Tryag File Manager

/home/cluster1/data/bu01/1121861/html/mixtec/zzTranscripciones-ACTIVE_2018-04-14_archivo-muertos/Transcriber_513/Tradiciones_03/Yolox_Tradi_RFM525-RCG500_La-ayuda-que-dan-jovenes-al-novio_2013-03-27-j_ed-2018-04-14.trs

<?xml version="1.0" encoding="ISO-8859-1"?>
<!DOCTYPE Trans SYSTEM "trans-14.dtd">
<Trans scribe="Rey_Project" audio_filename="Yolox_Tradi_RFM525-RCG500_La-ayuda-que-dan-jovenes-al-novio_2013-03-27-j" version="3" version_date="140202">
<Speakers>
<Speaker id="spk1" name="Raúl Felipe Margarito" check="no" dialect="native" accent="" scope="local"/>
<Speaker id="spk2" name="Rey Castillo García" check="no" dialect="native" accent="" scope="local"/>
</Speakers>
<Episode>
<Section type="report" startTime="0" endTime="981.403">
<Turn startTime="0" endTime="301.759" speaker="spk1">
<Sync time="0"/>
Ya1 nu14u3 nu14u3 na4 ta1 ta3nda'3a4 ku4u(4)=e4 ndi4, ya1 sa1a4 ta1kwi42 xa'1a4 yo4o4 ka4chi2=na1 ran4, sa1a4 ta1kwi42 xa'1a4 yo4o4 ndi4
<Sync time="9.775"/>
ndu4-ku3ni3 yu3ba4 si'3i4 ka4chi2=na1 ko4ndo3 ta1 chi4ñu3 kwa'1an1=ra1 ka'1an1=ra1 *conseju** ji'4in4=na2 ndi4 na1 ta3nda'3a4 ko3ndo3=na2 tan3
<Sync time="16.08"/>
i3kan4 ndi4 cha'3bi(3)=o4 xa'1a4 *pan** ran4, ta1xin1 chi3ko4la2 ku'1un1 ji'4in(4)=o4 ko'3o3=na2 ran4
<Sync time="22.95"/>
ka'1an(1)=e4 ji'4in4 na1 kwa4chi3 in3ka4chi1 ji'4in(4)=o4 chi3-nde3e4=ndo4 yu'1u1 kwi3ko4=ndo4 ña'1a3 ji'4in(4)=2 ndi4 bi3tin3 ndi4 ta1 sa1a4 ta1kwi42 xa'1a4 ku4u(4)=2 bi3tin3
<Sync time="28.842"/>
i3kan4 sa1a4 ta1kwi42 xa'1a4 yo4o4 ji'4in4 ña4 ku3ndu'4u4 ji'4in(4)=o4 tan3
<Sync time="33.134"/>
kwa'1an1 na1 be'3e3, na1kwa4chi3 ña1a4 be'3e3 na1 ko4ndo3 *familia** ña4 si'4i2=o4 tan3 sa3kan4 ndi4 ka'1an1=na1 ji'4in4 na1 kan4 na4 ta1nda3a2=na1 ndi4 nda3..., i4yo(2)=a2 nda3tu'4un4=na2 tan3
<Sync time="40.915"/>
i3kan4 ki3xa2a2 na1 be'3e3 chi4ñu3 i3kan4 ko3nde3e3=na2 nda3tu'4un4=na2 sa1a3 ko3o3 tan3
<Sync time="44.197"/>
i3kan4 ndi'3i3 nda3tu'4un4=na(2)=e2 kan4 tan3 i3kan4 i1xa43 ba1xi3 *café** ko'3o3=na2 na1 ja1, *familia** na1 ja1 i4yo2 tan3 na1 ko14o3 i4yo2 un4 nda4kwi1ko4 ndi'3i(3)=a2 kwa1nu'1u4=a2 be'3e3 na1 ña1a4
<Sync time="52.369"/>
ni1-ndi'3i3 ni1-sa1a4 ta1kwi42 ña1a4 tan3 ni1ki4tu3 ndi4, ta3yu2 ndi4 tun4 ta4tu2u2=e4 ku4u4=run4 tan42 a1chi1, tun4 ta13tu2u2=yu1 ku4u4=run4 ki1bi4 ni1-ta3nda'3a4=2
<Sync time="59.919"/>
tan42 be'3e3 tan42 be'3e3=na2 xi4ka(3)=e4 ka'4an2=e4 ji'4in4=na3, sa4-ta3tu2u2=ndo4 yu'1u1 ta3yu2 sa4-ta3tu2u2=ndo4 yu'1u1 yu3bi4
<Sync time="64.779"/>
tan3 ta4xi3=na2 ta3yu2 ta4xi3=na2 yu3bi4 nda'3a4 yo4o4 mi4i4 ko3nde3e3 na1 si'4i2, nu14u3 yu3bi4 jo4nde1e3 na1 si'4i2 ji1na'3a4 nu14u3 ñu'3u4
<Sync time="71.869"/>
tan3 ta3yu2 kan4 ko4ndo3 tun4 ko3nde3e3 ta1a3, tan3 ki14tu3 ndi4 tun4 nda3-kwi3ko4 ndi'3i(3)=o4 ko3ndo3 tun4 kan4 ku1nu'1u4=run4 be'3e3=run4
<Sync time="79.829"/>
ni1-ndi'3i(3)=a2 ña1a4 ni1-ji3ndo1o3=na2 nda4a2 a3ma3 ko3ndo(3)=a2 ya1 ta3nda'3a4 yo4o4 ko3to(3)=e4 *misa** ji'4in(4)=an4 si'4i2=o4 tan3
<Sync time="86.629"/>
ta1nda3a2 ya1 ki1bi4 kan4 tan3 nda1 tan42 i3sa42 an4 ko14o3 tan42 i3ta2an2 ko3ndo(3)=a2 ta3nda'3a4 yo4o4 tan3 ja143 xi4ka3 tu3ku(3)=e4 nu14u3 na1 kwa4chi3 [in3] ka4chi1 ji'4in(4)=o4
<Sync time="94.011"/>
a3sa3=ndo4=a2 ba'1a3 chi3-nde3e4=ndo4 yu'1u1 ka3ya2=ndo4 yu1ku1 ji'4in(4)=2 ndi4 ta1 ta3nda'3a4 ko3ndo(3)=2 bi3tin3
<Sync time="99.821"/>
i3ta2an2 ti4in(4)=2 tia'1ba4 ka3chi2=o4 ji'4in4=na2 tan3 i3kan4 ja143 ba'1a3 ba3 ndi4 xa1a1 ba3=ndu2, i3kan4 kwa'1an1=na1
<Sync time="106.071"/>
xa1a1=na1 nu14u(3)=e4 tan3 ki14tu3 so'3o3 tan3 kwa'1an1=na1 ja1 yo'3o4 ja1 yo'3o4=na2 *machiti**=na1 kwa'1an1=na1 xa14ku'1u1 ka'3nda2=na1 yu1ku1 tan3 sa3kan4 ndi4 ki3xa2a2=na1 ji'4in(4)=a2,
<Sync time="114.211"/>
na1 xu13xa3 ku4u4 na1 ta4nde3e3 yu1ku1 ji1ni4 tia'1ba4 tan3 na1 kwa4chi3 ndi4 kwa'1an1=na1 kwa'1an1 kwi1so3 ba3 na1 kan4=e2, tu3ku3 tu3ku3 i3chi4 xi4ka3=na2,
<Sync time="120.251"/>
ku3xi3=na2 a3sa(3)=e4 ko'3o3=na2 i3in3 ta1kwi42 bi1xi1 tan3 tu3ku3 kwa'1an1 ba3 na1 kan4 [...] nda1 mi4i4 xi1nu3 tia'1ba4 yo4o4
<Sync time="125.763"/>
ni1-ka3ya2=e4 tun4 si'1in1 ni1-ka3ya2=e4 i3tun4 ko3nde3e3 ji1ni4=a2 ka13ya2=e4 tun4 ka4so24 ka4chi2=o4 kan4 sa3kan4 ba42 ndi4 ki3xa3a4 yo4o4 ta3nda'3a4 yo4o4
<Sync time="133.293"/>
o4ra2 ni1-ta3nda'3a4 yo4o4 kan4 ni1-xi1nu3 tia'1ba4 yo4o4 nda4a2 ya1 *dos tres** tan3 i3kan4
<Sync time="139.703"/>
xi1nu3=a2 tan3 i3kan4 ka'1an(1)=e4 ji'4in4 na1 chi4-nde3e4 yo4o4 na1 kwa4chi3 kan4 ndi4 ko1to1 ku14nu'1u4=ndo4 ndi4 ta3yu2 i4yo2 ku'1un1=ndo4 ka3ya2=ndo4 ji'4in(4)=2
<Sync time="145.385"/>
ko1to1 ku14nu'1u4=ndo4 ndi4 i4yo2 kwa'1a4 chi3ñu3 a3sa(3)=e4 ndi4 ndu3xi4 i4yo2 ka'3ni4=2, ku3u2 xa'1a4=2 ndi4 ta1 ta4nda'3a4 ku4u(4)=2,
<Sync time="151.979"/>
i3kan4 ka'3ni4=na2 ndu3xi4 kan4 ji'4in(4)=o4 tu'3un3=na2=ri4 ku'1un1=na1 nda3ta4=na2=ri4 yu3bi2 tan3 ta3ba4=na2 si3ti2=ri4 a3sa3 ba'1a3=na2=ri4 tan3
<Sync time="159.889"/>
i3kan4 nda3-xa2a2=ri4 ji'4in4=na2 tan3 nda143 ba4a24 xa3ku4 ti4 ñu'3u4 tan3 i3kan4 ndi3-ki'3in3=na2 ku'1un1=na1 ka3ya2=na1 ta3yu2 ji'4in(4)=o4
<Sync time="167.359"/>
tia'1ba4 yo4o4 ndi4 ja1 ni1-xi1nu3 ba3 tia'1ba4 yo4o4 mi4i4 ku3ndu'4u(4)=e4 ji'4in(4)=an4 si'4i2=o4 o4ra2 ki3xa2a(2)=en4
<Sync time="172.169"/>
na1 ña1a4 ku4u4 na1 chi4-nde3e4=na2 yo4o4 tan3 sa3kan4 ndi4 ya'1a3 yo4o4 ji'4in(4)=a2 ndi4ni2=o4 ta3nda'3a4 yo4o4 tan3
<Sync time="177.313"/>
o4ra2 ni1-ndi'3i3 ta13nda'3a4 yo4o4 tan42 i3in3 tan42 i3in3 na1 ni1-xa'1an1 chi13-nde3e4=na2 yo4o4 ndi4 ku'1un1=na1 sa4-nda3-ka'3an4=na2 yo4o4 ndi4 bi3tin3 ndi4 a3sa(3)=on4=e2 ba'1a3 ji'4in(4)=2 ndi4 ni1-chi3-nde3e4=2 yo'4o1 ta13nda'3a(4)=on4 tan3 bi3tin3 ndi4 chi3-nde3e(4)=on4 yu'1u1 ndi4
<Sync time="185.775"/>
ta1 ta4nda'3a4 ku4u(4)=2, ya1 kan4 ku4u4 *costumbre** ni1-i3xa3 na1 yu3ba4 si'3i4=ndu2 na1 ko4ndo3 na1 xu13xa3=ni42 bi3tin3 ji'4in4=ndu3,
<Sync time="191.715"/>
yu'1u1 ndi4 ta1 ni1-ta3nda'3a4 ku4u4 yu'1u1 ta1 ni1-sa1a4 ta1kwi42 xa'1a4 ku4u4 yu'1u1 i13xa3 na1 yu3ba4=2, bi3tin3 ndi4 ya1 ta4nda'3a4 se'1e3=2 bi3tin3 ndi4
<Sync time="199.377"/>
ko14o3 ya1 kan4 ni4-i3xa(3)=2 ji'4in4=ra2 ndi4 nda143 sa3kan4 ti4 ta3nda'3a4=ra2 *misa** tan3
<Sync time="203.937"/>
ko14o3 na1 ku3xi3 ndu3xi4 ko14o3 ndi4 tia'1ba4 ndi4 ya1 ti3in(3)=2 ñu1u4 *coco** ba3 ndu3ku4 yu'1u1 kwa'3a(3)=e2 kan4
<Sync time="209.047"/>
tun4 si'1in1 ku4u4=run4 ni1-ka3ya2=ndu1 tun4 si'1in1 yo14so3 tun4 si'1in1 tia'1ba4 tun4 kwa'3a3 ka3ti4 ji1ni4 na1 ndi3ko3
<Sync time="216.257"/>
ya1 kan4 ba42 ya1 i4xa3=na2 ji'4in(4)=o4 na4tu2 ta1 ta4nda'3a4 ku4u(4)=e4 a1chi1 ndi4 ko14o3, ka4ni'1i3=na2, mi3i4=2 ndi4 ki1bi4 ni1-ta3nda'3a4=2 ndi4
<Sync time="222.849"/>
ko14o3 ti4 ko4ndo3 ji1ndi1ki4 ni4-ja'3ni4 yu3ba4=2 xa'1a4=2 ndi4 ta1 nda'4bi2 ku4u(4)=2 ka4chi2=ra1, ndi4 ki3ni2 ja'13ni4=ndu2 u1ni1=ri4 tan3 ta13nda'3a4 yu'1u1
<Sync time="229.559"/>
tan3 bi3tin3 ndi4 ni3na3 ji1ndi1ki4 ku4u4 ti4 ja'4ni24=na2 bi3tin3 ya1 sa3kan4 ko14o3, ko14o3 ka1 ndu3xi4 ja4chi4ñu3 ni3na3 ku3ñu2 xi4tun1 ba42 xi4xi3=na2 bi3tin3
<Sync time="237.149"/>
ya1 kan4 ndi4 ya1 kan4 ba42 ni1-i3xa3=na2 ki1bi4 ni1-ta3nda'3a4 yu'1u1, ta13nda'3a4 [ndi3] sa4ku4u4 ba3 na1 ja1nde1e4 tan42 mi3i4=2
<Sync time="242.601"/>
i4yo2=na1 ndi4 xu13xa3=ni42 ka1 ba3 che4e13 xi4yo13 bi3ko4 xa'1a4=na2 ya1 xa'1un1 ya1 o1ko1 u1xi1 *tucena** ndu3xi4 xa'4ni24=na2 tan3, tan3 sa3kan4 ndi4 ta3nda'3a4=na3,
<Sync time="250.511"/>
na1 ba143 kwa'1an1 ka4chi2=o4 kan4 na1 kan4 ku4u4=na2 nda4-kwi3ko4=ni4(2)=a2 be'3e3 na1 kan4, tan3 bi3tin3 ndi4 ko14o(3)=a2 nda4kwi1ko4 ka1 bi3tin3
<Sync time="255.783"/>
ni1-ndi'3i3 xa'1a4=e2 nda4kwi1ko4=a2 kan4 ni1-ndi'3i3 xa'1a4 ndu3xi4, ko14o3 na1 i4cha'4bi3=na2 na1 ti4bi2 a1chi1 bi3tin3 ndi4 na1 ju4-ya'4bi3 ku4u4 ndi'3i3=na2 ti4bi2 tin3
<Sync time="264.445"/>
ya1 ndi'4i4 xa'1a4 ku4u4 *costumbre** kan4, ni3 tia'1ba4 tan3 ko14o3 na1 ti4in4 ka1 tia'1ba4 tin3
<Sync time="268.965"/>
u1bi1=ra1 u1ni1=ra1 ni1-ke3ta3 ka'4an2 ji'4in(4)=2 bi3tin3 ndi4 na4 ti14in(3)=2 tia'1ba4 ndi4 i4yo2 *auditorio**
<Sync time="274.215"/>
ku14ni2[=yu1] ku'1un(1)=i1 *auditorio** kan4 na4chu3 ba42 ku14ni2[=yu1] ku'1un(1)=i1 kan4, *seisciento seteciento** i4cha'4bi3=na2 ti1xin3 *auditorio** kan4 ko3o3 bi3ko4 ta4nda'3a4
<Sync time="281.507"/>
tan3 i3nga(2)=e2 ndi4 ko14o3, ko14o3 *carru**=yu1 nda3-kwi3ko4=run4 ña'1a3 tan3 ku1nu'1u4=a2 xa1a1=ya1 *auditorio**, ba'1a3 ka1 nu14u3 ke'3e2=yu1 ndi4 ña1a4 ndi4
<Sync time="288.409"/>
nu4na4 ña1a4, na4 ni1-xi'3i3=na2 an4 ko14o3, ni1-ta3xi3 kwa'4a(4)=2 ta3yu2 tan3 nda13-tu2un(2)=i2 ñu'3u2 ndi4 ba'1a3 ndi4 nu14u3 ke'3e2=yu1 ba42 ko14o(3)=a2 i4yo2 nda3ñu'4u4
<Sync time="295.269"/>
tan3 ya1 kwa'1an(1)=e1 i3kan4 ndi4 nda4ñu'4u4 ña'1a3 kwa'1an(1)=e1 i3kan4, ya1 kan4 ba42 i13xa3=na2 ki1bi4 ta4nda'3a4=na2 a1chi1
</Turn>
<Turn speaker="spk2" startTime="301.759" endTime="305.849">
<Sync time="301.759"/>
Tan3 an4 a1su3 na1 chi4-nde3e4 ña1a4 nda4kwi1ko4 ña'1a3 kwa1nu'1u4=a2 be'3e3 na1 ba143 ni4-xa'1an1 bi3ko4.
</Turn>
<Turn speaker="spk1" startTime="305.849" endTime="326.418">
<Sync time="305.849"/>
A1be3, na1 kan4 ku4u4=na2, na1 chi4-nde3e4 yo4o4 na1 ko4ndo3 ta1a3 na1 kan4 ku4u4 na1 ka3ka3=na2 nda3-kwi3ko4 ndi'3i3=na(2)=e2 ku1nu'1u4=a2 mi4i4 ba42, i4yo2 *lista**=na1
<Sync time="312.049"/>
tan42 i3in3=na2 ka4na3 ki1bi4=na2, na1 yo'4o4 ndi4 ni14-ki3xi3 na1 yo'4o4, tan3 kwa1nu'1u4 tan3 kwa1nu'1u4=a3,
<Sync time="317.533"/>
kwa1nu'1u4 is1ta4 ta4nde3e3=na2 ja1ta4 ndu3xi4 kwa1nu'1u4 sa'3ma4 is1ta4 kwa1nu'1u4 ji'4in4=ri4 kwa'1an1 nda1ka3=na(2)=e2 be'3e3=na2, sa3kan4 i4xa3=na2 ji'4in4 bi3ko4 ta4nda'3a4.
</Turn>
<Turn speaker="spk2 spk1" startTime="326.418" endTime="335.068">
<Sync time="326.418"/>
<Who nb="1"/>
Tan3 na1 chi4-nde3e4 tin3 na1, nda1 mi4i4 ni1-ndi'3i3 bi3ko4 nda1 sa3kan4 sa4ña14=na3.
<Who nb="2"/>
Nda1 mi4i4 ndi'13i3 bi3ko4 sa3kan4 ku1nu'1u4 na1 kan4, na1 ki13xa2a2 chi4-nde3e4 yo4o4 na1 ku3xi3 ko3ndo3 na1 kan4 a3sa3 yo4o4.
</Turn>
<Turn speaker="spk2 spk1" startTime="335.068" endTime="340.358">
<Sync time="335.068"/>
<Who nb="1"/>
Tan3 o4ra2 ni1-ndi'3i3 tan3 nda3-ndi3ko4 tu3ku(3)=e4 ji'4in4=na3.
<Who nb="2"/>
O4ra2 ndi'13i3 tan3 nda3-ndi3ko(4)=e4 ji'4in4=na3,
</Turn>
<Turn speaker="spk1" startTime="340.358" endTime="347.37">
<Sync time="340.358"/>
nda3-ndi3ko(4)=e4 ji'4in4=na2 a1chi1 ndi4, na4chu3 ba42 nda3-ndi3ko(4)=e4 ji'4in4=na2 nda13ñu'4u4 tiem4pu2=na1 ni1-xi1ka3=na2 chi13-nde3e4=na2 yo4o4 ya1 kan4 nda3-ndi3ko(4)=e4 ji'4in4=na3,
</Turn>
<Turn speaker="spk2" startTime="347.37" endTime="355.82">
<Sync time="347.37"/>
Tan3, sa1a3 tu3 na4, ya1kan3, ni1-..., tan42 ku4u4 na1 ni1-ta3nda'3a4 kan4 tin3, ni1-xi'1i1=na1 tin3.
</Turn>
<Turn speaker="spk1" startTime="355.82" endTime="382.556">
<Sync time="355.82"/>
Tan3 yo3o3 ku4u4 ji4ni2=o4 ka'1an(1)=e4 ji'4in4 na4 ni1-xi'1i1=na1. I3kan4 ndi'13i3 ba3. I3kan4 ni1-ndi'3i3 ba3, an4 ña4 si'4i2 tu(3)=e4 ni1-xi'1i1 ni1-ta3nda'3a(4)=en4 ji'4in(4)=o4 tan3
<Sync time="361.762"/>
ni3 kwi14i3 ka1 ka3chi2=o4 ndi4 nda14-cha'4bi(3)=o4 na1 kan4 ndi4 na3ni2 ndi4 ta1 ta4ku1 ku4u(4)=e4 yo4o4 ku4u4 ta1 ni1-chi3-nde3e4 na1 kan4 na1 nda3-cha'4bi(3)=o4 ko3ndo3 na1 kan4 a1chi1 ndi4
<Sync time="367.332"/>
chi13-nde3e4=na2 yo4o4 nda143 ka4ni'1i3 na1 ko14o(3)=a2 ka'3an3 nu14u3 na1 kan4 ku4u4=na2 ba143 nda4-ndi3ko4 ka1=na1 ji'4in4 na1 kan4 a1chi1 ndi4
<Sync time="371.954"/>
ka'14an1 ka1=on4 ji'4in(4)=2 ndi4 ja1 ni1-nda3ñu'4u4 ña4 si'4i2[=yu1] ni1-xi'1i1, su14u3 na1 kan4 ku4u4=na2 ni4-xa'3ni4=na2 ña4 si'4i2=o4 [ya1 kan4] ndi4 nda4-ndi3ko(4)=e4 ji'4in4=na2 ndi4
<Sync time="377.836"/>
mi3i4 ba3 yo4o4 ku4u4 na1 ko14o3 *suerte**=o4 ya1 kan4 ndi4 ni1-xi'1i1 ña4 si'4i2=o4.
</Turn>
<Turn speaker="spk2" startTime="382.556" endTime="399.848">
<Sync time="382.556"/>
Tan3, na1, na4tu2 na1 kwa'1an1,
<Sync time="391.948"/>
sa1a3 ka3chi2=o4 ji'4in4=na2 ran4, na1 kwa'1an1 tan42 ku4u4=na2, na4tu2 ja1 ni1-..., na1 ni1-chi3-nde3e4 ji'4in4 ña'1a3 tu3ku3 tin3
</Turn>
<Turn speaker="spk1 spk2" startTime="399.848" endTime="403.24">
<Sync time="399.848"/>
<Who nb="1"/>
na1 ni1-chi3-nde3e4 ji'4in4 ña'1a3 ña1a4 ndi4 ....
<Who nb="2"/>
Tan3 na4tu2 ni1-xi'1i1, na4tu2 ni1-xi'1i1 ña4 si'4i2=o4 tin3.
</Turn>
<Turn speaker="spk1" startTime="403.24" endTime="449.306">
<Sync time="403.24"/>
Na1 nda3-cha'4bi(3)=o4 ku4u4 na1 kan4 a1chi1 ndi4 i4yo2 *lista**, i4yo2 *lista** an4 *cartón** chi13-nde3e4=na2 yo4o4 an4 ndu3xi4 chi13-nde3e4=na2 yo4o4
<Sync time="409.02"/>
an4 xu'14un4 chi13-nde3e4=na2 yo4o4 ndi4 a1chi1 ndi4 chi4-nde3e4=na2 *paquete cigarru** chi4-nde3e4=na2 *cerveza** an4 ko14o3,
<Sync time="414.95"/>
kwe4nda2 *bote** ka4chi2=o4 lu3te'4ni4 kan4 chi4-nde3e4=na3, ya1 ña1a4 ndi4 ya1 ndo4ko1so4 ku4u4 ndi'3i(3)=a2 ña1a4 sa1a3, sa1a3 ku4u(4)=a2 chi13-nde3e4=na2 yo4o4, ku4u(4)=a2 chi13-nde3e4=na2 yo4o4
<Sync time="421.614"/>
ni3 ni1-xi'1i1 ña4 si'4i2=o4 ni3 ña4 ku4ni2 ku3u2 ban4 ndi14ni2 na1 kan4 ndi4 ña'1a3=na2 ba42 i4yo2 ndi3-kwi3so3=na(2)=e2 tan3
<Sync time="427.774"/>
ya1 nda3-kwa'1a(3)=e4 ku4u4 ba(3)=e2 kan4 nda'3a4=na2 a1chi1 ndi4 yo4o4 ndu4sa3ka4 nda14ku2 ku4u(4)=e4 na1 kan4, na4tu2 i4yo2 ka4xi3 ba1ba'1a3 i3ni2=na1 sa3kan4 ndi4
<Sync time="433.254"/>
ka'14an1=na1 ji'4in(4)=o4 a1chi1 ndi4 ta1 ndi4ka2 tu1ni4ni2 [ku4u(4)=e4], an4 ko14o3 tan3 ku'1un1=na1 ka'1an1=na1 ndi4 ka'4nu3 ko3o3 i3ni2=un4 ndi4 nda14-cha'4bi(3)=un4 yu'1u1 bi3tin3 a1chi1 ndi4
<Sync time="437.936"/>
ji4ni2 ka4xi(3)=2 ndi4 ña4 si'4i2=un4 ku'4u2 an4 ko14o3 ña4 si'4i2=un4 ja143 ni1-xi'1i1 ta1 ku4chi4 i3ni2 ku4u(4)=un4, i3nga2 ta3nda'3a4 se'1e3=2 sa3kan4 [...]
<Sync time="443.696"/>
ndi4 na1 i4yo2 ka4xi3 i3ni2 tan3 na1, na1 ko14o3 ta1tan4 ndi4 ka'1an1=na1 ji'4in(4)=o4 xa'1a4=e2 ndi3-ki'3in3=na(2)=e2 nda'3a(4)=e4.
</Turn>
<Turn speaker="spk2 spk1" startTime="449.306" endTime="455.646">
<Sync time="449.306"/>
<Who nb="1"/>
A1chi1 ja1 *costumbre** ba42 ran4, tan3 *costumbre** kan4 tin3 ko14o3 ka(1)=e1 kan4 tin3.
<Who nb="2"/>
Ko14o3 ka(1)=e1 kan4 bi3tin3, ko14o3 ka(1)=e1 kan4 tin3, nda13-na1ma3 ndi'3i(3)=a3.
</Turn>
<Turn speaker="spk2 spk1" startTime="455.646" endTime="461.616">
<Sync time="455.646"/>
<Who nb="1"/>
Ba143 ti4in4 ka1=na1 tia'1ba4.
<Who nb="2"/>
Ba143, ba143 ti4in4 ka1=na1 tia'1ba4 ndi4, ba143 ti4in4 sa3ba3=na(2)=e2 ran4, tan3 ndi4 sa3ba(3)=e4 ndi4 ti3in(3)=o4=e2 na4 ku4-si1i4 i3ni2=o4 ji4ni2=o4=ya3.
</Turn>
<Turn speaker="spk2" startTime="461.616" endTime="463.237">
<Sync time="461.616"/>
Ba143 nda4ka3ta3 ka1=na1 ndu3xi4.
</Turn>
<Turn speaker="spk1" startTime="463.237" endTime="469.317">
<Sync time="463.237"/>
Ba143 nda4ka3ta3 ka1=na1, ndu3xi4 ku4u4 ti4 ni1-ndi'3i3 xa'1a4, ndu3xi4 tan3 lu3te'4ni4 ni1-ndi'3i3 xa'1a4=e2 kan4, ko14o3 na1 ja4ta24 ka1 kwe4nda2 *bote** lu3te'4ni4 tin3
</Turn>
<Turn speaker="spk2" startTime="469.317" endTime="478.789">
<Sync time="469.317"/>
Ba143 xi4ko14 ka1 ña'1a3 ku1nu'1u4=a2 be'3e3.
<Sync time="471.427"/>
Ba3 ba14sa3 ka1, bi3tin3 ndi4 nda143 xa1a1=na1 ku3xi3=na2, na4 ku14na'1a(1)=e4 tu4u2=e4 tan3 ku'14un1 bi(4)=o4 mi4i4 i13xa3 *invitar**=na1 yo4o4 tan3 ndi4, ni3 ko14o3 ka'1an1 ku1nu'1u4=a2 be'3e(3)=o4.
</Turn>
<Turn speaker="spk2" startTime="478.789" endTime="480.66">
<Sync time="478.789"/>
Tan3 na1 si'4i2 tin3 ba143 jo4nde1e3 ka1=na1 nu14u3 yu3bi4 tin3.
</Turn>
<Turn speaker="spk1 spk2" startTime="480.66" endTime="482.459">
<Sync time="480.660"/>
<Who nb="1"/>
Ba14sa3 ka1, ni1-ndi'3i3 xa'1a4=e2 kan4.
<Who nb="2"/>
Ba143 xi'4i4 ka1=na1 si'1ba1.
</Turn>
<Turn speaker="spk1" startTime="482.459" endTime="504.891">
<Sync time="482.459"/>
Ba143 xi'4i4 ka1=na1, xi'4i4 ta'3an2=na1=ra4 nda143 ba1xi3 ku4u4 xia4an4, na4 ku14ni2=o4 ta3xi(3)=o4 ta1kwi42 be'3e3 ña'3a4, ku14ni2=na1 ta3xi3=na2 ta1kwi42 bi1xi1 ko'3o3 na1 kan4 ndi4 si'1ba1 ti4in4 ba3 ta'3an2=na1
<Sync time="489.869"/>
ndi4 nda143 sa1a3 ya1 ko4ndo3 *gusto** ña'1a3 na1 yu4bi24 ba3 ba42 kan4
<Sync time="493.189"/>
tan3 a1chi1 ndi4 ka3chi2=na1 ndi4, be'3e3 ña'3a4 ku'1un(1)=o4 si..., ko'3o(3)=e4 si'1ba1 chi1, tan3 na1 ku'1un1 ku4u(4)=e4 a1chi1 ndi4 be'3e3 ña'3a4 ku'1un(1)=o4 ko'3o(3)=e4 si'1ba1
<Sync time="499.391"/>
ko14o(3)=a2 ka4chi2 i4chi(3)=a2 kan4 tu4u2=na1 ya1 kan4 ndi4 ni1-ki3nda2a2=na(1)=e1.
</Turn>
<Turn speaker="spk2" startTime="504.891" endTime="514.233">
<Sync time="504.891"/>
Tan3 ya1 tan42 ku4u4 ya1 xi4xi3=na2 a1chi1 ndi4 na1, i3in3 ba42 kwa'1an1=na1 xi4xi3=na2 kwe4nda2 is1ta1an1 tu4u(2)=i2 ndi4 xi4xi3=na2 xa'1a4=ri4 ran4, xi4xi3=na2,
</Turn>
<Turn speaker="spk2 spk1" startTime="514.233" endTime="521.035">
<Sync time="514.233"/>
<Who nb="1"/>
ji1ni4=ri4 xa'1a4=ri4 ....
<Who nb="2"/>
Te'1e4 ji1ni4 ndu3xi4 ya1 nda4a2 le14se3=ri4 nda4a2 xi4xi3=na3, kwa'1an1 ndi3sa4ku4u4=na2 ndi4 tio1to1 *novio** kwa'1an1 nda1ka3=na2 ya1 kan4 ndi4 xi4xi3=na(2)=e2 kan4,
</Turn>
<Turn speaker="spk1" startTime="521.035" endTime="544.965">
<Sync time="521.035"/>
tio1to1 *novio** kwa'1an1 nda1ka3=na2 ya1 kan4 ndi4 xi4xi3=na(2)=e2 kan4 ndi4 xa1a1=na1 kwa'1an1 nda1ka3=na2 tio1to1 *novio** tan3 i3kan4 ja143 ku3nde3e3=na2 ku3xi3=na2 tin3
<Sync time="527.605"/>
ndi'3i3 kan4 ndi4 sa3kan4 ndi4 nda3-ndi3ko4 tu3ku3 na1 *familia** ta1a3 ku'1un1 nda1ka3=ra2 tio1to1 *novia** be'3e(3)=an4 tan3
<Sync time="533.615"/>
ña1a4 ndi4, ña1a4 ba42 ko'3o3=na2 si'1ba1 na4tu2 i4yo2=ra4, na4tu2 ko14o3=ra4, bi3tin3 ndi4 nda143 ta1kwi42 bi1xi1 ba3 ta3xi3=na2 i3nda14 i3nda14 ta4, ta4 ba4li4 kan4 ko'3o3=na2 tan3 kwa1nu'1u4 ba3=na2 tin3.
</Turn>
<Turn speaker="spk2" startTime="544.965" endTime="547.477">
<Sync time="544.965"/>
Ba143 ta4tu2u2 ka1 tu3 mi3i4=na2 ta3yu2 bi4.
</Turn>
<Turn speaker="spk1" startTime="547.477" endTime="554.237">
<Sync time="547.477"/>
Ba14sa3 ka1, ba14sa3 ka1 ndi4 ni3na3 mi3i4 tun4, tun4 i4xa3 *rentar** ba3=na2 ku4u4=run4 tin3, ni1-ndi'3i3 xa'1a4=e2 ta4tu2u2=na1 ta3yu2 kan4, ni3 kwi14in3 ka1 ni1bi4 sa4-ta3tu2u2=na1=run4 yo4o4 tin3.
</Turn>
<Turn speaker="spk2 spk1" startTime="554.237" endTime="558.817">
<Sync time="554.237"/>
<Who nb="1"/>
Ni3 na1 xa4nda4 ko14o3 ka1 na1 xa4nda4 tin3. *Híjole**.
<Who nb="2"/>
Ko14o3 ka1 na1 xa4nda4 tin3, ndi'13i3 ba3 xa'1a4 na1 xa4nda4.
</Turn>
<Turn speaker="spk1" startTime="558.817" endTime="595.517">
<Sync time="558.817"/>
A1chi1 ndi4 *a la una, do** kwe4nda2 ba1xi3 ki14tu3 sa3kan4 ki3xa3a4=na2 sa4-ki14tu3=na3,
<Sync time="564.687"/>
kwa'1an1=na1 be'3e3 ña'3a4 kwa1..., ka3chi2=o4, a1be3 ran4, na1, na1 *padrinu** ku4u4 na1 xi4ka3 sa4-ki14tu3 *padrinu** i3nda14
<Sync time="571.185"/>
ndu4ku4=ra2 *cohete** ndu4ku4=ra2 ya1 xi'4i4 ndu4ku4=ra2, ya1kan3, kwa'1an1=ra1 ji'4in4 na1 *familia**=ra1
<Sync time="577.767"/>
kwa'1an1 *vinu** kwa'1an1 *cigarru** kwa'1an1 nda1ka3=na2 nda'3a4 yu3ba4 ta1 ko4ndo3 *novio** nda'3a4 yu3ba4 ñu'4u4=ra2 nda'3a4
<Sync time="585.627"/>
kwa'1an1=na1 xa4nda4, na1 xa4nda4 bi3ko4 ku4u4 ba3=na2 na1 xi'4i4=ni42 ba3 ku4u4=na2 ba1xa1a1=na1 ña1a4, ta4xa'4a4=ni42=na1 a1chi1 ndi4 bi3ko4 ba43, bi3tin3 ndi4 ni1-ndi'3i(3)=a2 kan4 tin3, ko14o3 ka1 na1 ka'4an2 xa3nda4.
</Turn>
<Turn speaker="spk2 spk1" startTime="595.517" endTime="601.797">
<Sync time="595.517"/>
<Who nb="1"/>
ndi'13i3 ba3 xa'1a4 ndu3xi4 ni4i4 ndu3xi4 ta'4bi4 ndu3xi4 ta'4nu1.
<Who nb="2"/>
Ndi'13i3 ba3 xa'1a4 ndu3xi4 ni4i4 ndu3xi4 ta'4bi4 kan4 ko14o3 ka'4an2 ka1 ku3xi3=ri4.
</Turn>
<Turn speaker="spk1 spk2" startTime="601.797" endTime="608.997">
<Sync time="601.797"/>
<Who nb="1"/>
Nda143 na4 ku4-si1i4 i3ni2 mi3i(4)=o4 ti3in(3)=o4 ya1 ku3xi(3)=o4 i3nda14=e2 ndi4, ndi4 ya1 ku4-si1i4 i3ni2 mi3i(4)=o4.
<Who nb="2"/>
Ndu3xi4 ta4ku1 ndi4 ndi4-kwi3ko4 ka1=na1=ri4 i4yo2 a3ma3 ji4ni2[=yu1] ran4.
</Turn>
<Turn speaker="spk1" startTime="608.997" endTime="628.562">
<Sync time="608.997"/>
Nda143 i3in3 ka4ni'1i3=ni42 ku4u4 na1 ba143 kwi4i4 ki3nda2a2 *costumbre** ndi4 i3nda14=e2 ndi4 su14u3 ndi3sa4ku4u4 tu3ku3=na3,
<Sync time="613.488"/>
nda143 na4tu2 ta1 ji'4in4 si1si'4i2 ku4u4=ra2 tan3 ka3chi2=ra1 ndi4 yu'1u1 ndi4 i4yo2 yu3ba4 yu'1u1 i4yo2 ya3ni2[=yu1] i4yo2,
<Sync time="619.212"/>
ja1 sa3kan4 ni1-xi3xi3=ndu2 ji'4in4=na2, na1 chi3ñu3=ni4(2)=a2 kan4 ndi4 na1 ta4u3ni2 Culá Coñu kan4 na1 kan4 ku4u4 na1 chi3ñu3=ni4(2)=a2 kan4 na1 Mbro4sio2 ña1a4, kwi14i3 ki3nda2a2=na(1)=e1 kan4 a1chi1 ndi4 *costumbre** ba42 ran4.
</Turn>
<Turn speaker="spk2 spk1" startTime="628.562" endTime="634.542">
<Sync time="628.562"/>
<Who nb="1"/>
*Costumbre** ya3ta4 ba42 ran4.
<Who nb="2"/>
*Costumbre** ya3ta4 ba42 ña1a4 ndi4 mi3i(4)=o4 xa4xi24 nda3a2=ni42=o4 se'1e(3)=o4 na4tu2 yo4o4 i4yo2 se'1e3 be4,
</Turn>
<Turn speaker="spk1" startTime="634.542" endTime="642.362">
<Sync time="634.542"/>
su14u3 kwe4e2, su14u3 ti4 ni4-si4-kwi1na1 na1 kan4 ku4u4=ri4 tan3 sa3kan4 ndi4 ku3xi3 yo4o4=ri4 ndi4 ti4, ti4, ti4, ya1kan3, ta4tu2u2=na1 ku4u4=ri4 nu14u3 is1to'3o2=ri4,
</Turn>
<Turn speaker="spk1 spk2" startTime="642.362" endTime="647.182">
<Sync time="642.362"/>
<Who nb="1"/>
ti4 nda3-ndi3ko4 ko3ndo3 ti4 kan4. *cuenta** ndo4o13=ni42.
<Who nb="2"/>
Ti4 nda3-ndi3ko4 ko3ndo3 ti4 kan4 ran4, *cuenta** ndo4o13 ji'4in4=na2 ran4.
</Turn>
<Turn speaker="spk1" startTime="647.182" endTime="680.762">
<Sync time="647.182"/>
Ba143 ba'1a3 ndo3ko3o4=ni42=o4 *cuenta** na4tu2 se'1e(3)=o4 ba42 a1chi1 ndi4 ya'3bi3=ni42 ña'1a3.
<Sync time="651.854"/>
Ji14ni2=o4 na4tu2 ka4ni24=ni42 tiem4pu2 ko3o(3)=e4 tan3 sa3kan4 ndi4 nda3-cha'4bi(3)=o4 *cuenta** se'1e(3)=o4,
<Sync time="656.914"/>
ki3xa2a2 na1 kan4 ka'1an1=na1 ji'4in(4)=o4 yu3ba4=2 ndi4 na1 yo'4o4 nda4kan1 *cuenta** nu14u3=ndu2 ndi4 so'3o3 bi4 ku4u4 *cuenta** ndu4sa3ka4=ndu2 tan3 ko14o3 i4chi3 xu'14un4=ndu3,
<Sync time="662.794"/>
an4 ba143 ku4-ka'3an3 nu14u(3)=e4 ka'4an2=na1 sa3kan4 ji'4in(4)=o4 tu4u2 yo'4o1, a4su3 ku4-ka'3an3 nu14u(3)=e4 ndi4
<Sync time="667.818"/>
yo4o4 ku4u4 ta1 ko14o3 xi1ni4 ya1 kan4 ndi4 lu14u3=ni42 xi13xi(3)=o4 ka4chi2 ka'4an4=na2 kan4, na4 nda3-cha'4bi3=ra2 a1chi1 ndi4 ta1 ka1a3 ku4u4 ta1 ni14-nda3-ki'3in3 ji1ni4=ra2 ya1 kan4 ndi4 lu14u3 ndu4sa3ka4=ndu2 ka4chi2 ka'4an4=na3,
<Sync time="675.768"/>
ya1 ka'3an3 nu14u3 ba43, ya1 kan4 ndi4 ja1 kwa'1a4=ni42 nda4-ki'3in3 ji1ni4=a2 ndi4 ja1 ndi'4i4 xa'1a4=e2 kan4 tin3.
</Turn>
<Turn speaker="spk2" startTime="680.762" endTime="685.532">
<Sync time="680.762"/>
Mm, ya1 ko4ndo3 *costumbre** kan4, tan3 ba'1a3 tu3 bi3tin3 ndi4 nda143 i3in3, nda143,
</Turn>
<Turn speaker="spk2 spk1" startTime="685.532" endTime="689.834">
<Sync time="685.532"/>
<Who nb="1"/>
ji1ndi1ki4 ba3 xi'4i1. Na1 ni1-xa'1an1 na1 ni14-xa'1an1 tan3 i3kan4 ndi'4i4 ba3 ji'4in4 na1 kan4. A1be3 i3kan4 ni1-ndi'3i3 ba3 ji'4in4 na1 kan4.
<Who nb="2"/>
Nda143 ji1ndi1ki4 tu1u3 tan3 i3kan4 ti4 kan4 ku3xi3=na3.
</Turn>
<Turn speaker="spk2 spk1" startTime="689.834" endTime="694.424">
<Sync time="689.834"/>
<Who nb="1"/>
Ko14o(3)=a2 nda4kwi1ko4 ka1. Ko14o3 ta1 ku4ni(2)=a2 ku3ndu'4u4 yu3bi4 ku3ndu'4u4 ta3yu2 ku3ndu'4u4 ....
<Who nb="2"/>
Ba14sa3 ka1. U'4un1 ba14sa3 ka1.
</Turn>
<Turn speaker="spk1 spk2" startTime="694.424" endTime="696.854">
<Sync time="694.424"/>
<Who nb="1"/>
Ni3na3 mi3i4 ....
<Who nb="2"/>
Ko14o3 ta1 ja4-ndo'3o3 ta'4an4 ka1 xi3kwa'4a4 tia'1ba4.
</Turn>
<Turn speaker="spk1" startTime="696.854" endTime="699.774">
<Sync time="696.854"/>
Ba14sa3 ka1, nda143 xa3ku4=ni42 *gastu**.
</Turn>
<Turn speaker="spk2 spk1" startTime="699.774" endTime="708.854">
<Sync time="699.774"/>
<Who nb="1"/>
I3in3 chi4chi3 ndi4 ba'1a3 ba3 tan3 i3nga2 chi4chi3 ndi4 ndi'4i4 xa'1a4 *costumbre** ba3 ran4, tan3 su14u3 *costumbre** ba'1a3=ni42 bi4 ta'3an2 ku4u4 ta'3an(2)=e2 sa3ba(3)=e2 ndi4 *costumbre** ka4-ta1bi1=ni42 ba42 ran4.
<Who nb="2"/>
Ndi'4i4 xa'1a4 *costumbre**, a1su3 ka4ni'1i3=a2 ba143 ba'1a3, ya14tin3=ni42,
</Turn>
<Turn speaker="spk1" startTime="708.854" endTime="752.207">
<Sync time="708.854"/>
ya1 kan4 ba42 nda'4bi2=ni42 ñu3u2=e4 tu4u2=yu1,
<Sync time="712.074"/>
i3nga2 ka1 ñu3u2 tan42 ta'4bi4 Jolo ka1a3 ta'4bi4 Marquelia ka1a3 ta'4bi4 ka1a3 ndi4 ba14sa4 i4xa3=na2 sa3kan4 chi2
<Sync time="719.176"/>
na4tu2 na1 nda13tu'4un4 ku4u4=na2 ndi4 xu'14un4 nda4i3ka(4)=e4 ka3-ni'3i(3)=o4 ku'1un(1)=o4 sa3kan4 ndi4 sa3ta(4)=e4 *cerveza** nda4a(2)=e2 an4 *botella** nda4a(2)=e2 ku4ni2=o4 ko'3o(3)=e4 ndi4 ya1 sa3ta(4)=e4 ba43,
<Sync time="725.757"/>
tan3 ka1a3 ndi4 ni3na(3)=e2 xa4xa1 ba42 ka1a3 ndi4 lu14u3 *mil** chi4ka2=na1 ka'3a4=e3, ka4chi2 i3nda14 kum3pa4ri2[=yu1] ta1 Cuana ndi4, jo13ndo3 ta1 chi4ñu3 a3wa3 ndi4
<Sync time="733.617"/>
*ochenta y cinco mil pesu** ku4u4 xu'14un4 mi3i4=ra2 ni'4i4=ra2 tan3 ni1-ki3xa3a4=ra2 ta13nda'3a4=ra2 chi1, ni14-ju3-na3ni(2)=a2 kan4 ka4chi2=ra1
<Sync time="739.357"/>
kwa'1an1 *cerveza** tan3 kwa'1an1 tio1to1 tan3 kwa'1an1 tan42 ku4u(4)=a2 ndi4 i4yo2 kwa'1a4 sa3ta4=ra2 tan3, tan3 ni1-ndi'3i(3)=a2 kan4 chi2
<Sync time="745.997"/>
i3kan4 ni1-ka'1an1=ra1 ji'4in4 na1 ñu3u2=ra1 chi13-nde3e4=na2=ra1 chi1, su4kun1=ni42 xu'14un4 ba42 ta4nda'3a(4)=e4 ka4chi2 ba3=ra3, tan3 su4kun1 ja3 ba3 ba42 a1chi1 ndi4,
</Turn>
<Turn speaker="spk2 spk1" startTime="752.207" endTime="757.897">
<Sync time="752.207"/>
<Who nb="1"/>
kwa'1an(1)=e1 nda1 nda4a2 ya3tin3 *doscientos** ka1a3 bi4 tu4u2=yu1.
<Who nb="2"/>
Nda4a2 sa3kan4 tu4u2=yu1, a1chi1 ndi4,
</Turn>
<Turn speaker="spk1" startTime="757.897" endTime="767.017">
<Sync time="757.897"/>
ni3 su14u3 *familia** na1 si'4i2 ku4u4 na1 ku4-xi'3na3=ni42 ku3xi3 ndi4 na1 xi4xi3=ni42 ku4u4 *familia** mi3i4 ba3 yo4o4 na4 ta1 ta4nda'3a4 ku4u(4)=e4,
<Sync time="763.407"/>
a3ma3 ku14-ka'3an3 nu14u(3)=e4 ta3chiu4un(4)=e4 ni1bi4 tan3 ko14o3, ko14o(3)=a2 ta'4an2 ta3xi(3)=o4 ku3xi3=na3.
</Turn>
<Turn speaker="spk2 spk1" startTime="767.017" endTime="772.197">
<Sync time="767.017"/>
<Who nb="1"/>
Na1 chi4-nde3e4 ku4u4=na2 na1 xi4xi3 kwa'1a4 ku4u4 na1 kan4.
<Who nb="2"/>
Na1 xi4xi3 kwa'1a4 ku4u4=na3, ta1kwi42 bi1xi1 ko'3o3=na2, *cigarru** ka'3mi3=na3.
</Turn>
<Turn speaker="spk2 spk1" startTime="772.197" endTime="780.573">
<Sync time="772.197"/>
<Who nb="1"/>
Lu3te'4ni4 tin3.
<Who nb="2"/>
An4 na3ni2=ra4 ndi4 o4ra2 ni1-ki3xa2a2=na1 ko3o3 bi3ko4 ndi4 e1ta4 u1bi1 u1ni1 ti4=ra4 ko'3o3 na1 ta'4an4 yo4o4 na1 ko4ndo3 ta'4an4 yo4o4 ta1a3 na1 chi4-nde3e4 yo4o4
</Turn>
<Turn speaker="spk1" startTime="780.573" endTime="787.757">
<Sync time="780.573"/>
na1 i4yo2 *ínima** ku4u4 na1 kan4 na1 ka4..., na1 ka4nda1 *ánima** ku4u4 na1 kan4 nde4e4=na3, la3tun4=ni42 ku4u4 xi'4i4 na1 ka1a3 tan3 yo4o4 ba143 ka'4an2 i4chi3=na2 xa'1a4 ka4chi2 ka'4an4=na3,
</Turn>
<Turn speaker="spk1 spk2" startTime="787.757" endTime="792.457">
<Sync time="787.757"/>
<Who nb="1"/>
nda4i3ka4 ndi4 lu3lu3 ....
<Who nb="2"/>
Na1 si'4i2 nde4ta3 ji'4in4 xi1yo3 tin3. Na1 si'4i2 nde4ta3 ji'4in4 xi1yo4 tin3.
</Turn>
<Turn speaker="spk2 spk1" startTime="792.457" endTime="798.329">
<Sync time="792.457"/>
<Who nb="1"/>
Na1 ndi4ko3 tin3.
<Who nb="2"/>
ka'4an4 na1 ña1a4, a3ma3 bi4 ba42 ya'1a3 ta1kwi42 bi1xi1 ko'3o(3)=e4 an4 ko14o3 ndi4 an4 kwi14i3 i4chi3 sa4-ya'1a3=ndo4 i3nda14 *cerveza** ko'3o(3)=e4
</Turn>
<Turn speaker="spk1" startTime="798.329" endTime="807.173">
<Sync time="798.329"/>
ka'1an1 ba3 na1 si'4i2 nde4e4 ji'4in(4)=o4 ka'1an1 na1 ta'4an4 yo4o4 ka'4an2=na1 ndi4 *cerveza** ku4ni2=na1 i3nda14=ra4, su14u3 sa1a3 na1 si'4i2 xi4to3 xi1yo4 ti4, i3nda14 i3nda14 i3nda14=ra4 ko'3o3 tan42 ku4u4=na3,
</Turn>
<Turn speaker="spk1 spk2" startTime="807.173" endTime="812.083">
<Sync time="807.173"/>
<Who nb="1"/>
nda3si4=ni42 i4xa14bi2=na1. Ku1mi4 u'1un1 *cartón**, nda3si4=ni42 i4xa14bi2=na1,
<Who nb="2"/>
I3kan4 kwa'1an1 ba3 ku1mi4 u'1un1 *cartón** ran4.
</Turn>
<Turn speaker="spk1" startTime="812.083" endTime="857.397">
<Sync time="812.083"/>
ya1 ka4chi2 yo4o4 ndi4 *costumbre** ñu3u2=e4 ndi4 ja1 ndi'4i4 xa'1a4=e2 ya1 nda4kwi1ko4 ndu3xi4
<Sync time="816.483"/>
ndi'4i4 xa'1a3 ba(3)=e2 kan4 ndi4, ndi4 ya1 ji'4in4 yo4o4 ta1a3 ba42 ya1 ko14o3 chiu3un3 a3sa(3)=e4, tan3 na1 si'4i2 ndi4 lu14u3 chi3ñu3 i4yo2 a3sa3 na1 kan4
<Sync time="822.913"/>
ndi4ko3=ni42=na1 i4xa14bi2=ni42=na1, na1 ja4-chio'1o4 nda3yu4 na1 xi4ko'4ni3 is1ta4 na1 ta4nde3e3 is1ta4 na1 ndi4ko3 na1,
<Sync time="831.073"/>
na1 ba'1a3 ko3o3 ma1ni4 sa4ka2 ku4u4=na2 na4 na3ni2=o4 sa3kan4, mi3i4 ba3 yo4o4 be4 ba143 xa4a1 yo4o4 ya1 kan4 ndi4 ba143 ku4-na3ni2=o4 tan3
<Sync time="836.873"/>
tan42 ku4u4 yu'1u1 ka4chi2[=yu1] ndi4, ko3yu3..., ko3o3 na1 kum3pa4ri2=yu1 Salubi ka1a3
<Sync time="841.907"/>
na1 kum3pa4ri2[=yu1] Salubi ka1a3 ndi4, kwa'1a4 na1 i4ngo24 ndi4 ku14ni2 ku3xi3=na2 is1ta4 ma4..., is1ta4 *máquina** ka4chi2=o4 ka1a3
<Sync time="847.597"/>
ji14ni2=o4 sa1a3 i4yo(2)=a2 ya1 kan4 ndi4 ka4chi2=na1 ndi4 ku14ni2 ku3xi3=na(3)=e3, ku4ni2 ku3xi3 ka1 ba3=na2 is1ta4 nda'3a4 is1ta4 ku4kun3 ku4ni2 ku3xi3=na2 chi1 tan3 is1ta4 *mulinu** ndi4 ba143 ba'1a3=e2 ka4chi2=na1
</Turn>
<Turn speaker="spk2 spk1" startTime="857.397" endTime="860.527">
<Sync time="857.397"/>
<Who nb="1"/>
Na1 nda4ka1xin3 ku4u4 ta'3an2=na1.
<Who nb="2"/>
Nda4ka1xin3=na3.
</Turn>
<Turn speaker="spk1 spk2" startTime="860.527" endTime="868.139">
<Sync time="860.527"/>
<Who nb="1"/>
Ya1 kan4 ndi4 ko14o3 ya1, ko14o3 is1ta4, is1ta4 *mulinu** sa3ta4 yu'1u1, ku14ni2[=yu1] sa3ta4=2 .... A1be3, is1ta4 nda'3a4 ko3ndo(3)=a2 ta3nde3e3=na3.
<Who nb="2"/>
Is1ta4 nda'3a4 ko3ndo3 ndi'3i(3)=a3.
</Turn>
<Turn speaker="spk2 spk1" startTime="868.139" endTime="875.079">
<Sync time="868.139"/>
<Who nb="1"/>
Tu1ni4ni2 tu3 ba42 ji'4in(4)=a2 kan4 ba3 ndi4, ba'1a3 tu3 bi3tin3 ndi4 ja1 *mulinu** ta'3an2 ran4, nda143 lu3u3 nda14(3)=e2 jo4nde1e3 ta'3an(2)=e2 ran4. Nda14(3)=e2 ko3nde3e3 ti4 ko3ndo(3)=a3.
<Who nb="2"/>
A1be3 tu1ni4ni2 ba42 ji'4in4 na1 kan4 a1chi1 ndi4, a1be3 *mulinu** ta'3an2 ndi3ko3=na(3)=e3. Nda14(3)=e2 ko3nde3e3 ti4 ko3ndo(3)=a3.
</Turn>
<Turn speaker="spk2 spk1" startTime="875.079" endTime="879.329">
<Sync time="875.079"/>
<Who nb="1"/>
Tan3 a1chi1 ndi4 nda'3a4 ndi'3i3=na2 ta4xin(1)=a1 nda'3a4=na2 ndi4ko(3)=a2 nda'3a4=na2 *híjole**.
<Who nb="2"/>
Nda'3a4 ndi'3i3=na3.
</Turn>
<Turn speaker="spk1" startTime="879.329" endTime="902.471">
<Sync time="879.329"/>
Tan42 ni1-ta3nda'3a4 yu'1u1 ndi4 kwa'1a4 yo14so3 ni1-ta3tu2u2=yu1, ta13tu2u(2)=i2 ni1-..., kwa'1a4 na1 ni1-ta3tu2u(2)=i2 ndi13ko(3)=a2 ko14o3 *mulinu** ran4
<Sync time="888.021"/>
*una dos** kwe4nda2 ñu3u42 tan3 [ki3] xa3a4=na2 ndo4ko2o2=na1 [na1] nda4ka3ta3 xa'4a2 na1 ndi4ko3 na1, tan3 sa3kan4 ta4nde3e3=na2 is1ta4 ndi4 ñu3u42 ndo4ko2o2=na1
<Sync time="895.311"/>
bi3tin3 ndi4 ku3-na3ni2 nda1 *tres cuatro** tan3 ndo3ko1o3=na3, o4ra2 kan4 ndo3ko1o3=na2 ko'3o3=na2 *café** an4 ko14o3 *pozoli** nda4a(2)=e2 ka3xi4=na2 tan3
</Turn>
<Turn speaker="spk2 spk1" startTime="902.471" endTime="909.141">
<Sync time="902.471"/>
<Who nb="1"/>
Ki3xa3a4=na2 ta3nde3e3=na2 is1ta4.
<Who nb="2"/>
ki3xa3a4=na2 ta3nde3e3=na2 is1ta4, ya1 ja1 i4yo2 ku4u4 yu3xan4, i4yo2 yu3xan4 ba143 ndo'4o4 ka1=na1 nda143 xa3ku4=ni42 ba42 ndo'4o4=na2 tin3
</Turn>
<Turn speaker="spk1" startTime="909.141" endTime="913.893">
<Sync time="909.141"/>
tan3 tu4u2=yu1 ndi4 a1chi1 ndi4 ya1 ndi4ko3 nda'3a4=na2 xa'4a2 ndi4 nde3e4=ni42 ba42 kan4, nde3e4=ni42 ba42 kan4.
</Turn>
<Turn speaker="spk2" startTime="913.893" endTime="917.003">
<Sync time="913.893"/>
Tan3 si4in4 ndi4 kwa'1a4=ni4(2)=a2 i13xa3, ya14tin3=ni42 ba42 a1chi1 ran4.
</Turn>
<Turn speaker="spk1 spk2" startTime="917.003" endTime="925.33">
<Sync time="917.003"/>
<Who nb="1"/>
Ya14tin3=ni42 ba43. Ku4ni2 ku1sun1 ta'3an2 ba3 be4lu2 ma42!
<Who nb="2"/>
Mm, ku4ni2 ku1sun1=ra1.
</Turn>
<Turn speaker="spk1 spk2" startTime="925.33" endTime="930.63">
<Sync time="925.33"/>
<Who nb="1"/>
¿An4 ji4ni3 so'1o3=a2 ka'4an2=e4 ji'4in(4)=a2 ku4u(4)=a2 be4lu2 cho4? Ji4ni3 so'1o3=a2 bi3.
<Who nb="2"/>
Ji4ni3 so'1o3=ra2 ran4.
</Turn>
<Turn speaker="spk2" startTime="930.63" endTime="933.272">
<Sync time="930.63"/>
Tan3 ya1 kan4 ku4u4 *costumbre** tin3, ja1 kwa'1an1 ndi'4i(4)=a3.
</Turn>
<Turn speaker="spk1" startTime="933.272" endTime="936.342">
<Sync time="933.272"/>
Ya1 kan4 ku4u4 *costumbre** ya1 ja1 kwa'1an1 ndi'4i4 ran4.
</Turn>
<Turn speaker="spk2 spk1" startTime="936.342" endTime="939.702">
<Sync time="936.342"/>
<Who nb="1"/>
Bi3tin3 tin3, ya1kan3 ....
<Who nb="2"/>
A1chi1 ndi4 *costumbre** a1chi1 ndi4
</Turn>
<Turn speaker="spk1" startTime="939.702" endTime="946.692">
<Sync time="939.702"/>
Kwe4nda2 *gruesa cohete** sa4ta24=na2 ka'4ndi2 sa4ka(2)=e2, ba143 ba'1a3 ka'3ndi2=ni42 tu4u2=yu1 i1yo3 ka3ni(3)=a2 ni1bi4 tan3 ndu3-kwa1chi(3)=o4 xa'1a4=na3.
</Turn>
<Turn speaker="spk2 spk1" startTime="946.692" endTime="950.464">
<Sync time="946.692"/>
<Who nb="1"/>
Mm, i1yo3 ka'3ndi(2)=a2 ran4.
<Who nb="2"/>
Ndi4 xa3ku4 ba(3)=e2 i3nda14=e2 u1bi1 ta'4an(2)=e2 ka'3ndi2 tan3 sa3kan4 ko3ndo3 ndi'3i(3)=a2 tan3 ndi'3i3 ba3.
</Turn>
<Turn speaker="spk2 spk1" startTime="950.464" endTime="956.634">
<Sync time="950.464"/>
<Who nb="1"/>
Tan3 ndi4 ko14o3 na1 ja4chiu4un4=ni42 ka1 bi4 ta'3an2 *cohete** ji'4in4 tin3. A1chi1 ndi4 *cámaro** bi4 ka'4ndi2 i4xa3=na3.
<Who nb="2"/>
Ko14o3 na1 ja4chiu4un4=ni42 ka(1)=e1 ji'4in4. A1be3, *cámaro** ka'4ndi2.
</Turn>
<Turn speaker="spk1" startTime="956.634" endTime="965.424">
<Sync time="956.634"/>
*cámaro** kan4 ¡poom! xa4a1 nda1 ñu'3u4 ka4nda1 o4ra2 ka'4ndi(2)=a2 kan4, i1yo3=ni42 ka'4ndi(2)=a2, bi3tin3 ndi4 nda143 *cohete** ba42 ja4chiu4un4 tin3.
</Turn>
<Turn speaker="spk2 spk1" startTime="965.424" endTime="971.034">
<Sync time="965.424"/>
<Who nb="1"/>
Ba'1a3 ndi4 ja1 kwa'1an1 ndi'4i4 ba3 ta'3an(2)=e2. Lu3u3 ba'1a3 tan3 lu3u3 ba'14a4 ba3.
<Who nb="2"/>
Ja1 kwa'1an1 ndi'4i4 ba42 tin3, kwa'1an1 ndi'4i4 ba43.
</Turn>
<Turn speaker="spk1 spk2" startTime="971.034" endTime="973.394">
<Sync time="971.034"/>
<Who nb="1"/>
Ndi3xa3 ba42.
<Who nb="2"/>
Ba'1a3 ba3.
</Turn>
<Turn speaker="spk2 spk1" startTime="973.394" endTime="976.024">
<Sync time="973.394"/>
<Who nb="1"/>
¿Sa1a3 na3ni(4)=un4?
<Who nb="2"/>
Raúl Felipe Margarito.
</Turn>
<Turn speaker="spk2 spk1" startTime="976.024" endTime="978.444">
<Sync time="976.024"/>
<Who nb="1"/>
¿Sa1a3 kwi1ya(1)=on4?
<Who nb="2"/>
U1bi1 xi3ko3 i1ñu1.
</Turn>
<Turn speaker="spk2 spk1" startTime="978.444" endTime="981.403">
<Sync time="978.444"/>
<Who nb="1"/>
¿Sa1a3 na3ni4 ñu3u2=un4?
<Who nb="2"/>
Yoloxóchitl.
</Turn>
</Section>
</Episode>
</Trans>