda4a(2)=e2 ka'4an2=on4 ji'4in(4)=2 tu4u2=yu1 ndi4 tan42 ku4u4 ka'4an2=on4 ji'4in(4)=2 ku4u4 ya3ni2
<Sync time="398.175"/>
ya3ni2=o4 ya1kan3, ta1 ya3ni2=o4 ta1 ko14chi4 ni1-xa3ku'1un3=2 nda'3a4
<Sync time="402.585"/>
na4chu3 i13xa(3)=on4 ji'4in4=ra2 ndi4, ya1kan3, xa13ku'1un(3)=un4
<Sync time="406.2"/>
ta1 i13xa(3)=e2 ma1ni4 ji'4in4 ba3 ku4u4=ra2 ka4ndu'3u4=ra2 i4chi1=ra1 ta1kwi42 tan3 ya1 kan4 nda13-ki'3in(3)=2=ra1 ba1xi3=ra3,
<Sync time="412.843"/>
nda4a(2)=e2 ba42 kan4 ndi4 ya1, ya1 ma1ni4 ni1-i3xa(3)=2 ji'4in4=ra2 ndi4 ya1 ma1ni4 ja4-ndi3ko4=ra2 yu'1u1 ndi4 ya1 yo'4o4 ba42 ja4-ndi3ko4=ra2 yu'1u1 ndi4 ta1 ka3xi4 ku4u4=ra2 yu'1u1
<Sync time="419.873"/>
ya1kan3, nde3e4 ka1 ka'1an(1)=on4 tan3 xi'3na3 [ku1]nda'1a3=lu(3)=un4 yu'3u4=ra4 a1chi1 ndi4
<Sync time="425.961"/>
ja1 ji4ni2 ba(3)=on4 ki1bi4 xi1yo3 ba4li(4)=o4 ndi4 so'1o3 yu'1u1 ja13xi4=ni42 ki3ti4 tan3 yu'1u1 ndi4 ta14ku1 so'1o3 yu'1u1
<Sync time="430.508"/>
ya1 kan4 ndi4 ka'1an(1)=on4 ji'4in4 ya3ni2=o4 na4 ki3xi3=ra2, ki3xi3 tu3 mi3i4 ba3=ra2 tan3 sa3kan4 ndi4, ti'4nu3=ra2 sa3kan4 xa'1a(4)=on4 tan3 ki3xi(3)=un4 ki3ta3=ra2 mi4i4 ya4xin4 ka1a3
<Sync time="438.434"/>
ja143 kwe4e2 sa3kan4 kwe4e2 sa3kan4 ya1a1 sa3kan4 ni1-ki3xi3 ko14chi4 ti4in4=ri4 xa'1a4 tan3
<Sync time="442.385"/>
ni1-ki3ta(3)=e2 ndi4 nda13-tu1u3 ndi'3i3 ba3 te'1e4 nu14u3 te'4e(4)=a2 i4ndu'3u4=a2,
<Sync time="445.508"/>
ka'1an(1)=on4 ji'4in4=ra3, ta1 ka3xi4=ra2 ku4u4 ba(3)=on4 na4 ko3o(3)=a2 ndi4, ya1kan3, ka'1an(1)=on4 ji'4in4=ra3,
<Sync time="450.631"/>
ya1kan3, na4 tu3tu4=2 tan3 sa3kan4 ndi4 ta3xa'4a(4)=on4 tan3 sa3kan4 ndi4 na4 ja13xi4=ra2 yo'4o1 ndi4 ja1 ni1-ku3-si1i4 i3ni2=un4 yu14bi4 yo'4o1 ndi4 ni14-ku3-si1i4 i4chi3 i3ni2=un4 yu14bi4 ndi4 ni14-ku3-na'1a1 i4chi(3)=un4 ka3ka(3)=on4 mi4i4 i4yo(2)=a2 si1i4
<Sync time="458.78"/>
tan3 yu'1u1 ndi4 i4yo2 ya3a2 i4xa3 yu'1u1 tan3 sa3kan4 ndi4, ya1kan3, tu3tu4=2 tan3 sa3kan4 ndi4 ta3xa'4a(4)=on4
<Sync time="463.818"/>
ta1 ka3xi4=ra2 ku4u4 ba(3)=on4 ndi4 ya1, ndi4, ya1kan3, na4 ku3-si1i4 ji'3na3 i3ni2=un4 nda'4bi2=un4
<Sync time="468.675"/>
ja143 ni1-..., ka4chi2, nda4a(2)=e2 ka'4an2=ra1
<Sync time="472.081"/>
ka4chi2, ya1kan3, ya3ni2=o4 ndi4, ya1kan3, ta1 ka1a3 ndi4 tan42 ba4li4=ndu2 ndi4, ya1kan3,
<Sync time="477.655"/>
so'1o3=ra2 ndi4 ja13xi4=ni42 ki3ti4 tan3 bi3tin3 ndi4 ta14ku1 so'1o3 ya3ni2=yu1 tan3
<Sync time="481.104"/>
tan3 ka4chi2=ra1 ndi4, ya1kan3, ni14-ku3-si1i4 i4chi3 i3ni2[=yu1] yu14bi4 tan3 ndi3xa3 ku4u4 ba(3)=e2 ndi4 ni14-sa1ña4 i4chi(3)=2 ka3ka(3)=2 ku3-si1i4 i3ni2[=yu1] yu14bi4 tan3
<Sync time="486.863"/>
tan3 ka4chi2 ya3ni2 ndi4 ta1, ta1 tu3tu4 ku4u4=ra2 tan3 ta3ba4=ra2 ya3a2 tan3 sa3kan4 ndi4 ta3xa'4a(4)=2 tan3
<Sync time="491.499"/>
sa3kan4 ndi4 ka3xi(4)=un4 yu'1u1 ndi4 ta1 ka3xi(4)=un4 ku4u4 ba(3)=2 ndi4 na4 ku3-si1i4 ji'3na3 [...] i3ni2=yu1
<Sync time="495.19"/>
Tan3 ndi3xa3 ku4u(4)=un4. Ndi3xa3 ba42.
<Sync time="497.771"/>
Ja143 sa13ña4 ba3 ko14chi4 tan3 ja143 tu4tu24 ba3, ya1kan3, Lo3ren4su2 i4ndu'3u4=ra2 tan3
<Sync time="503.1"/>
tan3 nda4ba3 mbu4rru2 ndi4 ta4xa'4a4=lu3=ri4, ja143 tu4tu24=a2 sa3kan4 i4ndu'3u4=a2 tan3 ka4chi(2)=a2 so'3o3 ndi4
<Sync time="508.67"/>
An4 ko14o3 ti1sa'4a(4)=on4 tan3 an4 ko14o3 xa'1a(4)=on4 tan42 ya1 kan4 ndi4, ya1kan3, ku4ni2, ku4ni2, ya1kan3, chi3ka2 xu4mi(4)=un4 yu'3u4, yu'3u4 ko14chi4
<Sync time="515.033"/>
nda'1yu1 mbu4rru2 ja14-nda3-sa1a4 xu4mi4=ri4 xi4ka3=ri4 ta4xa'4a4=ri4 tan3 nda'1yu1=ri4 tan3 ni1-..., ni1-ko3nda2a2=ri4 xa'1a4
<Sync time="521.682"/>
ya1 ya3tin3 i4ndu'3u4=a2 kan4 yu'3u4 ta1kwi42 tan3 ka13ni3=ri4 te'4e4, te'4e4 ka1 ka13ni3=ri4 te'1e4 nu14u(3)=a2,
<Sync time="525.414"/>
chi13ka2 mbu4rru2 xa'1a4 ji'4in4 ti1sa'4a4, kwa'1an1 ba3 mbu4rru2
<Sync time="529.693"/>
i3kan4 ka4chi2, ka4chi2 ko14chi4 so'3o3 ndi4
<Sync time="533.958"/>
ya1kan3, ka14ni3ni2=un4 ya3ni2, ya1 ja1 i4yo2 ba'1a3 yu'3u4=2 tan3 ni1-ki3nda2a(2)=on4=a2 yu'3u4=2 tan3 bi3tin3 ndi4
<Sync time="538.574"/>
ya1kan3, mi3i(4)=un4 ku4u4 ta1 nda3-cha'4bi3
<Sync time="541.735"/>
ya1..., ya1 ni1-su14-ku3nu(3)=un4 ya1 ka3xi4=2 ndi4 ya1 mi3i(4)=un4 nda3-ya'1a3 nu14u(3)=a2 a1chi1 ndi4 nde4..., nda4a(2)=e2 ndu4ku(4)=un4 ya1 kan4 ndi4 ni1-ki3nda2a(2)=on4=a2 yu'3u4=2
<Sync time="548.297"/>
ta1 ba3ta4 ku4u4 yo'4o1 ya3ni2 nda4a(2)=e2 a3sa3 yo'4o1 ji'4in4 yu'1u1 ko14o(3)=a2 a3sa3 yo'4o1 ji'4in4 yu'1u1
<Sync time="553.074"/>
ba14sa3, ji4ni2 ka4xi(3)=2 mi4i4 ku4u4 i3chi4 xi4ka(3)=on4 ja4nu'1u(4)=un4 be'3e(3)=on4 tan3
<Sync time="557.386"/>
ya1kan3, ji4ni2 ka4xi(3)=2 mi4i4 ku4u4 be'3e(3)=on4 ji4ni2 ka4xi(3)=2 mi4i4 xi'4i(4)=un4 ta1kwi42
<Sync time="562.061"/>
tan3 i3kan4, i3kan4 ku3ndi3ka2=yu1 tan3 sa3kan4 ndi4 nda3-ki'3in(3)=2 yo'4o1
<Sync time="566.042"/>
*u4ta2** ni1-ke3e3 ba3 ko14chi4 su14u3 ti4 kwi14i3 ka3ka3 ku4u4=ri4 ndi4 ti4 ba'1a3 xi4ka3 ba3 ku4u4=ri4 ni1-ke3e3 ba3=ri4 ja'1an1 nda3-ndu3ku4=ri4 mi4i4 ku4u4 i3chi4=a2 kan4 xi4ka(3)=e2, ya1kan3,
<Sync time="573.779"/>
ja'4an1 ndu3ku4=a2 ña'1a3 ka3xi4=a2 i4yo2 be'3e(3)=2 i4yo2
<Sync time="576.604"/>
ke13e3=ri4 ja13ndu'4u4 ndi1xin3=ri4 i3chi4 ña1a4 tan3 nda4tu3=ri4=a2 nda3ba(3)=e2 yu'3u4=ri4
<Sync time="581.282"/>
i3kan4 ka1 bi4 ba1xi3 ba3, ya1kan3, ku3ni4jo2 tan3 ka4chi2=ri4 ndi4
<Sync time="585.054"/>
ya1kan3, nda4a(2)=e2 ji13ni2=o4 i3in3 tu3 i3tun4 ka4ndu'3u4 tan3 ka14nda1 i4chi3 tun4 kan4, tun4 ka1nda1 ku4u4 ba3=run4
<Sync time="592.184"/>
ya1kan3, ka4ndu'3u4=run4 i3chi4 mi4i4 ba42 kwa'1an1 yo4o4
<Sync time="595.384"/>
ja143 kwe4e2 chi'4i2 ti4 ni1-ka1nda1 ya1 ña1a4 ka4ndu'3u4=a2 i3chi4
<Sync time="599.915"/>
ndi4 ya1 ka1a3 ndi4 *maña** ku4 ba(3)=e2 ndi4 na4 ji13ni2=o4 i3in3 tun4 ta'4yu1 tan3 ka1nda1 tu3 tun4 kan4 ka4ndu'3u4=run4, ya1 ka1a3 ndi4 *maña** ku4u4 ba(3)=e2 ka1a3
<Sync time="605.849"/>
tan3 ja1 ka13nde3ta3=ri4 tan3 kwa'1an1=ri4, ba14sa3 ku'1un(1)=un4 ya3ni2 ndi4, ya1kan3, ji4ni2 ka4xi(3)=2 ndi4 i4yo2 be'3e(3)=on4
<Sync time="612.967"/>
ja143 ni1-ke3e3 ko14chi4 ja'1an1 ju13ndi3ka2=ri4 be'3e(3)=a2 mi4i4 ba42 i4yo(2)=a2,
<Sync time="616.671"/>
ja1 ji4ni2 ba3=ri4 ndi4 ja1, ja1 be'3e3 ba3, be'3e3=ri4 kan4 ndi4ka2 ko14chi4
<Sync time="622.186"/>
nda1 i3kan4 ka1 nda13-tu1u3=ri4 ba1xi3=ri4 tan3 ka4chi2, ka4chi2=ri4 so'3o3 ka'4an2 mi3i4=ri4 ba1xi3=ri4 ndi4
<Sync time="628.328"/>
bi3tin3 ndi4 ko14o(3)=a2 ba'1a3 i4yo2 be'3e3, ki1bi4 nu4na4 be'3e3 ko14o(3)=a2 i4yo2 ti1xin3 be'3e3 ndi4
<Sync time="633.579"/>
i3kan4 ka1 ba1xi(3)=o4 tan3 nda'4yu1 be'3e3 ndi4 ja4-nu1mi(4)=un4 ki3xa2a(2)=on4 be'3e3 ka4chi2 be'3e3 ji'4in(4)=2 tan3 bi3tin3 ndi4 ba143 ka'4an2 be'3e3
<Sync time="638.639"/>
sa1a3 ka1 ndi4, ya1, ta1 ka4ndi3ka2 ku4u4 ta1 ka4ndi3ka2 ti1xin3 be'3e3
<Sync time="642.391"/>
ja143 ni1-nda'1yu1 ba3 be'3e3 ndi4, sa4-nu1mi(4)=un4 ki3xa2a(2)=on4
<Sync time="645.523"/>
"¿Nda4a(2)=e2 ba42 ndu4ku4 tu3 be'3e3? Ja1 na'3a4 xi4ka3 yu'1u1 ke4e(4)=2 xi4ka(3)=2 tan3 ko14o3 nda4-ka3na3 be'3e3 yu'1u1, tan3 bi3tin3 ndi4 ni1-nda'1yu1 be'3e3 ka4na(3)=e2 yu'1u1", ka4chi2 tu3ku3 ba3=ra3.
<Sync time="652.185"/>
U1bi1 nu14u3 tu'1un3 kan4 ni1-ka'1an1=ra1 tan3 ta1 ja1, ta1 ja1 kwa'1an1 ku4u4 ba3=ra3,
<Sync time="657.616"/>
ja143 ni1-ke3e3 ba3 ko14chi4 ja'1an1 ju3ndi3ka2=ri4 mi4i4 xi'4i(4)=a2 ta1kwi42
<Sync time="661.985"/>
ja143 ni1-nda3-nde1ta3=ri4 ndi4ka2=ri4, na3a4 i4chi3 i3ni(2)=a2 tan3 ni1-nda3ba(3)=e3,
<Sync time="666.602"/>
nda13ba(3)=e2 ya1 nda'3a4, nda'3a4 ko14chi4, sa3kan4 ka4a4 mbo3la3 ni1-ti3in3=ri4
<Sync time="671.357"/>
ti13in3=ri4 tan3 ni1-ti3in3=ri4 ndi4 sa3kan4 ka4a4 nda'3a4 xa'1a4 ni1-ti1in3
<Sync time="675.277"/>
nda'4bi2 sa4ka2=on4 ya3ni2 ba3 tan3 na4 ta1, ta1 ni1-xa3ku'1un3 bi4 tu3 ku4u(4)=2 nda'3a(4)=on4 ka4chi2 ka'4an(4)=on4
<Sync time="679.688"/>
i3tun4 i4chi1 ti4, ya1kan3, ti4in4 sa4ka2=on4 tan3 ji14ni2=un4
<Sync time="684.25"/>
sa13ña4 ba3=ri4 i3in3 ta'4bi4, xa'1an1 nda'3a4 ba(3)=e2 kan4 ni1-xi14ta(3)=e2 tun4, tun4 ta'4yu1
<Sync time="690.68"/>
ni1-chi3ka2 ba(3)=e2 ya1kan3, mi4i4 ti'4nu3 ti4 ña1a4
<Sync time="695.674"/>
an3, u'1bi1 ka1 ni1-..., ni1-nda3-ti3in3 ti4 ña1a4 tun4 ta'4yu1 tan3 ni1-..., ni1-sa1ña4 ba(3)=e2 ti4in4=ri4 ndi4 i3tun4 ta'4yu1 ba3 ti4in4=ri4 ka4chi(2)=a2 ña1a4 ka'4an(2)=e2, tan3 ni1-ka3nde3ta3=ri4 nda1 kan4 kwa'1an1=ri4
<Sync time="704.579"/>
ki'3in3 si'14bi3 ka'3a(4)=on4 ka3xi(4)=un4 ndi4 ya1 ja1, ja1 i4yo2 ba'1a3 ba42 tan3 ni3, ni14-kwi3i3 ka3xi(4)=un4=a2 ndi4 ya1 ja1, ja1 ni14-ku3chun(3)=un4 ba42 ña1a4
<Sync time="711.292"/>
ndi4 ka14ka3 i3ni2=un4 ya3ni2 ndi4, ya1kan3, ta1 nda3-ki'3in(3)=2 ku4u4 ba(3)=on4 ki1bi4 nda3-ki'3in(3)=2 yo'4o1
<Sync time="717.71"/>
xa143, xi14ni2 ka1, ya1kan3, ko14chi4 sa1a3 a3sa3=ri4 ndi4 ja1 lu14u3 ba3 *maña** i4xa3=ri4 tan3 ba14sa3 ndi4 ba14sa4 kwi4i4 tan3 ba14sa4 kwi4i4
<Sync time="725.283"/>
i3kan4 ja143 ni1-..., ni1-ka'1an1=ri4 ji'4in4, ji'4in4 pi3lo4
<Sync time="730.006"/>
ya3ni2 an4 a3sa3=ni42=un4=a2 ba'1a3 ji'4in(4)=2 ya1kan3, ka'1an(1)=on4 ji'4in4 ta1 ya3ni2=o4 yo'4o4
<Sync time="735.652"/>
ndi4 so'3o3, so'3o3 ni1-ku3u3 tan3 i13xa3a4 ni1-ndo1o3=2, ya1kan3, xi4ka3 ndu3ku4=2 *maña** tan3 ndi4 ba14sa4 kwi4i4 nda3-ki'3in(3)=2=ra1 ndi4
<Sync time="743.904"/>
ya1 ja1 i4yo2 ba'1a3 ka3xi4=2 ba42 tan3 ni1-ki3nda2a2=ra(1)=e1 yu'3u4=2 tan3 ya1 kan4 ba42 sa4a24=ni42 i3ni2[=yu1] ji4ni2 ña'3a4 yu'1u1 ndi4, ya1kan3, ta1 nda3-ki'3in(3)=2 ku4u4 ba3=ra2 tan3 ba14sa4 kwi4i4
<Sync time="750.513"/>
ni1-ndi'3i(3)=a2 ya1 nda4ka3ni3ni2=yu1 ya1 ti3in(3)=2=ra1 ndi4 ba14sa4 kwi4i4
<Sync time="754.725"/>
ya1 kan4 ndi4 ku'1un1 ka'1an(1)=on4 ji'4in4=ra3, ka3chi2=un4 ji'4in4=ra2 ndi4, ya1kan3,
<Sync time="760.153"/>
xi3yo3 yu14bi4, yu'1u1 ndi4 xi4ka3 yu'1u1 ndi4 ke4e4 yu'1u1 xi4ka3 yu'1u1 ndi4 ya14tin3 xi4ka3 yu'1u1 ka3chi2=un4 ji'4in4=ra3,
<Sync time="764.556"/>
tan3 ji13ni2[=yu1] ndi4 i3kan4 i4yo2 bi3ko4 tan3 i4yo2 na1, i4yo2 *invitado**=e2 ndi4, ya1kan3, ta1,
<Sync time="770.041"/>
ta1 ku'1un1 bi3ko4 ku4u(4)=2 ndi4 ta1, ta1 i4yo2 *invitado** ku4u(4)=2 ndi4 ka4na3=na2 yu'1u1
<Sync time="774.74"/>
tan3 sa3kan4 ndi4 yu'1u1 ndi4 ku'1un1 nda3-ndu3ku4=2 mi4i4 i4yo2 ku'1u1 xu13xa3 i3kan4 ku'1un1=yu1 ka3ndu'4u(4)=2 tan3
<Sync time="780.675"/>
tan3 na4tu2 ni1-ku3chun(3)=un4, ya1kan3, ni1-nda3kwi3in3=ra2 ndi4 ku'1un1=ra1 tan3 sa3kan4 ndi4 ku'1un1=yu1 ka3ndu'4u(4)=2 i3kan4 tan3
<Sync time="786.4"/>
sa3kan4 ndi4 ka3chi2=un4 ji'4in4=ra2 ndi4, ya1kan3, ba'1a3 ndi4 lu3u(3)=un4 ya3ni2 ndi4 kwi3so(3)=2 yo'4o1 tan3 ku'1un(1)=o4 tan3
<Sync time="792.155"/>
sa3kan4 ndi4 nda3ba(3)=e4 nda1, nda1 kan4 ndi4 ya14tin3=ni42 ba42 ndi4 ku14chun(3)=un4 ku'1un1 xa'1a(4)=on4 ndi4 ya14tin3 yu14bi4 ba42 kan4
<Sync time="797.605"/>
ya1 kan4 ndi4 ta1 kwi3so(3)=2 ku4u(4)=un4, ka3chi2=un4 ji'4in4=ra2 a3sa3 ki'4bi(3)=un4=ra3,
<Sync time="801.26"/>
ba'1a3 ya3ni2 ndi4 ta1 kwi3in3 ku4u4 ba3=ra2 ku'1un1=ra1 ji'4in(4)=2 ndi4, ya1kan3, si3ki2=ni42 i3ni2=ra1
<Sync time="805.201"/>
ta1 ña1a4 ndi4 ka4ña2=ni42 i3ni2 ta1 ña1a4 ndi4 ya1 kwi3i3 ku4u4 ba(3)=e2 ku'1un1 ta1 ña1a4 bi3ko4 ji'4in(4)=2 ndi4 si3ki2=ni42 i3ni2, ya1kan3, ya3ni2
<Sync time="810.827"/>
i3kan4 ja143 ni1-ndi3ki3ta'4an4=ra2 ji'4in4, ya1kan3, Lo3ren4su2 kan4, ya3ni2=o4
<Sync time="816.464"/>
ya1kan3, an4 ku14ni2 yo'4o1 ku'1un1 nde'14e(4)=on4 bi3ko4, nda4a2 i4yo2 bi3ko4
<Sync time="820.471"/>
nda1 yu14bi4 kan4 i4yo2 bi3ko4, ta1 i4yo2 *invitado** ku4u(4)=2 ndi4, ya1kan3, i4yo2 na1 ji4ni2[=yu1] kan4 tan3
<Sync time="826.605"/>
tan3 ka4na3=na2=yu1 ndi4 ta1 ku'1un1 ku4u(4)=2 bi3ko4 ku3xi(3)=2 ji'4in4=na2 ndi4 i4yo2=ni4(2)=a2 xi4xi3, ya1 kan4 ndi4 ta1 ku'1un1 ku4u(4)=2
<Sync time="831.621"/>
"Ba'1a3 na4 ku'1un(1)=un4 tan3 ku'1un(1)=o4 ya3ni2=o4. Ta1 ku4ni2=ni42 ta'3an2 ku'1un1 nde'14e4 ku4u(4)=2 tan3,
<Sync time="835.172"/>
tan3 ndi4 ya1, ya1 ku'1un1=yu1 ndi4 ya14tin3 ba42 kan4". "Ba14sa3 ya3ni2=o4 ta1 kwi3so(3)=2 ku4u(4)=un4 tan3 ku'1un(1)=o4, ndi1xin3=2
<Comment desc="debía decir ndi1xin4=2, pero dijo ndi1xin3=2"/>
 ku3ndu'4u(4)=un4 tan3 ku'1un(1)=o4".
<Sync time="842.117"/>
*u4ta2** ku'1un1 ba(3)=2 sa3kan4 ndi4, ya1 ku'1un(1)=i1 ji'4in(4)=un4 ndi4 ku'1un1 ba(3)=2 sa3kan4, tan3 ya1 ku'1un1 xa'1a4=2 ndi4 ku14chun(3)=2 xa1a1=yu1 kan4
<Sync time="847.583"/>
ku'1un(1)=o4, ki1bi4 yo'4o4 ku'1un(1)=o4, ja143 ni1-ta1nda32 ki1bi4
<Sync time="851.298"/>
ni1-ke3e3=na2 ku'1un1=na1, i3kan4 ka4chi2=ri4 so'3o3 ndi4, ya1kan3, xa'1a4 ndi1xin4=2 ti3in(3)=un4 ya3ni2
<Sync time="857.479"/>
ja143 ni1-..., ni1-ti3in3=ra2 xa'1a4 ndi1xin3=a2
<Comment desc="debía decir ndi1xin4=2, pero dijo ndi1xin3=2"/>
 kan4 tan3 ni1-jo3so4=ra(2)=e2, nda13chi4 ba3 pi3lo4 kwa'1an1=ri4
<Sync time="863.861"/>
kwa'1an1=na1 kwa'1an1=na1 kwa'1an1=na1 sa3kan4 ni1-xa1a1=na1, kwa'1an1=na1 sa3kan4 ni1-xa1a1=na1 nu14u3 ku'1u1 xu13xa3 ku'1u1 i1tun4 ndi4 xu13xa3=lu3 ku'1u1 i1tun4
<Sync time="871.385"/>
ja143 chi4ka2 ti4 kan4 ti1bi1 ja143, ti3in3 ba'1a(3)=on4 xa'1a4 ndi1xin4=2 ya3ni2 ndi4, ya1kan3,
<Sync time="874.901"/>
yo'4o4 ndi4 ya14tin3=ni42 ba42 ba1xi(3)=o4 yo'4o4
<Sync time="877.874"/>
ta1 xi4ka3 ndu3ku4 ku4u(4)=2 nda4a2 ba42 ya1 ku3-nda14ku2 yo4o4 ku'1un(1)=o4 ya1 kan4 ndi4 xi4ka(3)=2 kwa14 yu'3bi2=un4
<Sync time="881.899"/>
xi4ka3=ri4 ti1bi1, a3ma3 ndi4 mi4i4 ka4ndu'3u4 ba3 *cabrón** kan4 nda4-ndu3ku4 ti4 ña1a4 tan3 sa3kan4 ba42 ndi4 ja4-nda3ba3=ri4=a2 kwe'4e1 ji'4in4=ri4 ña1a4
<Sync time="887.913"/>
sa3kan4 ku4u4 tan3 ni1-ku3-ya3tin3 ba'1a3 ti4 kan4 nu14u3 i3tun4 xi4ka3=ri4 tan3 nda143 so'3o3 ti4 ka4a4 yu'3u4 ko14chi4 ka4ndu'3u4=ri4
<Sync time="893.861"/>
tan3 ni1-ki3sin3 ba3, ndi13-ki3sin3
<Comment desc="Generalmente este verbo termina en vocal oral, pero aquí Maximiliano lo pronunció dos veces como nasal."/>
 ba3 pi3lo4 tan3 ba1xi3 ba3 mbo3la3
<Sync time="900.443"/>
nda1 ni1nu3 ba1xi3=a2 ka4ba(1)=e1 ba1xi3=a2 ni1-ke3ta(3)=e3 tan3 nda13-ko3to(3)=a2 ndi4 nda143 e4ta3 ko'4o4 ti4 yu'3u4, yu'3u4 ko14chi4 ka4ndu'3u4=ri4 ba1xi3=a2 nda13ba(3)=e2,
<Sync time="907.484"/>
an4 te'4e4 ka(1)=e1 ka4ndu'3u4 ñu'3u4 an4 te'4e4 ka(1)=e1 ba1xi3 ni1nu3 ni1-ka3chi2 ba3 ya1kan3, ku3ni4jo2
<Sync time="914.425"/>
ya1 ni1-ka'1an1=ri4 tu'1un3 ña1a4 ndi4 nda3si4=ni42 nde3e4 tu'1un3 ni1-ka'1an1=ri4 tan3 ni1-ju3-xi3yo3 ba3 ya1kan3,
<Sync time="920.14"/>
sa14-tu3u4 xu4mi4 ba3 ko14chi4 kwa'1an1=ri4 kan4 tan3 ni1-nu1na4 ba3 tan3 ni1-nda3ba3 ba(3)=e2 i1nda43,
<Sync time="924.272"/>
ki'3in(3)=un4 si'14bi3 ka'3a(4)=on4 ka3xi(4)=un4 ndi4 ya1 ja1 ba1xi3 nda3ba3 yu'3u(4)=un4 ba42 tan3 ni14-ku3chun(3)=un4 nda3-ki'3in(3)=un4=a2,
<Sync time="930.047"/>
Ni1-ka3chi2 ba3 pi3lo4 tan3 ni1-..., ni14-ku3chun3=ri4 ki3ta'4an4, ya1 *maña**=ri4 ji'4in4 ku3ni4jo2 ndi4 ni1-ku3chun3 ba3 ku3ni4jo2 ndi4 sa14-ka1ku3 xu4mi4=ri4, ni14-ku3chun3=ri4 ti3in3=ri4=a2 tan3 ni1-ndi'3i3 i1nda43.
<Sync time="941.122"/>
Maximiliano Francisco González. *Cincuenta y ocho**. Yoloxóchitl.
</Turn>
</Section>
</Episode>
</Trans>