Tryag File Manager

//home/cluster1/data/bu01/1121861/html/mixtec/zzTranscripciones_Transcriber_finales_2017-03-20/Rituales/Yolox_Ritua_MEG511_Discurso-de-peticion-de-novias_2008-11-15-l_ed-2017-03-20.trs

<?xml version="1.0" encoding="ISO-8859-1"?>
<!DOCTYPE Trans SYSTEM "trans-14.dtd">
<Trans scribe="REY" audio_filename="Yolox_Ritua_MEG511_Discurso-de-peticion-de-novias_2008-11-15-l" version="19" version_date="170319">
<Speakers>
<Speaker id="spk1" name="Marcelina Encarnación Gertrudis" check="yes" type="female" dialect="native" accent="mixtec" scope="local"/>
</Speakers>
<Episode>
<Section type="report" startTime="0" endTime="910.245">
<Turn startTime="0" endTime="910.245" speaker="spk1" mode="spontaneous" fidelity="high">
<Sync time="0"/>
Xi4ka3 nde'14e(4)=2 be'3e3=ndo4
<Sync time="5.606"/>
xi4ka3 nde'14e(4)=2 be'3e3=ndo4 ta4ta2, sa'4bi13 i3ni2=ndo4, an4 sa'4bi13 i3ni2=ndo4
<Sync time="11.828"/>
ta4ta2, ka'4nu3 ko3o3 i3ni2=un4 ta4ta2 yu'1u1 ni1-ki3xa2a2 sa4-ku3nu3 yu1ma'4na1=on4
<Sync time="16.315"/>
yu'1u1 ni1-ki3xa2a2 sa4-ku3nu3 yu1ma'4na1 ndo'4o1 ta4ta2 sa4-ku3nu3 yu1ma'4na1 ndo'4o1 na4na2, ka'4nu3 ko3o3 i3ni2=ndo4
<Sync time="20.962"/>
ko3o3=ndo4 ya1 ka'4nu3 i3ni2 tan42 se'1e3 yu3ba(4)=e4 yu3ba(4)=e4 ndio4si2
<Sync time="24.294"/>
ndu3-ku3na4=ndo4 ye'14e4 na4 ki'1bi3=2 nda3tu'4un(4)=2 kwen4tu2 ji'4in4=ndo4 ndi4 i4yo2 tu1ni4ni2 ni'4i(4)=2 ba1xi3=2
<Sync time="29.077"/>
an4 ndo13ko2o2=on4 ta4ta2
<Sync time="33.73"/>
ko'3o(3)=on4 yo'4o4 i4yo2 lu3te'4ni4 ko'3o(3)=on4 i3in3 *trago**, chi3ka2=on4 i3in3 *trago** ko'3o(3)=on4
<Sync time="38.908"/>
ko'3o3 yo'4o1 na4na2 ko'3o(3)=on4, ka'3mi3=ndo4 i3in3 *cigarru**
<Sync time="43.333"/>
chi3kun2=un4 ñu'3u2 ka'3mi(3)=un4, ka'3mi(3)=un4, aha,
<Sync time="49.096"/>
¡ay ta4ta2! ¡*hombre** ta4ta2 *señor**!, nda4tu'4un4=ni42=o4 kwen4tu2
<Sync time="54.724"/>
tan3 ndi4 yu'1u1 ndi4 i4yo2 tu1ni4ni2 ndi4kun(2)=i2 ndo'4o1 ba1xi3=2
<Sync time="57.327"/>
xi'3na3=ni42 yu3ba4 yo4o4 ndio4si2 na4 ko3o3=ra(3)=e2 ka'4nu3 i3ni2, [...] ku3mi3i4=ndo4=a2 ka'4nu3 i3ni2, mi3i4 *padre señor**
<Sync time="63.315"/>
*san José san patriarca madre santísima madre Eva**
<Sync time="67.711"/>
na1, na1 chi13nde3e3 na1 ni1-chi3ku'4ba2 ya1 yu14bi4 ko3o3 yo4o4 ya1 yu14bi4 ka3ka3 yo4o4 ji'4in4 ndi3se'1e3 ji'4in4 ndi3sa1na1, ki1bi4 ka3a3 ki1bi4 ku'1un1
<Sync time="73.835"/>
*padre señor** Adán ta1 kan4 ni1-ndo3ko3o4=ra2=ya1
<Sync time="78.086"/>
*señor** Adán ta1 kan4 ku4u4 ta1 ni1-ndo3ko3o4=ra2=ña1 ya1 ndi4bi4 ya1 ndi4chi2
<Sync time="82.458"/>
tan3 ni1-ndo3ko3o4=na2 si'3i(4)=o4 *madre Eva** ni1-sa3na'3a2
<Comment desc="Aparentemente quiso decir ni1-chi3na'3a2."/>
 ni1-chi3tu4ni1=na1
<Sync time="86.462"/>
tan3 ni1-ki3xi3 ndo1o3=a2 ji'4in4 yo4o4 na1 ko4ndo3 se'1e3 sa1na1 ni1-ki3xi3 ndo1o3=a2 ji'4in4 yo4o4 ta1nda1 ki1bi4 ka3a3 ta1nda1 ki1bi4 yo'4o4
<Sync time="92.363"/>
kwa'1an1 yo4o4 ji'4in(4)=a2 tan3 ni3 kwi14i3 ndi'3i(3)=a2 a1chi1 ndi4 ya1 ni1-ndo3ko3o4 xi1i4 is1tan4 yo4o4 ba42 ndi4 sa3kan4 ko3o3 sa3kan4 xi1nu3 ka3ka3 yo4o4 ya1 yu14bi4
<Sync time="97.538"/>
ki1bi4 i3ku3 ki1bi4 i3ku3ñu2u2 i4yo2 i3in3 ta1 lu3u3 se'1e3=ndu2,
<Sync time="102.313"/>
ndu3..., ndo13ko3to3 nda3a2=ra1 se'1e3=ndo4 ndi4 ba'1a3=e2 ku3ndu'4u(4)=a2 ji'4in4=ra2,
<Sync time="105.755"/>
ya1 kan4 ba42 ndi4 ni1-ka'1an1 se'1e3=ndu2 ji'4in4=ndu3,
<Sync time="108.177"/>
ya1 kan4 ni1-ki'3in3=ndu2 i3chi4 nda3ka1tu'4un4=ndu2 se'1e3=ndu3,
<Sync time="110.497"/>
u1ni1 ku1mi4 chi4chi3 nda3ka1tu'4un4=ndu2 se'1e3=ndu2,
<Sync time="112.506"/>
an4 ba'1a(3)=en4 ku3ndu'4u(4)=an4 ji'4in(4)=un4, ba'1a3 ba(3)=en4
<Sync time="115.096"/>
tan3 su3u3 ko3ndo(3)=an4, su3u3 ko3ndo3 ba(3)=en4
<Sync time="117.288"/>
tan3 an4 ba143 i4yo(2)=a2 nda3-ndi3ko4 ja1ta(4)=on4 i3nga2, ki1bi4 i3nga2, ya1 na4tu2 na4
<Sync time="121.522"/>
na4 ki1bi4 ko3o(3)=a2, u'4un1 ba14sa3, su3u3 ko3ndo3 ba(3)=en4
<Sync time="123.678"/>
ba'1a3, ndi4 ndi3xa3, ndi3xa3 ku4u(4)=un4 tu'1un(3)=un4 ku4u(4)=a3, tu'1un3=2 ku4u(4)=a2,
<Sync time="126.497"/>
ni1-ka3chi2 se'1e3=ndu2 ji'4in4=ndu2 ya1 kan4, ni1-ki'3in3=ndu2 i3chi4 ba1xi3=ndu2 be'3e3=ndo4 ta4ta2, ni1-ki3xa2a2=ndu1 be'3e3=ndo4 bi3tin3
<Sync time="130.731"/>
ndi4 su14u3 ña1, ndu'1u1 ku4u4=na2 ni4-ka3chi2 sa3kan4 sa1a3 ko3o3, ta1 lu3u3 ku4u4 ta1 ni1-ka'1an1 xa'1a4 ba(3)=en4
<Sync time="135.441"/>
tan3 ndi4 su14u3 ta1 lu3u3 ku4u4 ta1 kan4 ndi4, yu3ba4 yo4o4 *padre eterno**
<Sync time="138.182"/>
ta1 ndi4chi2 *gloria** ta1 kan4 ku4u4 ta1 ni1-ka'1an1 ta1 kan4 ku4u4 ta1 ni1-ka3chi2 ndi4 sa3kan4 ko3o3 sa3kan4 xi1nu3
<Sync time="141.398"/>
a1chi1 ta1 kan4 ku4u4 ta1 ni1-ndo3ko3o4=a2 chi13ku'4ba2 chi13tu4ni1=ra1, ya1 kan4 ni1-ndo3ko3o4=ra(2)=e2 tan3 sa3kan4 ko3o3
<Sync time="145.483"/>
ya1 kan4 ba42 ni1-ka'1an1 se'1e3=ndu2 ji'4in4=ndu2 ndi4 ni1-ki'3in3=ndu2 i3chi4 ba1xi3=ndu2 be'3e3=ndo4 ta4ta2 ndi4 ndo13ko3to3 nda3a2=ra1 se'1e3=ndo4 ndi4 ba'1a3=e2 nda3-ka'3mi(3)=a2 ñu'3u2 be'3e3=ra3,
<Sync time="150.968"/>
ba'1a3=e2 ku3ndu'4u(4)=a2 ji'4in4=ra2 ta1 ku4ni2 nda3-ta3ku2 ku4u4=ra3, nda3-ko1o3 ña4 si'4i2=ra1
<Sync time="153.816"/>
ña4 ku3-ni'3i3=ra2 ña4 ku3-nda3ka3=ra3, ña4 ku3to'3ni3 ña'3a4 a1chi1 ndi4 ku4u4=ra2 ta1 nda'4bi2
<Sync time="157.803"/>
si'3i4=ra2 ku4u(4)=an4 ña4 ku'4u2 ku4u(4)=an4 tan3, kwi14i3 ku3xi3=ra2 kwi14i3 ndo3o3 tio1to1=ra1, ya1 kan4 ba42 nda13-ka'3an4=ra2 se'1e3=ndo4 ndi4 se'1e3=ndo4 ba42 ku4ni2=ra1, ku3ndu'4u4 ji'4in4=ra3, ya1 kan4 ni1-ki'3in3=ndu2 i3chi4 ba1xi3=ndu2 ta4ta2, ba1xi3=ndu2 be'3e3=ndo4
<Sync time="166.829"/>
ka4chi2, ka4chi2=na1 so'3o3 ji'4in4 ta1 ji'4in4 be'3e3, an4 sa3kan4 ba3 *señor**, an4 sa3kan4 ba3
<Sync time="172.074"/>
tan3 ndi4 bi3tin3 ndi4 kwi14i3 nda3tu'4un(4)=2 ji'4in4=ndo4, kwi14i3 ka'1an1=yu1 ji'4in4=ndo4 a1chi1 ndi4 xi14ni2=yu1
<Sync time="177.583"/>
ku4u4=ndu2=na1 na3a4 i3ni2 ba3, ku4u4=ndu2=na1 ki4xin1 nde4e4=ndu3,
<Sync time="181.116"/>
tan3 ni1-ki3xa2a2=ndo4 ja14-ndo3to3=ndo4 ndu'1u1 tan3 ndi4 kwi14i3 ka'1an1=ndu1 ji'4in4=ndo4
<Sync time="184.844"/>
kwa'1an1=ndo4 tan3 ba1xi3 tu3ku3=ndo4 sa3kan4 ba42 ndi4 ku3ni3=ndu2 ya1 ku4u4 ya1 nda14ku2
<Sync time="187.698"/>
sa3kan4 nda3tu'4un(4)=e4 na4tu2 kwi3i3 nda3tu'4un(4)=e4, tan3 bi3tin3 ndi4 kwi14i3
<Sync time="190.812"/>
ni1-ka3chi2 ta1 ji'4in4 be'3e3 so'3o3
<Sync time="192.401"/>
an4 sa3kan4 ba3 ta4ta2 tan3 na4tu2 xa'4a1(3)=on4=a2 ma1ni4 ji'4in4=ndu2 ki3xi3=ndu2 i3nga2 chi4chi3
<Sync time="195.498"/>
xa'4bi2 ndio4si2=un4 na4tu2 sa3kan4 ka'4an2=on4 ndi4 kwa'1an1=ndu1 tan3 ba1xi3 tu3ku3=ndu3,
<Sync time="198.784"/>
nda13-ki'3in3=na2 kwa'1an1 ba3=na3,
<Sync time="200.217"/>
kwa'1an1=na1, nda13-ji1nu3 u1na1 ki1bi4 ni1-ki3xa2a2 ni3 tu3ku3=na2,
<Sync time="204.488"/>
ni1-ki3xa2a2 ni3 tu3ku3=na2 ka4chi2=na1 ndi4, ja1 ki13xa2a2 tu3ku3=ndu2 be'3e3=ndo4 ta4ta2, ki13xa2a2 tu3ku3=ndu2 be'3e3=ndo4
<Sync time="209.876"/>
ya'1a3=ndo4 ko3nde3e3=ndo4
<Sync time="211.965"/>
ka'3mi3=ndo4 ta4ta2 ka'3mi3=ndo4 ko'3o3=ndo4, yo'4o4 i4yo2 *trago** ko'3o3=ndo4
<Sync time="215.87"/>
ko'3o3=ndo4 lu3te'4ni4 ku3nu3 yu1ma'4na1, ku3nu3 yu1ma'4na1 nda1 ku4ni2 ku1sun(1)=e4 i4nde4e(4)=o4 ñu3u42
<Sync time="221.017"/>
ka'3mi3 tu3=ndo4 ku3nu3 yu1ma'4na1 nu14u3=ndo4, i3kan4 ta13ba4 tu3ku3=na(2)=e2 ka'4an2=na1 nda4tu'4un4=na2 tan3
<Sync time="225.724"/>
ta4ta2, xi'3na3=ni42 yu3ba4 yo4o4 *padre eterno** na4 ko3o3=ra(2)=e2 ka'4nu3 i3ni2 ji'4in4 *madre santísima**
<Sync time="232.072"/>
ko3o3=na(2)=e2 ka'4nu3 i3ni2=yu1, na1 ni1-chi3na'14a1
<Comment desc="Por ahora se considera como error de pronunciación por ni1-chi3na'3a2."/>
 chi13tu4ni1 na4 ko3o3=na(2)=e2 ka'4nu3 i3ni2, tan3 ku4u4 bi4chi4 ku3mi3i4=ndo4 ya1 ka'4nu3 i3ni2
<Sync time="236.94"/>
tu1ni4ni2 ya1 ni1-ndo3ko3o4=ndu2 ji'4in4=ndo4 ki1bi4 ni1-ki3xi3=ndu2 ki1bi4 i3ku3 i3ku3 ñu3u2
<Sync time="240.184"/>
ya1 kan4 ba1xi3 tu3ku3=ndu2 nda13-ndi3ko4=ndu2 ba1xi3=ndu2 ku4ni2 ku3ni3=ndu2,
<Sync time="242.953"/>
sa1a3 ka4a4 ya1 ku4u4 ya1 nda13-ka3ni3ni2=ndo4 ya1 ku4u4 ya1 ni1-nda3tu'4un4=ndo4
<Sync time="245.98"/>
kwi14i3 ka'1an1 tu3ku3=ndu2 ji'4in4=ndo4 bi3tin3, a1chi1 ndi4 sa3kan4 ndi4 ni14-kwi3i3, ni1-ndo1o3=ndu2 tan3 ni14-kwi3i3 nda3-ka3ni3ni2 bi4=ndu2 a1chi1 ndi4 ji14ni2=ndu1 na4 ya1 ndi3xa3 ba42 ku4u4=ndo4
<Sync time="254.433"/>
ji14ni2[=yu1] na4 ña1 be'3e3 yu'1u1 ba1xi3 bi4=ndo4 a1chi1 ndi4 i4yo2=ni42 be'3e3 mi4i4 i4ndu'3u4=2
<Sync time="258.897"/>
ba3 ni1-ya'1a3=ndo4 kwa'1an1=ndo4 i3nga2 xi4ña4 ba3 tan3 ni14-chi3ka2 so'1o3 ba'1a3=ndo4 ni1-ki3xa2a2=ndo4 be'3e3 yu'1u1 ba3
<Sync time="262.398"/>
ka4chi2 ka'4an4 yu'1u1, ya1 kan4 ndi4 ni14-kwi3i3 ka'1an(1)=e1 ji'4in4 se'1e3=2, ni14-kwi3i3 nda3tu'4un(4)=2 ji'4in4 ña4 si'4i2=yu1 ndi4 sa3kan4 ka4a4 ba3, ya1 kan4 ndi4
<Sync time="267.859"/>
kwi14i3, ko14o(3)=a2 kwi4i4 nda3tu'4un4 bi4=2 ji'4in4=ndo4 ta1nda1 bi3tin3 bi4 ba42 ni1-ji3ni2[=yu1] ndi4 ya1 ndi3xa3 ba42 ku4u4=ndo4 ndi4 ja1 ya1 u1bi1 ba42 ba1xi3=2 tan3, ba1xi3=ndo4 bi3tin3 tan3 ji13ni2[=yu1] ndi4 be'3e(3)=2 ni1-ki3xa2a2=ndo4
<Sync time="274.374"/>
nda13-ndi3ko4=ndo4 ki13xa2a2 tu3ku3=ndo4 be'3e(3)=2, yo'4o4 ku4u(4)=a2 ni1-ki'3in(3)=2 *cuenta** ji'4in(4)=a2 ndi4 ya1 ndi3xa3 ba42 ku4u4=ndo4
<Sync time="277.897"/>
kwa'1an1=ndo4 tan3 ba1xi3 tu3ku3=ndo4
<Sync time="279.81"/>
tan3 sa3kan4 ba42 ndi4 nda3tu'4un(4)=e4 na4, na3ni2 na4 ndo1o3=2 na4 nda3tu'4un(4)=2 ji'4in4 kum3pa4ri2=yu1
<Sync time="282.979"/>
na4 nda3..., na4 nda3ka1tu'4un(4)=2 se'1e3=2, na4tu2 ka3chi2=an4 ku3ndu'4u(4)=an4 ji'4in4 se'1e3=ndo4 sa3kan4 ndi4
<Sync time="286.743"/>
sa3kan4 ndi4 ku'1un1 nda3tu'4un(4)=2 ji'4in4 kum3pa4ri2=yu1, tan3 ni1-ka3chi2 kum3pa4ri2=yu1 ndi4 kwi3i3
<Sync time="290.725"/>
sa3kan4 ba42 ndi4 nda1 ba1xi3 tu3ku3=ndo4 sa3kan4 ku3ni3=ndo4
<Sync time="293.282"/>
ni1-ka3chi2 ta1 ji'4in4 be'3e3, an4 ba'1a3 ta4ta2 ba'1a3 na4tu2 sa3kan4 ka'4an2=ndo4 tan3
<Sync time="297.773"/>
ki3xi3 ndo1o3=ndo4 ji'4in4 yu3ba(4)=e4 ndio4si2 ndi4 xa1 ku4ni2 ku'1un1 tu3ku3 ndu'1u1 ba3, na4 kwa'1an1=ndu1 sa3kan4 ndi4
<Sync time="301.453"/>
ku3ni2=ndu1 sa1a3 ka4a4 ya1 ku4u4 ya1 nda3-ka3ni3ni2 ji1ni4 ndo'4o1 na1 ku4u4 se'1e3 ndio4si2 ni1-ndo1o3=ndo4
<Sync time="305.697"/>
i3kan4 ndi13-ki'3in3=na2 kwa'1an1=na1
<Sync time="307.787"/>
ni1-ki3xa2a2 tu3ku3=na2, nda13-ji1nu3 u1na1 ki1bi4 tan3 ni1-ki3xa2a2 ni3 tu3ku3=na3, tan3 ka4chi2=na1 ndi4
<Sync time="311.548"/>
yu3ba(4)=e4 ndio4si2 na4 ko3o3=ra(2)=e2 ka'4nu3 i3ni2 ta4ta2, na4 ko3o3=ni42 yu3ba(4)=e4 ndio4si2 ka'4nu3 i3ni2, [...]
<Sync time="319.928"/>
*padre, padre eterno** ta1 kan4 ku4u4 ta1 ni1-ndo3ko3o4 ya1 yu14bi4 ndi4 sa3kan4 ko3o3 sa3kan4 xi1nu3 yo4o4
<Sync time="324.816"/>
xi1i4 is1tan4 yo4o4 ni1-ki3xi3 ji'4in(4)=a2 tan3 ni3 kwi14i3 ndo3ko3o(4)=e4 ya1 ko3o(3)=a2 sa3kan4 a1chi1 ndi4
<Sync time="328.272"/>
i4yo2=e4 ji'4in4 se'1e(3)=o4 tan3 ko14nde3e4 i3ni2=o4 ndo1o3=a2 ko3o(3)=a2 sa3kan4 a1chi1 ndi4, ya1kan3, ya1 ku4ni(2)=a2 ku4ma1ni4=a2 ji'4in4 ku4u(4)=a3,
<Sync time="333.364"/>
ya1 kan4 ndu4xa24 ndi4 nda3-ndu3ku(4)=e4 sa1a3 ti4 ko3o3 ji'4in(4)=a2 tan3 ndu3na'3a2 tu4ni1 ku3ndu'4u4=a3,
<Sync time="336.481"/>
tan3 ni1-ka3chi2 ba3 se'1e3=ndu2 ndi4 se'1e3=ndo4 ku4ni2=ra1 ku3ndu'4u4 ji'4in4=ra2 tan3 su3u3 tan3 su3u(3)=an4 ka'4an2=ra1 xa'1a4 ba3 tan3 ya1 kan4 [...] bi3tin3 ji4nu13 u1ni1 ba1xi3=ndu3,
<Sync time="342.261"/>
su14u3 ña1 ku4u4 mi3i4=ndu2 ba42 su14u3 ña1, ña1 ku4-ki'4bi3=ndu2 ba42 na1 sa4-nda'3bi2 ndo'4o1 ku4u4=ndu2 i4xa3 ki'4bi3=ndu2 ndo'4o1 mi4i4 nde4e4=ndo4 ndi4
<Sync time="346.816"/>
se'1e3=ndu2 ni1-ka'1an1 ji'4in4=ndu2 ya1 kan4 ba42 ndi4 ni'4i4=ndu2 tu1ni4ni2 ji'4in(4)=a2 tan3 ba1xi3=ndu2 ku4ni2=ndu1
<Sync time="351.929"/>
ku3ni3=ndu2 sa1a3 ka4a4 tu1ni4ni2 ya1 ndo13ko3o4=ndu2 ji'4in(4)=un4 ta4ta2
<Sync time="354.74"/>
an4 sa3kan4 ba3 ta4ta2 an4 sa3kan4 ba3 *señor** ndi4 bi3tin3 ndi4, ni1-nda3ka1tu'4un4 ba(3)=2 se'1e3=2
<Sync time="359.649"/>
tan3 yo3o3 tu1ni4ni2 ba42 xi4ka3=ndo4, tu1ni4ni2 na1 yo'4o4 ba43, an3, ba'1a3 na4tu2 sa3kan4
<Sync time="363.397"/>
na4tu2 na4 sa3kan4 ndi4, ya1kan3, ni1-nda3ka1tu'4un4 ba(3)=2 se'1e3=2 tan3 ni1-ka3chi2 ba(3)=en4 ndi4
<Sync time="368.827"/>
ko14o(3)=a2 kwi4i4 ka'1an1 bi(4)=an4 ndi4 su14u3 ña4 ka1a3 ban4 ji4ni2 ndi4 ndu'1u1 ku4u4 na1 ji4ni2
<Sync time="372.24"/>
su14u3 ña4 ka1a3 ban4 i4xa3 ma1ni4 xu4mi4 ndi4 ndu'1u1 ku4u4 na1 i4xa3 ma1ni4=ndu2=ña4 ya1 ka'1an1=ndu1 ya1 kan4 ko3ndo3 na4, ni1-ka3chi2=an4 so'3o3 ba3
<Sync time="376.696"/>
ya1 kan4 ni1-ke3e(3)=2 ni1-ja'1an1 ka'1an(1)=e1 ji'4in4 kum3pa4ri2=yu1
<Sync time="379.232"/>
tan3 kum3pa4ri2[=yu1] ku4u4 ta1 ni1-ka'1an1=ra1 ndi4 a1su3 ni3 sa3kan4 ni1-ka'1an1 tu3 ta1 kan4 ba3 ndi4 na4tu2 na4,
<Sync time="383.299"/>
tu'1un(3)=an4 ba42 tan3 ta3nda'3a(4)=en4 na4tu2 na4 su14u3 tu'1un(3)=an4 ba42 tan3 kwi14i3 a3sa(3)=e4=e2 ndu4xa24 ji'4in4=na2 na4tu2 na4 ku14ni2=na1 ta3nda'3a4=na2 ndi4
<Sync time="388.058"/>
kwi14i3 a3sa(3)=e4=e2 ndu4xa24 ji'4in4=na2 ni1-ka3chi2 kum3pa4ri2=yu1
<Sync time="389.977"/>
Tan3 ya1 kan4 ba42 ndi4 ni1-ka3chi2 so'3o3 ji'4in4 kum3pa4ri2[=yu1] ndi4 yo'4o4 ki3xi3=na2 bi3tin3 yo'4o4, o4ra2 ku'1un1 tu3ku3=na2 sa3kan4 ka'1an(1)=e1 ji'4in4=na2 ndi4 ki3xi3=na2 yo'4o4 nu14u(3)=un4 sa3kan4 ndi4 ka'1an(1)=on4 ji'4in4=na2,
<Sync time="396.816"/>
ni1-ka3chi2[=yu1] so'3o3 ji'4in4 kum3pa4ri2 ya1 kan4 ba42 ndi4 bi3tin3 ndi4 ya1 u1ni1 ba42 ba1xi3=ndo4 nu14u(3)=2 tan3 i3kan4 [...] bi3tin3 tu3 ndi4 ja1 nu14u3 kum3pa4ri2[=yu1] ku'1un1=ndo4
<Sync time="402.302"/>
ku'1un1=ndo4 ka'1an1=ndo4 ji'4in4=ra3,
<Sync time="404.34"/>
tan42 ba1xi3=ndo4 nu14u(3)=2 sa3kan4 ku'1un1=ndo4 nu14u3 kum3pa4ri2[=yu1] a1chi1 ndi4 ta1 i4yo2 ku4u4=ra2 ji'4in4 se'1e3=2 tan3 ni1-i3xa3=ra(2)=e2 ma1ni4 ji'4in(4)=2 i3ku3 i3ku3ñu2u2 ni1-ka'1an(1)=e1 ji'4in4=ra2 tan3
<Sync time="409.843"/>
bi3tin3 ndi4 nu14u3 ta1 kan4 ku'1un1=ndo4 bi3tin3
<Sync time="411.686"/>
ni1-ka3chi2 ta1 ji'4in4 be'3e3 so'3o3, an4 ba'1a3 ta4ta2 ba'1a3 na4tu2 na4 sa3kan4 *señor** ba'1a3 na4 sa3kan4
<Sync time="416.563"/>
na4tu2 sa3kan4 ka'4an2=ndo4 ndi4, ka'4nu3=ni42 ku4ni2 yu3ba(4)=e4 ndio4si2 ka'4nu3=ni42 ku4ni2 si'3i(4)=o4 *santísima virgen María** ndi4 sa3kan4 ni1-ka'1an1=ndo4
<Sync time="422.781"/>
sa3kan4 ni1-nda3tu'4un4=ndo4 tan3 bi3tin3 ndi4
<Sync time="424.83"/>
ki3xi3 ndo1o3=ndo4 ji'4in4 yu3ba(4)=e4 ndio4si2 tan3 ndi4 ku'1un1=ndu1 tan3 sa3kan4 ndi4 ku'1un1 tu3ku3=ndu2 nu14u3 se'1e3 ndio4si2 kan4 na4tu2 na4
<Sync time="429.096"/>
na4tu2 na4 na1 kan4 ku4u4=na2 ku3ni3 ku4ni2=ndo4 tin3
<Sync time="430.996"/>
i4yo2, ku'1un1=ndo4 a1chi1 ndi4 i4yo2 yu3ba4 ñu'4u(4)=an4, ta1 su14-ku3chi3, i4yo2 yu3ba4 ñu'4u(4)=an4 ta1 ni1-sa4-ndu3-ku3chi3 ya3a3 ta1 ni1-sa4-ndu3-ku3chi3 u1bi1 ndi4 i4yo2=ni42=na1
<Sync time="436.624"/>
ya1 kan4 ndi4 i3kan4 ke3e3=ndo4 tan3 ku'1un1=ndo4 nu14u3 na1 kan4
<Sync time="438.751"/>
ni1-ka3chi2 ta1 ji'4in4 si1si'4i2 tan3 i3kan4 ni1-ki'3in3=na2 kwa'1an1 ba3=na3,
<Sync time="442.03"/>
i3kan4 ni1-ki'3in3=na2 kwa'1an1 tu3=na2 tin3, i3kan4 tin3 ni1-nda3tu'4un4 i3in3=na2 nda1, nda13ndo3o3 i3in3=na2 i3kan4 ni1-ki3xa2a2,
<Sync time="447.539"/>
ni1-ki3xa2a2 ta1, ta1 ji'4in4, ta1 ji'4in4 se'1e3 ñu'4u4 nda13-kwi3in3=na2 tan3 sa3kan4 ni1-nda1..., nda3ka1tu'4un4=na2 ña4 lu3u3, ndi4 tu'1un(3)=an4 ba43,
<Sync time="453.482"/>
tan3 nda13ka1tu'4un4 tu3=na2, ni1-xa'1an1 ta1 lu3u3 ni1-xa'1an1, ni1-ka3na3=na2 ta1 lu3u3 ni1-ka3na3=na2=ra1 ni1-ka3na3=na2 ja'1an1=ra1 tan3 nda13ka1tu'4un4=na2=ra1
<Sync time="458.948"/>
an4 tu'1un3=ra2 ba42 ku3ndu'4u4=ra2 ji'4in(4)=an4, tu'1un3=2 ku4u(4)=a2 ni1-ka'1an(1)=e1 xa'1a4 si1si'4i2 na1 ta4u3ni2 ka1a3
<Sync time="463.341"/>
an4 ba'1a3 ba3
<Sync time="464.347"/>
tan3, tan3 tu'1un3 yo'4o1 ba42 ku3ndu'4u(4)=un4 ji'4in4 ta1 lu3u3 ka1a3 yo'4o1 ña4 lu3bi3 an4 ni1-nda3ka1tu'4un4 yu3ba(4)=on4 si'3i(4)=un4 yo'4o1
<Sync time="468.270"/>
tu'1un3=2 ku4u4 ba(3)=e2 ta4ta2 tu'1un3=2 ku4u4 ba(3)=e2,
<Sync time="469.616"/>
i3kan4 ni1-ki'3in3=na2 tu'1un3 yu'3u4 na1kwa4chi3, nde3nu'3u3 mi3i4 na1 ta4u3ni2 i3kan4 ni1-ki3xi3 ndo1o3=na3, ni1-ki3xi3 ndo1o3=na2 ndi4 bi3tin3 ndi4
<Sync time="476.029"/>
tan3 bi3tin3 ndi4, ya1kan3, ba'1a3 ndi4 ni1-ki3xi3 ndo1o(3)=e4
<Sync time="478.681"/>
ka'4nu3=ni42 ku4ni2 yu3ba(4)=e4 ndio4si2 ka'4nu3=ni42 ku4ni2 si'3i(4)=o4 ndi4 ni1-..., ni1-xi1nu1 i3ni2=an4 lu3u3 ndi4 ni1-ka3chi2=an4 ndi4 nda13-kwi3in(3)=an4 ndi4 ku3ndu'4u(4)=an4 ji'4in4 se'1e3=ndu3, ka'4nu3 ku4-si1i4 i3ni2=ndu1 ta4ta2 ka'4nu3 ku4-si1i4 i3ni2=ndu1 *señor**
<Sync time="486.424"/>
nda3-ndi3ko4=ndu2 kwa'1an1=ndu1 ndi4 nda1 ku4-si1i4 yu'3u4 ku4-si1i4 i3ni2 nda3-ndi3ko4=ndu2 ku1nu'1u4=ndu2 a1chi1 ndi4 ba'1a3 ni1-..., ku4ni2=ndu1 ndi4 ni1-nda3-kwi3in(3)=an4 lu3u3
<Sync time="492.465"/>
chi3-nde3e(4)=an4 ndu'1u1 ji'4in(4)=a2 ku4u4 ya1 ni4ni2=ndu1 xi4ka3=ndu2 tan3 ku3ndu'4u(4)=an4 ji'4in4 se'1e3=ndu3,
<Sync time="495.682"/>
tan3 bi3tin3 ndi4, ya1kan3, yo'4o4 ki3xi3 ndo1o(3)=e4 ji'4in4 tu1ni4ni2 yo'4o4 ndi4
<Sync time="499.825"/>
ba'1a3 ndi4 ja1 ni1-ju3-na3ni2 ji'4in4 tu1ni4ni2 yo'4o4 tan3 bi3tin3 ndi4
<Sync time="502.936"/>
ki3xi3 ndo1o3=ndo4 ji'4in4 yu3ba(4)=e4 ndio4si2 tan3 ndi4 nda3tu'4un4=ndo4 ji'4in4 na1 ta4ku3ni2, na1 ja1nde1e4 na1 ja1nde1e4 nu14u3=ndo4 nda3tu'4un4=ndo4 ji'4in4
<Sync time="509.208"/>
i3kan4 ba42 ko3o3 ya1 ka4chi2=na1 ya1 ku4u4 ya1, ya1 ka3ndi3ko1o3 i4chi(1)=a1
<Sync time="512.999"/>
ya1 ka4a4 yu4yu4 ka4a4 se'14e2, ndi4 ko14o3 na1 ku3ni3 kwa'1a4 ndi4 tan42 na1 ta4ku3ni2 ku4u4 na1 ku3ni3
<Sync time="517.254"/>
tan3 sa3kan4 ba42 ndi4 ki3xi3=ndu2 ki1bi4 yo'4o4 ki3xi3=ndu2 nda3-ki'3in3=ndu2 *cuenta** tan3 sa3kan4 ndi4
<Sync time="520.969"/>
ki3xi3=ndu2 tan3 sa3kan4 ndi4 ko3o(3)=a2 ka3ndi3ko1o3 i4chi(1)=a1, *fecha** yo'4o4 ko3ndo(3)=a2 ka3ndi3ko1o3 i4chi(1)=a1
<Sync time="524.23"/>
sa3kan4 ndi4 ki3xi3=ndu2 sa3kan4 ndi4 nda3ka1tu'4un4, nda3-ta3ka2=ndo4 na1 ta4ku3ni2 nde3nu'3u3, nde3nu'3u3 na1 ta4ku3ni2 na1 ta4ku3ni2 ti4
<Sync time="529.314"/>
ta1nda1 tu3ku3 sa3kan4 ko3ndo(3)=a2 ya1, ya1 ku3ni3 kwa4chi3 na'4nu3
<Sync time="532.718"/>
tan3 ndi4 ya1 bi3tin3 ndi4, ya1kan3, ya1, ya1 ka3ndi3ko1o3 i4chi1 ko3ndo(3)=a2, ya1 kan4 ndi4 tan42 mi3i4 na1 ta4u3ni2 na1 ta4u3ni2 nda3tu'4un4=ndo4 ji'4in4
<Sync time="538.359"/>
ni1-ka3chi2=na1 so'3o3
<Sync time="539.681"/>
i3kan4 tan3 ni1-ka3chi2 tu3ku3 na1 ji'4in4, tan3 na1 ji'4in4 si1si'4i2 so'3o3 ni1-nda3ka1tu'4un4=na2=na1 na1 kan4 ndi4 tan3 sa1a3 ko3o3 ja4i3ni2=ndo4
<Sync time="545.496"/>
an4 i3in3 nu14u3 ka3ndi3ko1o3 i4chi(1)=a1 tan3, tan3 nda1 bi3ko4 ko3o3 an4 ko14o3 sa1a3 ja4i3ni2=ndo4, u'4un3 ndi4 ku4-si1i4 i3ni2=ndu1 ndi4 i3nda14 ku4u4 se'1e3=ndu3,
<Sync time="551.343"/>
i3nda14=ra2 sa3kan4, ya1kan3, ndi4 ku4-si1i4 i3ni2=ndu1 ndi4, ya1kan3, ko3o(3)=a2 ka3ndi3ko1o3 i4chi(1)=a1 tan3 ko3o(3)=a2 sa1a4 ta1kwi42, ya1 kwa'1a4
<Sync time="556.304"/>
ya1 ndu3-ku3ni3 be'3e3 chi4ñu3, ndu3-ku3ni3 kwa4chi3 na'4nu3
<Sync time="559.387"/>
tan3 bi3tin3 sa1a3 tan42 na1, ya1 yu4yu4 ka4se'14e2 ba42 bi3tin3 ndi4, ya1kan3, na1 ba4li4, na1 kwa4chi3, na1 ta4u3ni2 na1 ta4u3ni2 ku4u4 na1 ku3ni3 bi3tin3
<Sync time="564.322"/>
a..., ni1-ka3chi2=na1 so'3o3, an3 ba'1a3 na4tu2 sa3kan4, na4tu2 sa3kan4 ndi4
<Sync time="567.754"/>
yo'4o4 ki3xi3 ndo1o3=ndu2 sa3kan4 ndi4 ka'1an1 ta'3an2=ndu1 ji'4in4 u1bi1=na1 na4tu2 na4 sa3kan4 a1chi1 i4yo2 ta'3an2 na1 ta4u3ni2 nu14u3 ba3=ndu3,
<Sync time="571.97"/>
i3kan4 ndi4 ni1-ndo1o3 ba3=na3, ni1-ndo1o3=na2 nda13tu'4un4=na2 tin3, ja14-ta3ka2=na1 i3in3 u1bi1 na1 ta4u3ni2 ni1-ka'1an1=na1 ji'4in4
<Sync time="577.64"/>
kwa'1an1=na1 tan3 ni1-ki3xa2a2 tu3ku3=na2 nda13-ji1nu3 *fecha** ya1 ni1-ka'1an1=na1 ndi4
<Sync time="581.628"/>
ko3o3 ya1 ka3ndi3ko1o3 i4chi(1)=a1, i3kan4 ni1-ki3xa2a2=na1 sa3kan4 nda13tu'4un4=na2 ndi4 ya1 kan4, ka4chi2=na1 ndi4 ya1 kan4
<Sync time="586.62"/>
ni1-ki3xa2a2=na1 nda13-ki'3in3=na2 *cuenta** sa1a3 ko4ndo3 na1 kan4, so'3o3 ku4u4=na2, ko14o3 na1 kwa'1a4 ndi4 na1 yo'4o4 na1 yo'4o4 ku4u4=na2, an4 ba'1a3 na4tu2 sa3kan4
<Sync time="592.745"/>
ki1bi4 yo'4o4 ki3xi3=ndu3, ko3o3 ya1 nda3tu'4un(4)=e4 ka3ndi3ko1o3 i4chi(1)=a1, tan3 nda3ka1tu'4un4 na1 ta4ku3ni2, ni1-ka'1an1 ba(3)=e4 ji'4in4 na1kwa4chi3 ndi4 tan42 mi3i4 ba(3)=e4 ni1-ka'1an(1)=e4 ji'4in4=na2 tan3
<Sync time="599.584"/>
tan3 o4ra2 sa3kan4 ba42 nda3ka1tu'4un4=na2 tan42 ku4u4 na1 ta4u3ni2 nda3ka1tu'4un4=na2 na1kwa4chi3 tan3 sa3kan4 ku3ni2=o4 na4 tan42 ni1-ka'1an1=na1 ji'4in4 yo4o4 ka'1an1 tu3=na2 ji'4in4 na1 kan4 tan3 ya1 ba'1a3 ku4u4 ba(3)=e3,
<Sync time="606.009"/>
i3kan4 ke4ta'4an4 tu'1un3 tan3 kwa'1an1 ba(3)=e3, ni1-ka3chi2, ni1-ka3chi2 ta1, na1, na1 xi4kan1, ni1-ka3chi2 ta1 ko4ndo3 ta1 xi4kan1
<Sync time="611.863"/>
i3kan4 ndi4, i3kan4 ndi4 o4ra2 ni1-ja'1an1=na1 tan3 ni1-..., ni1-..., sa3ta4=na2 ña'1a3
<Sync time="619.044"/>
ja13ta4=na2 *pan** ni1-sa3ta4=na2, ni1-ndi3ko3=na2 chi3ko4la2 ndi13ko3=na2 tan3 sa3kan4 ndi4 ni1-tu1u3 na3ni2 ndi'3i3 ña'1a3 ya1 ku4u4 ña1 i4yo2
<Sync time="624.235"/>
ni1-ka3chi2 ta1 xi4kan1 so'3o3 ji'4in4=na2, ta1 ji'4in4, ta1 ji'4in4 se'1e3 ta1a3 ndi4
<Sync time="627.31"/>
ya1kan3, sa3ta4=ndo4 ya1 yo'4o4, ya1 yo'4o4 ya1 yo'4o4 ya1 yo'4o4 ndi4 yo'4o4 ki'1bi3=a2 yo'4o4 ki'1bi3=a2 yo'4o4 ki'1bi(3)=a3,
<Sync time="631.455"/>
nda'3a4 ta1 ji'4in4 si1si'4i2 ta1, ña4 ji'4in4 si1si'4i2 ta1 ji'4in4 se1ñu'4u4 ta1, ña4 ji'4in4 se1ñu'4u4
<Sync time="635.766"/>
na1 ko4ndo3 xi1i(4)=an4 na1 ko4ndo3 is1tan(4)=en4 na1 ko4ndo3 na1 ja1nde1e4 nu14u3=na2 ndi4 ya1 yo'4o4 ko3ndo(3)=a2 ki'1bi3 nda'3a4=na3
<Sync time="640.36"/>
so'3o3 ko3o(3)=a2 so'3o3 ko3o(3)=a2 ki'1bi3 nda'3a4=na3,
<Sync time="641.898"/>
ja3ta4=ndo4 *vinu** ja3ta4=ndo4 *cigarru** ba'1a3 ja3ta4=ndo4 ki'1bi3 nda'3a4=na2 ndi4 na1 yo'4o4 ndi4 na1 ku4u4 na1, na1 ja1nde1e4 ku4u4=na2 ya1 kan4 ndi4 sa3kan4 ko3o3 na1 yo'4o4
<Sync time="647.382"/>
ni1-ka3chi2, tan3 i3kan4 kan4 ka1 ndi4 ko14o(3)=a2 sa3kan4 ka1 bi4 ndi4 nda143 xa3ku4 ba3 ko3o(3)=a2 [...]
<Sync time="652.103"/>
na1 ja1nde1e4 na1 ja1nde1e4 ndi4 nde3nu'3u3 na1 ja1nde1e4 ku4u4 ta'3an2 na1 ko3o3 bi3tin3 tan3 ya1 kan4 ba42 ko3o3 ba3 ya1 kan4 a3sa3=ndo4 ji'4in4=na3,
<Sync time="655.704"/>
ni1-ka3chi2 ta1 xi4kan1 so'3o3 ji'4in4 ta1 ji'4in4 se'1e3 ta1a3
<Sync time="658.277"/>
an3 ba'1a3 na4tu2 sa3kan4 ndi4 sa3kan4 ko3o3 ba3.
<Sync time="660.047"/>
Ya1 kan4 ni1-ta3xi3 na3ni2=na1, tan3 ni1-ta1nda3a2 ki1bi4 ka3ndi3ko1o3 i4chi(1)=a1 tan3 ni1-xa1a1 ni1-ka3ndi3ko1o3 i4chi(1)=a1. I3kan4 ka4chi2=na1 ndi4,
<Sync time="665.71"/>
i3kan4 ni1-xa1a1=na1 xi4ka3 nde'14e4=na2. "Xi4ka3 nde'14e4=ndu2 be'3e3=ndo4 ta4ta2, xi4ka3 nde'14e4=ndu2 be'3e3=ndo4".
<Sync time="669.818"/>
an3 ba'1a3 ta4ta2 ba'1a3 ya'1a3=ndo4 ya'1a3=ndo4 ko3o3=ndo4 yo'4o4 i4yo2
<Sync time="673.446"/>
ya1 *campo** mi4i4 ko3nde3e3=ndo4, ja143 ni1-ya'1a3=na2 jo13nde3e3=na3,
<Sync time="676.202"/>
i3kan4 ni1-..., ta13xi3 na3ni2=na1, ta13xi3 na3ni2=na1 ndi4 ya1 ki'1bi3 i4chi1 ba42 nda'3a4 na1 kan4 ya1 kan4 ndi4
<Sync time="682.326"/>
ta13an4=na2 *pan** ta13an4=na2 chi3ko4la2 ta13an4=na2 su4ka2 ta13an4=na2, ja1 i4yo2 na3ni(2)=a2 ja1 nde4ta3 na3ni2 ndi'3i(3)=a2 tan3 i3kan4 ndi4 ni1-ta1nda3a2 na1 sa3kan4 ndi4 nda3ka1tu'4un4=na3,
<Sync time="687.761"/>
ni1-nda1ka1tu'4un4=na2 ta1 lu3u3, an4 tu'1un3=ra2 ba42 ndi4, nda13ka1tu'4un4=na2 yu3ba4, na1 ta4u3ni2 ta'4an4 ña'3a4 kan4 ni1-nda3ka1tu'4un4=na2 ta1 lu3u3 ta4nda'3a4
<Sync time="696.219"/>
na4 tu'1un3=ra2 ba43, tu'1un3=2 ku4u4 ba(3)=e2 ta4ta2 tu'1un3=2 ku4u4 ba(3)=e2 ba14sa4 ni4-ka'1an1 yu3ba4 si'3i4=2 ji'4in(4)=2 ndi4
<Sync time="700.588"/>
tu'1un3=2 ku4u(4)=a2, tan3 ndi3xa3, ndi3xa3 ku4u(4)=un4 ko14o3=na2 ni4-ja4-nda'3bi2=na1 yo'4o1 ko14o3, i3in3 ta'4an4=ndu2 ko14o3 i3in3 ...,
<Sync time="705.604"/>
i3in3=na2 ni4-ke3ta3=na2 ja4-nda'3bi2=na1 yo'4o1 ndi4 ba'1a3 ta'4an4=ndu2 ku3ndu'4u(4)=a2 ji'4in(4)=un4, ba14sa3 ta4ta2 ba14sa3 ya1 ka4na3 i3ni2 mi3i4=2 ba42, ba'1a3 na4tu2 na4 sa3kan4
<Sync time="710.858"/>
su14u3 bi3tin3 ka'4an2=on4 sa3kan4 tan3 bi3tin3 tan3 i3ta2an2 tan3 i3sa42 tan3
<Sync time="713.304"/>
nda3sa3 ji14ni2=un4 ya1 ni1-ka'1an(1)=on4 ndi4 ku4u(4)=a2 ya1 ni1-xa1xa1 ku4u(4)=a2 nu14u(3)=un4 a1chi1 ndi4 ndu14ta'3an2 i3ni2=ndu1 sa3kan4 a1chi1 ndi4 ko14o(3)=a2 xa4xa4=ndu3,
<Sync time="717.871"/>
su14u3, su14u3 i3na2 ku4u(4)=a2 ndi4 na1 yu4bi24 ku4u(4)=a2 tan3 ba143 xa4xa4=ndu(2)=a2 ndi4 se'1e3=ndu2 ba43,
<Sync time="721.969"/>
tan3 ni1-ki3..., ndi3xa3, ndi3xa3 ku4u(4)=un4 ya1 ka4na3 i3ni2=un4 ni1-ka'1an(1)=on4 xa'1a4=e2 tan3 ya1 kan4 ku4u4 ña1 ba'1a3 ba3
<Sync time="725.618"/>
ña1 kan4 ku4u4 ña1 la3tun4 ku4-si1i4 i3ni2=o4 na4tu2 na4 sa3kan4 i4yo(2)=a2 tan3 na4tu2 na4
<Sync time="729.945"/>
tan3 ni1-ke3ta3 tu'1un3 i3ta2an2 i3sa42, bi3tin3 ka'4an2=on4 sa3kan4 tan3 i3ta2an2 tan3 i3sa42 tan3 ke3ta(3)=e2 yu'3u(4)=un4 ni1-ka'1an(1)=on4 ndi4
<Sync time="733.98"/>
ki'14in4 bi4=2=ña4 na4tu2 na4 ko14o3 xi3xi2=an4 na4 ko14o3 ta'4an(4)=en4 na4 ko14o3 ni4-xa3xa4=na2=ña4 nu14u(3)=2
<Sync time="737.457"/>
ta'4an(4)=en4 ku4u4=na2 ni1-xa3xa4=na2=ña4 ya1 kan4 ba42 ndi4 ni1-..., sa3kan4 ka4a4 ni1-ki'3in(3)=2=ña4 i4ndu'3u(4)=an4 ji'4in(4)=2
<Sync time="741.233"/>
ka3chi2=un4 so'3o3 i3ta2an2 i3sa42 ndi4 ya1 kan4 ku4u4 ña1 ba'14a4, sa3kan4 ndi4 ku3ni2=o4 sa1a3 ko3o3 ji'4in(4)=a2 kan4 ndi4
<Sync time="745.229"/>
i4yo2 mi4i4 nda3tu'4un4 tu(3)=e4 xa'1a4=e2 kan4 ba3 na4tu2 na4 sa3kan4 ku4ni2=un4 ka'1an(1)=on4 ndi4 ke3ta3 kwen4tu2 ni1-ka'1an(1)=on4 sa3kan4 ndi4
<Sync time="749.225"/>
i4yo2 mi4i4 nda3tu'4un4 tu(3)=e4 xa'1a4=e2 kan4 ba3 a1chi1 ndi4 ko14o3 na1 xa4xa4=e2 nu14u(3)=un4
<Sync time="752.16"/>
ni1-ka3chi2=na1 ta'4an4 na1 ta4ku3ni2 ta'4an4 ña'3a4 *nuvia**
<Sync time="755.699"/>
tan3 ya1 kan4 ba42 ndi4, ya1kan3, ni1-nda3-kwi3in3 tu3=na2 nda13ka1tu'4un4 tu3=na2 ña4 lu3u3 ba3
<Sync time="759.323"/>
tan3 yo'4o1 tin3 yo'4o1 ña4 lu3bi3, an4 ndi3xa3, ndi3xa3 ba42 ndi4 ni1-nda3ka1tu'4un4 yu3ba4 si'3i(4)=un4 yo'4o1, [híjole]
<Comment desc="provocado por rebuzno del burro"/>

<Sync time="765.638"/>
mm..., ni1-nda3ka1tu'4un4 yu3ba4 si'3i(4)=un4 yo'4o1 ndi4 ya1 kan4, tu'1un(3)=un4 ku4u(4)=a2 ku3ndu'4u(4)=un4 ji'4in4 ta1 lu3u3 ka1a3
<Sync time="771.586"/>
tu'1un3=2 ku4u4 ba(3)=e2 ta4ta2, tu'1un3=2 ku4u4 ba(3)=e2,
<Sync time="773.199"/>
sa1a3 chi4chi3 ni1-nda3ka1tu'4un4=na2 yo'4o1
<Sync time="774.785"/>
ku1mi4 chi4chi3 ni1-nda3ka1tu'4un4=na2 yu'1u1
<Sync time="776.181"/>
tan3 ndi3xa3, ndi3xa3 ku4u(4)=un4 ndi4, ya1kan3, ba14sa4 i4yo(2)=a2 nda3-ndi3ko4 i3ni2=un4 i3ta2an2 i3sa42 tan3 i3ta2an2, na4tu2 na4 ni1-xa'1a(3)=on4 yu'3u(4)=un4 ndi4 ku3ndu'4u(4)=un4 ji'4in4=ra3,
<Sync time="781.802"/>
ba14sa3 ndi4 tu'1un3=2 ku4u4 ba(3)=e2,
<Sync time="783.222"/>
ba'1a3 na4tu2 na4 ndi3xa3 ku4u(4)=a2 ya1 kan4 ku4u4 ña1 ba'1a3 ku4ni2 ba(3)=e3,
<Sync time="785.826"/>
ji13ni3 tu3 ndo'4o1 ba3 ndi4 tu'1un(3)=an4 lu3u3 ba42 ja1 i4yo2 ba'1a3 ji'4in(4)=a2 ndi4 ja1 ni1-ka3chi2=an4 ndi4 tu'1un(3)=an4 ba43
<Sync time="789.937"/>
i3nda14=e2 ndi4, ya1kan3, ku3mi3i4 ba'1a3=ndo4=a2 a1chi1 su14u3 i3ta2an2 tan3 i3sa42 tan3
<Sync time="793.731"/>
ka3tu4 ta1chi4 ka3tu4 ta1chi4, xi4ka3=ni42 ta1chi4 ba'14a4 xi4ka3=ni42 ni1-ka3tu4=a2 so'1o3=ndo4, tan42 i3in3 yo'4o1 ta1a3 ni1-ka3tu4 ta1chi4 ba'14a4 so'1o(3)=on4 i4yo2=ni4(2)=a2 ba3ta4 i4yo2=ni4(2)=a2 i1ni4 i4yo2=ni4(2)=a2 chi1tun3 tan3
<Sync time="800.782"/>
ke3ta3 i3in3 na1 yu4bi24 ka'1an1=na1 kwen4tu2 ba'14a4 ji'4in(4)=un4 ke3ta3 i3in3 na1 yu4bi24 sa4-nda'3bi2=na1 yo'4o1 tan3
<Sync time="804.326"/>
sa3ka4=na1 ji1ni(4)=un4 tan3 nda3-ndi3ko4 i3ni2=un4 sa4-ka'3an(3)=on4 yu3ba(4)=on4 si'3i(4)=un4 ndi4 ba'14a4 sa3kan4
<Sync time="808.235"/>
ni1-ka3chi2=na1 so'3o3 ji'4in4 ta1 ta4nda'3a4 kan4, ka14ka3 i3ni2=ndo4 ta4ta2 ka14ka3 i3ni2=ndo4 ndi4
<Sync time="811.68"/>
ko14o(3)=a2 kan4 i4yo2 ni1-ka3chi2 ta1, ta1 ta4nda'3a4 kan4 so'3o3 i3kan4 ni1-ka3chi2, sa3kan4 tu3 yo'4o1 ba3 ña4 lu3bi3
<Sync time="816.269"/>
su14u3 bi3tin3 tan3 i3ta2an2, bi3tin3 tan3 i3ta2an2 tan3 i3sa42, bi3tin3 ba42 ni1-ka'1an(1)=on4 tan3 nu4nu3 tan3 i3ta2an2 tan3 i3sa42 ndi4, ya1kan3, ka3chi2=un4 ndi4
<Sync time="821.954"/>
ni14-ku3-si1i4 i3ni2[=yu1] ku3ni2[=yu1] ta1 ka1a3 yu'1u1, yu3ba4=2 si'3i4=2 ku4u4=na2 ni1-i3xa3=na(2)=e2 ndu4xa24 ji'4in(4)=2 ya1 kan4 ndi4 ni1-ki'3in(3)=2=ra1
<Sync time="825.91"/>
tan3 yu'1u1 ndi4 ni14-ku3ni2[=yu1] ku3ni2[=yu1]=ra1 ka3chi2 tu3ku3 yo'4o1 ndi4 ja1 xi4to(3)=on4 ndi4 yo'4o4 nde4e4=ndu2 tan3 xa'4a13=ndu2 *cuenta** ndi4 tu'1un(3)=un4 ku4u(4)=a3,
<Sync time="831.491"/>
ni1-ka3chi2=un4 ndi4 ku3ndu'4u(4)=un4 ji'4in4=ra2 ya1 kan4 nda1..., nda13-kwi3in3 yu3ba4 si'3i(4)=un4 ndi4 ta3nda'3a(4)=on4
<Sync time="834.468"/>
ya1 kan4 ni1-ka'1an1 tu3 ndu'1u1 ba3 ndi4 ku4-si1i4 i3ni2=ndu1 ndi4 ba'1a3 ndi4 tu'1un(3)=un4 ku4u(4)=a3,
<Sync time="837.073"/>
tu'1un3 ta1 lu3u3 ba42 tu'1un3 yo'4o1 ba42 tu'1un3 ya1 kan4 ba42 ke4ta'4an4 tu1ni4ni2 ki'3in(3)=a2 i3chi4 ba'1a3 kwa'1an(1)=e1
<Sync time="840.863"/>
tan3 bi3tin3 ndi4 ja1 ni1-ji3ni3=ndo4 ndi4, tan3 bi3tin3 ndi4 nda14(3)=e2 yo'4o4 ku4u(4)=a2 ña1
<Sync time="843.924"/>
ña1 yo'4o4 tan3 ji13ni2=ndo4 sa1a3 i4yo2 tu1ni4ni2 ndi4 ji13ni2=ndo4 ndi4 tu'1un(3)=an4 lu3u3 ku4u(4)=a3, tan3 ndi4 yo'4o4 ki4xi3 ndo1o(3)=e4 ji'4in(4)=a2 yo'4o4 tan3 sa3kan4 ndi4
<Sync time="849.372"/>
ki1bi4 yo'4o4 *fecha** yo'4o4 ko3ndo3 tu3ku(3)=a2 ya1
<Sync time="853.324"/>
ya1 ka3ndi3ko1o3, ya1 xi1nu3 tu'1un3 ya1 sa1a4 ta1kwi42, ya1 ta4 kwa'1a4
<Sync time="858.862"/>
i3kan4 ku3ni3 na1 chi4ñu3, ku3ni3 na1 ta4u3ni2 i4yo2=na1
<Sync time="862.744"/>
ku3ni3 nda1 kwa4chi3 na'4nu3 na1 ko4ndo3 ta'4an(4)=en4 ndi4 tan42 i4yo2=na1 ndi4 na1 ko3o3 ku4u4=na2 sa3kan4
<Sync time="866.266"/>
kwa'1a3=na2 *cuenta** ji'4in(4)=a2 ndi4 ta4nda'3a4 ta'4an4=na3,
<Sync time="868.232"/>
ya1 kan4 ba42 ndi4 sa3kan4 ba42 ko3o3 ji'4in(4)=a2 tan3 yo'4o4 ndi4
<Sync time="871.357"/>
ja1 ji13ni(3)=o4 ndi4, ya1kan3, tu'1un(3)=an4 lu3u3 ba42 tan3 ja1 ba'1a3 sa3kan4 ba3, ni1-ka3chi2=na1 so'3o3
<Sync time="874.994"/>
i3kan4 ba42 ndi4 ni1-...,
<Sync time="876.479"/>
xa143 ni1-sa3ña4 ba3=na(2)=e2 ja143 ni1-xi3ta3 i'3nu3=na2 ja143 jo13nde3e3 na3ni2 ndi'3i3 na1 si'4i2 na1 ta1a3 ku4u4=na2 jo13nde3e3 na3ni2 ndi'3i3=na2 tan3
<Sync time="881.372"/>
i3kan4 ja143 kwa'1an1 ndi'3i3 *pan** ni1-ki'1bi3 i4chi1 ni1-ki'1bi3 i4chi1 ndi'3i3 *pan** tan3 ja143 ba1xi3 *cartón** *cerveza** ba1xi3
<Sync time="885.508"/>
xi'4i4 ba3=na2 ja143, ja143 xi4ni13 ba3=na2, i3kan4 ni1-ta1ni1 ba3=na2 tin3, ta1nda3a2 tiem4pu2 ta3nda'3a4=na2 tin3
<Sync time="890.317"/>
i..., *ahí nomá, ya no**.
<Sync time="894.204"/>
Marcelina Encarnación Gertrudi. *Cincuenta y ocho años**. Yoloxóchitl.
</Turn>
</Section>
</Episode>
</Trans>