Tryag File Manager

/home/cluster1/data/bu01/1121861/html/mixtec/zzTranscripciones_2015-08-26_archivo-muerto_todos-buenos/Botanica/Yolox_Botan_CTB501-EGS505_Bombaceae-dos-Ceiba_2013-03-28-m_ed-2015-08-26.trs

<?xml version="1.0" encoding="ISO-8859-1"?>
<!DOCTYPE Trans SYSTEM "trans-14.dtd">
<Trans scribe="Rey_Project" audio_filename="Yolox_Botan_CTB501-EGS505_Bombaceae-dos-Ceiba_2013-03-28-m" version="2" version_date="140203">
<Speakers>
<Speaker id="spk1" name="Constantino Teodoro Bautista" check="no" dialect="native" accent="" scope="local"/>
<Speaker id="spk2" name="Esteban Guadaluope Sierra" check="no" dialect="native" accent="" scope="local"/>
</Speakers>
<Episode>
<Section type="report" startTime="0" endTime="784.199">
<Turn startTime="0" endTime="669.083" speaker="spk1">
<Sync time="0"/>
Yo'4o4 nda3tu'4un(4)=e4 *cuentu** xa'1a4 i3tun4, tun4 *po4cho2** ka4chi2 yo4o4 ji'4in4 tun4, tun4 i3ñu4=ni42 kan4
<Sync time="11.164"/>
ndi4 su14u3 nda1 nda4a2 ka1 bi4 ndu4ta1 tun4 nda'4bi2 kan4 ndi4 tan42 i4yo2 tun4 i3ta2 ta13ni2 ka4chi2=o4 kan4 i4yo2=run4 ndi4
<Sync time="19.204"/>
nda'4bi3 xia4an4 ba3 ndu4ta1 tun4, tun4 *po4cho2** kan4, tan3 lu14u3 ka1chi4=run4 ndu4..., nda4chi4 kwa'1an1 o4ra2 xi4yo13 *tiem4pu2** ya1 nda4chi4=a2,
<Sync time="28.994"/>
ta4nda132 ya1 ka3ni(3)=a2 sa1bi4 ka1a3 nda4chi4=a2, nda4ta14=e2, nda4a2 ba42 xi4ta1=ni42 ndi3kin4=a2 kan4 kwa'1an(1)=e1 tan3 ko14o3=run4 ka4na3=ni42 tan3 lu14u3 ndi3kin4=a2 xi4ta1 kwa'1an1
<Sync time="37.566"/>
an4 kwa4ñu3 ndi4 xa4xi24 tio1ko4 ba(3)=e2 a1chi1 ndi4 ndi3kin4 ti1xin3=a2 ya1 tun4 *po4cho2** kan4 ndi4 ya1 xa'14an2 ba42 kan4 tan42 i4yo2, tan42 i4yo2 *café**
<Sync time="47.288"/>
*ko4ngo2** ba42 nda4a(2)=e2 ba42 ka'4an2=na1 ji'4in4 *café** ndi3chi2 i3tun4 kan4 sa3kan4 i4yo2 ndi3kin4 ya1 ndu1u4 tun4 *po4cho2** kan4 ndi4 nda4chi4=a2 kwa'1an(1)=e1 tan3 ba143 xa4xi24 tio1ko4=ya2 a1chi1 ya1 xa'4an2 ba42 kan4 tan3
<Sync time="56.52"/>
ko14o3=run4 ka4na3 nda1 nda4a2 ka1 ja13ni1ku3 i4yo2=run4 ndi4 nda'4bi2 xia4an4 i4yo2=run4, ka4chi2 yo4o4 na1 ñu3u2, ñu3u2 i3tun2 ka1a3 ji'4in4=run4 ndi4
<Sync time="67.262"/>
tun4 *po4cho2** ka4chi2 yo4o4 ji'4in4=run4, tan3 kwa'1a4=ni42 na1 ta'4an4 yo4o4 ndi4 xi14ni2=na1 ya1 tu'1un3 ka'4an2 na1 i4sa1bi4 ta'4an4 yo4o4 na1 Ni1ko4yu4 kan4 ndi4
<Sync time="75.422"/>
tun4 nu14u3 ta4ta2, na4chu3 ko3ndo3=ra2 nda143 tan42 ka4a4 tun4 nu14u3 ka4a4=ra2 ka4chi2=na1, xi14ni2=o4 nda4a(2)=e2 ba42 ka'4an2=na1 ku4u4 tun4 nu14u3 kan4 tan3, tan3 na4,
<Sync time="84.014"/>
ku4ni2=o4 nda3ka1tu'4un(4)=e4=na2 nda4a2 tun4 ku4u4 tun4 nu14u3 kan4, an4 xi14ni2=un4 nda4a2 tun4 ku4u4 tun4 nu14u3 xi14ni2=yu1 nda4a2 tun4 [...], tun4 yo'4o4 ku4u4 tun4 nu14u3, tun4 i3ñu4 kan4 ku4u4 tun4 nu14u3
<Sync time="93.046"/>
tun4 xa'4nu3 so'3o3 tan3, tun4 kan4 ku4u4 tun4 nu14u3 ndi4 ko14o(3)=a2 ba'1a3=run4 ndi4 ndo3o3=ni42 ba3=run4 ndi4 tun4 pa1chi1 ku4u4=run4 sa3kan4 i4in4 ta1a3 ta1 ndo3o3=ni42 ndi4 ko14o(3)=a2 ba'1a3 bi4=ra2,
<Sync time="102.636"/>
ka4chi2 na1 ñu3u2 Ni1ko4yu4 kan4 nda4..., nda4tu'4un4=na2, tan3 ni3 ko14o(3)=a2 ba'1a3 ja3 ba3=run4 ndi4 nda4ta4=na2=run4 kwa'4a4, ke4e4 *barrote** ba3 an4 ko14o3 *tabla** an4 ko14o3,
<Sync time="113.932"/>
ni3 ko14o(3)=a2 ba'1a3=run4 ya1 kwi3so3=run4 ndi4 nda4a2 kwa4ñu3 ba'1a3 ti3nda2a2 ba3=run4 na4 kwa4ñu3, *cuentu** kan4 nda4tu'4un(4)=e4 ndu'1be4 ndi4
<Sync time="121.716"/>
tun4 nu14u3 kan4 ndi4 kwi3i3 ke3e3 *tabla** ji'4in4=run4 ndi4 kwi3i3 ke3e3 xa1tun4 na1 xi'4i1 ji'4in4 ba3=run4 ti3in3=na2 xa1tun4 na1 xi'4i1 kan4 ba3 nda3sa3 ba'1a3=na2,
<Sync time="128.876"/>
nda4ka3si2=na1=run4 tan3 sa4ta24 yo4o4 na1 nda'4bi2 ndi4 ko14o(3)=a2 ba'1a(3)=e4 ba42 kan4, xi14ni2=o4 chi3ñu3 *carpintero** kan4 ya1 kan4 ndi4 sa4ta2(4)=e4=run4
<Sync time="136.916"/>
tan3 ndi4 xa3ku4 ki1bi4 tan3 ta'4yu1 ba3 tun4 kan4 a1chi1 ndi4 ba14sa4 nde3e4=run4 su14u3 tun4 ba'1a3 bi4 ku4u4=run4 ndi4 tun4 *sen3si4yu2** ba3 ku4u4=run4
<Sync time="144.758"/>
ya1 ji4ni2 ka1=yu1 ndi4 *tiem4pu2** xa4a4 i3ta2=run4 ka1a3 tan3 ta1nda32,
<Sync time="154.862"/>
ya1 yo1o4 *abril** ka1a3 xa1 xu4xa3 ndi3chi2=run4 tan3 na4tu2 ya3tin3 i4yo2 nda'3a4=run4 nu14u3 ñu'3u4 ndi4 kwi3i3 ki3nda2a(2)=e4=e2 ji'4in4 i3tun4 ya1 ndi3chi2=run4 kan4 tan3
<Sync time="165.138"/>
ta3an(4)=e4=e2 i3in3 ti1xin3 *bolsa** ba42 a1chi1 ndi4 i4yo2=ni42 *bolsa** ya1 *manta** kan4 ta3an(4)=e4=ya2 ti1xin3 an4 ko14o3 ndi4 yu3bi4 ta3an(4)=e4=ya2 ti1xin3 tan3 chi3nde3e(4)=o4=e2 ka'3ni4 tan3
<Sync time="174.392"/>
i3nga2 ki1bi4 nda3i3so(3)=e4 yu3bi4 kan4 ndi4 ja1 ndu4ba1 ndi'3i3 ba3 yu'3u4=a2 xu13xa3 kan4 tan3 sa3kan4 ndi4 nda3-ta3ba(4)=e4=e2 tan3 nda3-ta3an(4)=e4=e2 ti1xin3 *bolsa** tan3 chi3ku'3ni2=o4 yu'3u4=a2 tan3 ku3ndu'4u(4)=a2 ya1 ka'3ni4 tan3
<Sync time="184.024"/>
sa3kan4 ndi'3i3 sa3kan4 ndi'3i3 ku3u(3)=e4 ji'4in(4)=a2 tan3 kwa'1an1 tan3 ndi'3i(3)=a2 kan4 ndu1ba1 yu'3u4 tan3 ndi'3i(3)=a2 nda3-xa3a3 tan3 ja143 ki3nda2a(2)=e4 ndu3ku2 i3tun4 ti1xin(3)=a3,
<Sync time="190.726"/>
tun4 ti4in13 ti1xin3 mi3i4 ka1chi4 kan4 tan3 nda3-ta3ba4 ndi'3i(3)=o4 ndu3ku2 kan4 ji'4in(4)=a2 tan3, tan3 na1 si'4i2, na1 si'4i2 xi4ni2 chi3ñu3 na1 si'4i2 i4yo2 i3ni2 ndi4
<Sync time="202.51"/>
ti4in4=na2 i3in3 i3tin2 ji'4in(4)=a2 tan3 i3kan4 kwa1nde3e3 ka1chi4 kan4 tan3 jo4ndo13=a2 *cabecera** ji1ni4=na2 ku1sun1=na1 ji'4in(4)=a3,
<Sync time="210.635"/>
na1 si'4i2 i4yo2 i3ni2 ku4u4 na1 kan4 tan3 sa3kan4 tu3 ta1a3 ba3 na4 kwa4ñu3 ndi4 ku14-xu4xan3=ra2 ka3ya2=ra(1)=e1 kan4 tan3 sa4-i1chi1=na(1)=e1 tan3
<Sync time="216.415"/>
kwi3in(3)=a2, kwi3in3 ji1ni4 mi3i(4)=o4 na1 che4e13 ba3 an4 ko14o3 na1 ba4li4 ba3 kwi3i3 ndi4 ya1 bi3ta42 ba42 xi'4in4 tun4, tun4 *po4cho2** ka4chi2=o4 kan4
<Sync time="224.927"/>
tan3 tun4 i3ñu4 ku4u4 tun4 kan4 ndi4 ni3 kwi14i3 nda3a3 na1 yu4bi24 ja1ta4=run4 an4 ko14o3 i3in3 ki3ti4 kwi3i3 nda3a3 bi4 kan4 ndi4 na4 kwa4ñu3 ndi4 tio1ko4 ba3 an4 ko14o3 ndi3kwa4ñu3 ba3 kwi3i3 nda3a3 a1chi1 ji'4in4 chi4in24 ba3 ti4 kan4 kwa1nda3a3=ri4
<Sync time="235.157"/>
tan3 ya1 nda4a2 ka(1)=e1 ki3ti4 ki'4bi3 ku4ni2 ndi4 kwi14i3 nda3a(3)=e2 kan4 tan3
<Sync time="240.107"/>
i3ñu4=run4 kan4 ku4u4 ya1 ko4ndo(3)=a2 sa4si2 ja1ta4=run4 ya1 kan4 ndi4 kwi14i3 ta1nda32 na1 yu4bi24=run4 i4yo2 na4chu3 i4yo2=ni4(2)=a2 kan4 ja1ta4=run4 ndi4
<Sync time="246.701"/>
i3nga2 xia4an4 ndi4 ya1 ki4nda2a2=na1 ku4u4 i3ñu4 kan4 tan3 ta4ba4=na2 i3in3, nda4-ta3ba4=na2 i3in3 *figura** ji'4in(4)=a2 ka4chi2=na1 kan4 ndi4 na4na3 i3in3 i3ta2 ji'4in(4)=a2 an4 ko14o3 nda4a(2)=e2 i4xa3=na2 ji'4in4 i3ñu4=run4 kan4 ndi4 ki4nda2a2=na(1)=e1 tan3 nda4sa3=na2 i3nga2 ña'1a3
<Sync time="260.023"/>
tan3 yo4o4 na1 ñu3u2 ka1a3 ndi4 nda'4bi2=o4 ndi4 ko14o(3)=a2 ji4ni2=o4 a3sa(3)=e4 ni3 ji14ni2=o4 sa1a3 a3sa(3)=e4 ji'4in(4)=a2 kan4 ko3o(3)=a2 ko3ndo(3)=a2 *adorno** bi4 ndi4 ko14o(3)=a2 ba'1a3 bi4 yo4o4,
<Sync time="267.937"/>
tan42 ka4chi2 ta1 ta4u3ni2 sa'4an4 ka1a3 ndi4 ki'4bi13 i3su2 xa'1a4=run4 ja4xi24=ri4 i3ta2 ka4chi2=na1 a1chi1 ndi4 ya1 kan4 ndi4 ya1,
<Sync time="277.103"/>
ya1 ba'1a3 ba42 ya1 bi3ta42 ku4u4 i3ta2 kan4 ja4xi24=ri4 tan3 a1chi1 ndi4 tun4, tun4 ka4chi2=o4 ka1chi4 yu3mi4 kan4 ndi4 *tiem4pu2** bi3tin3 ba42 xa4a4 i3ta2 tun4 kan4 tan3
<Sync time="286.853"/>
kwa'1an1 na1 ki4ni4 ja'4ni24 i3su2 kan4 nda4a2=na1=run4 kan4 ndi4 kwa'1an1 ki'1bi3 i3su2 xa'1a4 tun4 ka1chi4 yu3mi4 kan4, xa'4ni24=na2 i3su2 ja4xi24=a2 i3ta2=run4
<Sync time="296.119"/>
tan3 tun4 ka1chi4 yu3mi4 kan4 ndi4 ba143 xu4xa3 ndo3o3 bi4 tun4 kan4 tan42 tun4, tun4 *po4cho2** bi4 tun4 kan4 ndi4 tun4 kwa4chi3 xa'4nu3 ku4u4=run4 ndi4
<Sync time="303.001"/>
yu1ku1 tun4 *po4cho2** ndo3o3 kan4 ndi4 na4ni24=a2 tan3 u1ni1 nu14u(3)=a2, tan42 i4in4 xa'1a4 sa3a2 i4in4 nu14u3 yu1ku1 ndi4 i4yo2 u1ni1 nu14u(3)=a2 nda4-ta'1bi4=a2,
<Sync time="312.945"/>
o4ra2 xa143 ba1xi3 ka3na(3)=e2 ndi4 la3tun4=lu3 nu14u(3)=a2, kwe4e2 sa3kan4 ku4u4 nda4ndu1ba1 nu14u(3)=a2 ndi4 tan42 i4in4 xa'1a4 ki3ti4 i4in4 ba(3)=e2 ndi4 i4yo(2)=a2 ya1 ba4li4 ka1 tan3 i4yo(2)=a2 na4ni24 ka1 i4yo2, sa3kan4 i4in(4)=a2 tan3 ju4ndu3ndu(2)=a2 ndi4
<Sync time="322.199"/>
tan42 ka4a4 nda'3a(4)=e4 so'3o3 i4in4 nu14u3 yu1ku1=run4 o4ra2 ja1 xu13xa(3)=e3, tan3 sa3kan4 ni3 i4in4 yu1ku1 tun4, tun4 ka1chi4 yu3mi4 an4 ko14o3 ndi4 ba4li4 ka1 ba(3)=e2 kan4
<Sync time="330.621"/>
ni3 ba143, ni3 ba143 ta'4bi14 sa3ba3 bi4=a2 yu1ku1 tun4 ndo3o3 kan4 ndi4 kwa4chi3 ba(3)=e2 tan3 yu1ku1 xa'1a1 ku4u4 yu1ku1 tun4 ka1chi4 yu3mi4 ta1nda1 tun4 xa'1a1 ku4u4 tun4 kan4 tan3 i3ñu4=run4 ndi4 i3ñu4 kwa4chi3 ku4u4 ja1ta4=run4,
<Sync time="341.393"/>
tan3 ndi4 su14u3 tun4 nda3sun2 ku4u4 tun4 ka1chi4 yu3mi4 ndi4 tun4 xi13i2 ku4u4 tun4 kan4 tan42 i4yo2 tun4 ya3xin4 i4yo2=run4 ndi4 na4 ku3-ta3ka3a(3)=e4 nda'3a4=run4 ndi4 ni3 ta'14nu1 nda'3a4=run4 ndi4 tun4 xi13i2 ku4u4 tun4 kan4
<Sync time="350.133"/>
tan3 sa3kan4 tu3 tun4 *po4cho2** ba3 ndi4 ya1 nda'3a4 ndu3ku2 kan4 na4 ku3-ta3ka3a(3)=e4 ndi4 ba143 ta'4nu(1)=a1
<Sync time="355.793"/>
tan3 ndi4 tun4 bi3ta42 ku4u4=run4 ko14o(3)=a2 ba'1a3 bi4=run4 ka3chi2=o4 ya1 nde3e4 bi4=run4 nda4a2 i3in3 kwa'3a3=lu3 *mesa** bi(4)=o4 an4 ko14o3 ka3chi2=o4 ndi4 tun4 bi3ta42 ku4u4=run4
<Sync time="364.897"/>
an4 ji4ni2 ka1 yo'4o1 nda4a2 ku4u(4)=a2 ba'1a3=run4 nda4a(2)=e2 ja4chi4ñu3=na2 ji'4in4=run4 an4 ko14o3, na4chu3 jo4ndo13 i3ta2=run4 a4chu3, nda4a2 *tiem4pu2** ba42 ka4na(3)=e2 kan4 ba3 an4 ko14o3,
<Sync time="373.297"/>
ba'1a3=e2 nda4ndi3xin4=run4 kan4 ndi3sa3a4 *tiem4pu2** ndi4 ya1 yo1o4 *mar4su2** xa'1a4 *mar4su2** ka1a3 tan3 ja143 nda4ndi3xin4=run4 tan3 bi3tin3 ndi4 tun4 ja1, ja1 xu4xa3=ni42 yu1ku1 ku4u4=run4 bi3tin3.
<Sync time="381.717"/>
Ya1 ku4u4 ya1 ji4ni2[=yu1] ndi4 a1su3 ya1 ka'4an2=on4 ndi4-kwi3so3=na2 ka1chi4 kan4 ba'1a3 kwa1nde3e3
<Comment desc="Debió decir kwa1nde3e(3)=a2."/>
 ji1ni4, i3tin2 ji1ni4=na2 ki4xin1 ba3=na3,
<Sync time="390.689"/>
mi3i4 tun4 *po4cho2** kan4 tu3 ndi4 na4 ko14o3 i3tun4 ndi4 ba'1a3=run4 ja4chiu4un4=run4 ji'4in4=na2 ta4ba4=na2 *barrote** kwa1nde3e3 ji1ni4 be'3e3 ndi4 ja1 ji4ni2=yu1 ndi4
<Sync time="399.343"/>
ta4ba4=na2 *barrote** ji'4in4=run4 tan3 ja4chiu4un4=run4 ji'4in4=na2 ji1ni4 be'3e3 ndi4 ji14ni2=o4 na4 na'3a4 ja4chiu4un4 bi4 tu3 ka'4an4=run4 ba3 kwa4ñu3 ki13ta'4an(4)=e2 ndi4
<Sync time="405.987"/>
ko14o3 i3tun4 ba'1a3 ja3chiu4un4 ji'4in4 ba3=na2 tan3 i4yo2 tun4 kan4 ku3rra42=na1 ba3 nda4a(2)=e2 kan4 ba3 ndi4 ja'4nda2=na1=run4 ja3chiu4un4=run4 ji'4in4=na2 ndi4
<Sync time="412.127"/>
ji4ni2=yu1 ndi4 ja4chiu4un4=run4 ji'4in4=na2 kwa1nda3a3=run4 ji1ni4 be'3e3 tan3 ba'1a3 tu3=run4 ta4ba4=na2 *tabla** ji'4in4 nda4ka3si2=na1 ja'1a4 be'3e3 i3tun4
<Sync time="419.187"/>
tan3 tun4 i3nga2 ko4ndo3 tun4 ka1chi4 yu3mi4 kan4 tu3ku3 ndi4 su14u3 tun4 xu4xa3 sa4ka2 bi4 ku4u4 tun4 kan4 ndi4 ba3 ni3
<Sync time="426.927"/>
kwi3ko4=na2=run4 ka'3mi3=na2 ba'14a4 bi4 ka'4an4=run4 a1chi1 ndi4 su14u3 tun4 te'4e4 bi4 ku4u4=run4 ndi4 tun4 bi3ta42 ku4u4=run4
<Sync time="432.099"/>
i3ta2 ba3=run4 ba42 ka4ya2=na1 ta'4ni3=na2 a1chi1 ndi4 ya1 xa'4an2 bi1xi1 ba3 ba42, ya1 kan4 ti4 ka1 ba42 ji4ni2=yu1.
<Sync time="439.075"/>
I3tun4, i3tun4 *po4cho2** kan4 ndi4
<Sync time="450.515"/>
tun4 pa1chi1 ku4u4=run4 tan3 tun4 xi13i2 ku4u4=run4 tan42 ka4chi2=o4 mi3tiu'4un4 ndi4 tun4 xi13i2 ku4u4 ja3 ba3=run4 tan3 ndi4 tun4 bi3ta42 ku4u4=run4 ko14o3 ya1,
<Sync time="456.685"/>
ba14sa4 nda4ta14=run4 tan42 sa3ba3 tun4 nda3sun2 ndi4 tun4 xi13i2 ku4u4=run4 tan3 kwi3i3 ti3in3=na2 tan42 ka4chi2=o4 ndi4 ndia'14na3 kan4 ba42,
<Sync time="464.469"/>
an4 tun4 ndu'3u4 ku4u4=run4 kwi3i3 ka3an2=na1 ti1xin3=run4 kwa'3a3 ndia'14na3 ndi3ka'3a3 ba42 an4 ndia'14na3 i3i2 ba42 an4 ko14o3 nda1 nda4a2 ka1 ndia'14na3 kwi3i3 ti3in3=na2,
<Sync time="472.351"/>
na1 xi4ni2 nda3-ta3ba4 ndia'14na3 kan4 tan3, tan3 sa3kan4 i4xa3 ja3 ba3=na2 ndi4 tun4 ka3nu4ba2 ka4chi2=o4 xi4ka3 na1 ti4in4 tia1ka4 kan4 ndi4
<Sync time="483.245"/>
tun4 ndi4ka1 kan4 ku4u4 tun4 ta4an24=na2 ya1 kwe4nda2 mi4i4 xa4ñu1=na1 ti1xin3=run4 ya1 kan4 ndi4 o4ra2 tu4xi4=na2 bi1tu4 nde4e4 tun4 nde4e4 kan4 ndi4 tun4 kan4 ndi4 tun4 ndi4ka1 nu14u3 ku4u4=run4 a1chi1 ndi4
<Sync time="491.937"/>
tun4 ndo3o3 ku4u4 tun4 *tabla** ta4an24=na2 ka'3a4 tun4 ka3nu4ba2 kwi3i3 tu3 ti3in3=na2 nda4a2 ka1 *cuchara** na1 si'4i2 ja3chiu4un4 ji'4in4 ba3=na2 an4 ko14o3,
<Sync time="501.711"/>
nda4a2 ka1 ya1 *juguete** [...] ya14kun2=na1 tan3 nda3sa3=na(2)=e2 ki3ti4 ku4u4=ri4 an4,
<Sync time="507.063"/>
su13ndu2 ba42 nda4a(2)=e2 ba42 [...] an4 *pa3ya4su2** ba42 ndi4 ya1 xi13i2 ba42 kan4 tan3 ya1 kan4, ya1 ku4u4=run4 tun4 bi3ta42 ndi4 ba'1a3=ni42 nda4-ta3ba4=na2 *figura** a1chi1 ndi4 tun4 bi3ta42 ku4u4=run4
<Sync time="515.295"/>
ko14o3 ya1 ka3chi2=o4 ya1 ba'1a3 bi4=run4 ndi4 tan42 ku4u4 tun4, tun4 ka1chi4 yu3mi4 kan4 tun4 xi13i2 tu3 ku4u4 tun4 kan4 ba3 ndi4 tun4 ndu'3u4 ndi4 tun4 ba'1a3 tu3 ku4u4 tun4 kan4 ba3 ta3ba4=na2 ya1 ko4ndo3 ndia'14na3 ba3
<Sync time="523.615"/>
ti3in3=na2 *cuchara** i3tun4 kan4 ba3 ti3in3=na2 a1chi1 ndi4 tun4 xi13i2 ku4u4=run4 xa'4a13=run4 ka4an1=run4 tan3 sa3kan4 ndi4 nda4-ya14kun2=na1 ndi4
<Sync time="530.455"/>
ya1 xi13i2=run4 kan4 ndi4 xa'4a13=run4, an4 ji4ni2 ka1=on4 nda4a(2)=e2 ba42 i3nga2 ka(1)=e1 an4 ko14o3,
<Sync time="535.735"/>
ya1 ji4ni2=o4 ndi4 ya1 kan4 ku4u4 ndi'3i3 ba(3)=e2 ji'4in4 tun4, tun4 nu14u3 kan4 ji'4in4 tun4, tun4 ka1chi4 yu3mi4 kan4
<Sync time="543.715"/>
Ya1 ku4u4 ya1 ka'4an2=yu1 kwa4..., su14u3 yu'1u1 ku4u4=ra2 ji4ni2 bi4 ndi4 tun4 kan4 jo4ndo13 bi4=run4 ndi4
<Sync time="550.317"/>
kwa4ñu3 ja4i3ni2[=yu1] ndi4 ba3 kwa4ñu3 tun4 kan4 ku4u4=run4 xi4kwa'4a4=na2 tun4, ji14ni2[=yu1] sa1a3 na3ni4 tu3ku3 ba3=run4 ndi4
<Sync time="555.267"/>
tun4 ndi4ka1 nu14u3 ju4ndi3ka2, ya1kan3, ka'3a4, ya1kan3, ka1ta1 ko'4ni4=na2 ndo1o4 tan3
<Sync time="560.717"/>
nu14u3 ta4 kan4 xi4nu3=run4
<Comment desc="Debió decir &quot;nu14u3 tun4 kan4 xi4nu3=ra4&quot;, invirtió el orden de los enclíticos."/>
 tan3 kwa'1an1=ra4 xa4a1=ra4 *tina** ndi4 ba3 tun4 kan4 ku4u4 tun4 ja4chiu4un4 ji'4in4=na2 tu4u2=yu1.
<Sync time="566.167"/>
Tun4 kan4 ku4u4 ba3=run4 ja4chi4ñu3 mi4i4 ti4 ba42 i4yo2=run4 a1chi1 ndi4 ya1 ndi4ka1=run4 ya1 kan4 ndi4 ju4-ni3ni3=run4 xa'1a4 ndu13yu2 ka1ta1 tan3
<Sync time="574.511"/>
ti4in4=na2=run4 ko4ndo3=run4 ka3nu4ba2 tan3 i4yo2 chi1chi32 nu14u3=run4 mi4i4 ba42 xi4nu3 ta1kwi42 ndu13xi2 ndo1o4 kan4 ya1 kan4 ndi4 ko4yo13=ra4 ti1xin3 ki1si3 tan3 ndi4
<Sync time="582.801"/>
ya1 ku4u4=run4 tun4 bi3ta42 ya1 kan4 ndi4 ba'1a3=ni42 i4ya14kun2=na1 ti1xin3=run4 tan3 nda4ndo3o3 i3chi4 ta1kwi42 ndu13xi2 kan4 ko4yo13=ra4
<Sync time="589.481"/>
ya1 ti1xin3 ki1si3 ji1ni4 ka1ta1, tun4 ba'1a3 ku4u4 ba3=run4 i3kan4 ja4chi4ñu3 ba3=run4 ji'4in4=na2 ndi4 ki1bi4 i4yo2=run4 ba42 kan4,
<Sync time="596.835"/>
tan3 sa3kan4 tu3 na1 si'4i2 ba3 ndi4 na1 si'4i2 ji4ni2 ti3in3 ki1si3 tan3 ndu13ta'3an2=na1=run4 tun4 kan4 ku4u4 tun4 ku4ni2 ba3 na1 kan4 ka3chi2 ta1 nda4tu'4un4 ki'4bi3 kan4 ndi4
<Sync time="604.667"/>
ba14sa4 nda4ta4=run4 ki1si3=na2 ba42 an4 yo3o2 ba42 an4 ko'1o4 nda4a(2)=e2 ba42 xi4xi1 ya1 ku4u4=run4 tun4 bi3ta42 ñu'3u2=run4 ndi4
<Sync time="611.969"/>
xi4xi1 u3un3 ti4=a2 ñu'3u4 kan4 i4xa3=run4 a1chi1 ndi4 tun4 bi3ta42 ku4u4=run4 tan3 tun4 ka4ya2 na1 si'4i2 ku4u4 ja3 ba3=run4 mi4i4 i4yo2=run4 tan3 xa'4mi3 na1 nda'4bi2 ki1si3=na2,
<Sync time="620.101"/>
ya1 kan4 ba42 i4xa3, i4xa3 tun4 bi3ta42 ñu'14u4 kan4 ji'4in4 na1 si'4i2, ba'1a3=run4 ko3ko3 ki1si3 ba3 ko3ko3 xi1yo4 ba3 ko3ko3 ko'1o4 ba3=na2 ko3ko3,
<Sync time="629.683"/>
a1chi1 ndi4 ba14sa4 nda4ta4=run4=ya2 a1chi1 ndi4 tun4 bi3ta42 ñu'3u2 ku4u4 tun4, tun4 *po4cho2** ndo3o3 kan4 tan3 sa3kan4 ni3 tun4
<Sync time="636.797"/>
ka1chi4 yu3mi4 kan4 ya1 kan4 ndi4 na4tu2 ji13ni2=na1=run4 tan3 ki4nda2a2 ba3=na2 i3ñu4 tan3 tun4 xi4ko4=na2 kwa'1an1 ku4u4 ba3=run4 mi4i4 ja4chiu4un4=run4 ji'4in4=na2,
<Sync time="643.569"/>
na1 ji4ni2 ti3in3 chi3yo3 tu3 ku4u4=na2 a1su3 tun4 xi4ko4=na2 ku4u4 ba3=run4 a1chi1 ndi4 tun4 bi3ta42 ñu'14u4 kan4 ndi4kun2 ba3 na1 kan4 sa3kan4 ndi4 xa'4mi3=na2 chi3yo3=na2,
<Sync time="652.139"/>
chi3ñu3 kan4 ti4 ba3 ba'1a3 tun4 i3tun4 ndo3o3 kan4 tun4 *po4cho2** kan4,
<Sync time="658.561"/>
an4 ja1 xa4ku'1un3 nu14u(3)=un4 xa'4mi3=na2 chi3yo3 ji'4in4 tun4 bi3ta42 ñu'14u4 kan4 an4 ko14o3 na1 si'4i2 ku4u4=na2 tan3 an4 ja1 xa4ku'1un3 nu14u(3)=un4=na2 si4so3=na2 tun4 xa'4mi3=na2 a1chi1 ndi4 ya1 kan4 ba42 ji4ni2=yu1 nda4tu'4un(4)=2 ji'4in(4)=un4.
</Turn>
<Turn speaker="spk2" startTime="669.083" endTime="725.177">
<Sync time="669.083"/>
Ja1 ji4ni2 ba(3)=2 ka4ya2=na1 tun4, tun4 tan42 ku4u4 tun4 i4chi1 tan3 su14u3 tun4 te'4e4 ku4u4=run4 ndi4
<Sync time="675.927"/>
ji4so3=na2=run4 kwa'1an1=run4 ji'4in4=na2 ja'4mi3 ja3 ba3=na(2)=e2 a1chi1 ndi4 na4 tu3tun4 te'4e4 tan3 ka'3mi3=na(2)=e2 tan3 nde3e4 ñu'14u4=run4 tan3 kwa'1a4 ñu'3u2 ba42 ndi4
<Sync time="684.441"/>
ka'4ndi2 ki1si3=na2 an4 xi1yo4 tu3 ba42 ndi4 nda4ta14=e2 tan3 ndi3xa3 ku4u4 ba(3)=e2 ndi4 xi4ko4=na2 tun4, tun4 i4chi1 bi3ta42 lu3chi'4i2
<Sync time="691.823"/>
tan42 ku4u4 tun4 *po4cho2** kan4 tun4 ba'1a3 ku4u4 ba3=run4 ndi4 ya1 xa'4mi3=na2 ku4u4 ba(3)=e2 ji'4in4=run4 kwa4ñu3, tan42 ku4u4 na1 ja'4mi3 chi3yo3 kan4 tu3 ku4u4=na2 ndi4 a1su3 i3tun4 ja1,
<Sync time="701.525"/>
na4 i3tun4 te'4e4 tu3 ku4u4=run4 tan3 tun4 ja1 i4chi1 ba143 ba'1a3 ko3ko3 ka'3a4 xi1yo4 ya3tan3 is1ta4 tan42 tun4 kan4 ku4u4 tun4 ka4ya2 na1 kan4 tan3 xa'4mi3=na2 chi3yo3 tan3
<Sync time="710.895"/>
tun4 *po4cho2** kan4 ndi4 tun4 ba'1a3 ku4u4 ba3 ka'4an4=run4 ja3chiu4un4=run4 ji'4in4=na2 a1chi1 ndi4 su14u3 i3tun4 te'4e4 bi4 ku4u4=run4 ndi4 tun4 bi3ta42 ku4u4=run4 ko14o3 nde3e4 ba'1a3 bi4 ñu'14u4=run4.
<Sync time="718.197"/>
Ya1 kan4 ndi4kun2=na1=run4 ja4chiu4un4=run4 ji'4in4=na2 a1chi1 ndi4 xi4xi1 ba'1a3 chi3yo3=na2 ran4.
</Turn>
<Turn speaker="spk1" startTime="725.177" endTime="784.199">
<Sync time="725.177"/>
I3nga(2)=e2 ya1 ja4chiu4un4=run4 ndi4 mi4i4 ti4 ba42, ya1 *tiem4pu2** a1chi1 ka1 ndi4 ko14o3 ya1 ko4ndo3 *cemento** ya1 ka'4an2=na1 *lavadero** ka1a3 ji'4in(4)=a2 ndi4
<Sync time="735.587"/>
na1 si'4i2 ya1 kwa'1an1 yu'3u4 ta1kwi42 kan4 ndi4 ja4chiu4un4=na2 kwa'1an1 ta'4bi4 ni1nu3 kan4 ta4ba4=na2 tun4 pa1chi1 kan4 tan3
<Sync time="742.197"/>
ti4in4=na2 ko4ndo3 *batea** ka4chi2=na1 ji'4in(4)=a2 i3tun4 ndi4ka1 nda4ka3ta3 na1 si'4i2 tu3un4 nu14u3 yu14ti3 kwa'1an1, kwa'1an1 ni1nu1 kan4 ndi4 ko14o3 ya1 ba'1a3 nda3ka3ta3=na2 ko14o3 yu1u4 kan4 ya1 kan4 ndi4
<Sync time="751.619"/>
i3tun4 kan4 ya1 ku4u4=run4 tun4 ka3ma2 ndi4 xi4kwa'4a4=na2 ti1xin3=run4 tan3 i3kan4 ñu'4u4 tio1to1 kwa'1an1 ji'4in4 na1 si'4i2 nda3ka3ta3=na2 ndo4so14=run4 ji1ni4=na2 kwa'1an1 ba3=na2 a1chi1 ndi4 ba14sa4 be1e3=run4 ndi4 tun4 bi3ta42 ku4u4=run4,
<Sync time="761.161"/>
tun4 ka3ma2 ku4u4=run4, chi3ñu3 kan4 i4xa3 tun4, tun4 ndo3o3 tun4 na'4nu3 tun4 nu14u3 ka4chi2=na1,
<Sync time="767.211"/>
ya1 bi3ta42=run4 ka3ma2=run4 tan3 ku4u4=run4 tun4 pa1chi1 ya1 kan4 ndi4 ndi4so3 na1 si'4i2=run4 kwa'1an1=na1 ji'4in4=run4 i1ta3 nda3ka3ta3=na2 ba143 xi'4i4=run4 ta1kwi42 ku3-be1e3=run4,
<Sync time="774.963"/>
ya1 kan4 ku4u4 ndi'3i3 ba3 ya1 ji4ni2 yo4o4 nda4tu'4un(4)=e4 xa'1a4 i3tun4 tun4 *po4cho2** kan4 tan3 sa3kan4 ni3 tun4 ka1chi4 yu3mi4 kan4.
</Turn>
</Section>
</Episode>
</Trans>